જૂનાગઢ : લોક ડાઉન દરમિયાન સિનિયર સીટીઝન હેલ્પ લાઇન શરૂ કરવામાં આવી
જૂનાગઢ રેન્જના ડીઆઈજી શ્રી મનીંદર પ્રતાપ સિંહ પવાર તથા જૂનાગઢ પોલીસ મદદ સૌરભ સિંઘ દ્વારા જૂનાગઢ જિલ્લામાં સામાન્ય પ્રજાના લોક માનસ ઉપર પોલીસની એક સારી છાપ પડે અને *”પોલીસ પ્રજાનો મિત્ર છે” એ સૂત્ર સાર્થક બને તેવા પ્રજા કલ્યાણ તથા પ્રજા ઉપયોગી કાર્યવાહી કરવા જિલ્લાના તમામ પોલીસ અમલદારોને સૂચના કરવામાં આવેલ. હાલમાં કોરોના વાયરસનાં કહેર સામે લોક ડાઉન અને જાહેરનામા મુજબ કાર્યવાહી ચાલુ હોઈ, લોકોને બહાર નીકળવા તથા ઘરમાં જ રહેવા જણાવવામાં આવેલ છે, ત્યારે જૂનાગઢ જિલ્લા પોલીસ વડા શ્રી સૌરભ સિંઘ દ્વારા સિનિયર સિટીઝનોને તકલીફમાં હોય તો, એક મોબાઈલ નંબર જાહેર કરી, લોક ડાઉન દરમિયાન કોઈપણ જરૂરિયાત હોય તો, પોલીસ મદદ કરવાની જાહેરાત કરી, સિનિયર સીટીઝન હેલ્પ લાઇન શરૂ કરવામાં આવેલ છે. આ સિનિયર સીટીઝન હેલ્પ લાઈન નું સંચાલન પોલોસ કંટ્રોલ રૂમ મારફતે કરવામાં આવે છે.
જૂનાગઢ પોલીસ કંટ્રોલ રૂમ ખાતે સિનિયર સીટીઝન હેલ્પલાઇન ઉપર તા. 30.03.2020 ના રોજ મોબાઈલ ફોન થી જાણ કરેલ (1) જૂનાગઢ તાલુકાના ડુંગરપુર ગામેથી ફોન આવેલ કે, 75 વર્ષના બચુબાપા એકલા રહે છે અને કોઈ રોજીરોટીની વ્યવસ્થા નથી. મદદ કરવા જાણ કરવામાં આવેલ હતી. (2) તેજ રીતે જૂનાગઢ શહેરમાં ખમધરોલ રોડ ઉપર રતિલાલ ચના ભાઈ ને મજૂરી બંધ થયેલ હોઈ, ખાવાની ચીજ વસ્તુઓની અછત પડેલ હોઈ, મદદ કરવા જાણ કરવામાં આવેલ હતી. જે આધારે જુનાગઢ ડિવિઝનના ડીવાયએસપી પ્રદીપસિંહ જાડેજા તથા પ્રોબે. ડીવાયએસપી એમ.ડી.બારીયાના માર્ગદર્શન હેઠળ જૂનાગઢ તાલુકા પોલીસ સ્ટેશનના પો.સ.ઇ. વી.યુ.સોલંકી, કૃણાલ પટેલ, હે.કો. કમલેશભાઈ, નાથાભાઇ, ભૂપતસિંહ, માનસિંહ, સંજયસિંહ, જૈતાભાઈ, સહિતની ટીમ દ્વારા ડુંગરપુર ગામે પહોંચી, બચુબાપાને અનાજની કીટ આપવામાં આવેલ તથા સરપંચને મળી, જમવાની વ્યવસ્થા કરવામાં આવેલ હતી.
એ જ રીતે મ્યુનિસિપલ કોર્પોરેશનના સ્ટાફના વિજયભાઈ, હરેશભાઇ, મેપાભાઈ સહિતનાને સાથે રાખી, બી ડિવિઝન પોલીસ સ્ટેશનના પીઆઇ આર.બી.સોલંકીની માહિતી આધારે રતિલાલ ચનાભાઈને મલી, જમવાની વ્યવસ્થા કરવામાં આવી હતી તેમજ રાશનની કીટ પહોંચાડવા તજવીજ કરવામા આવેલ હતી. જૂનાગઢ પોલીસ દ્વારા જરૂરિયાત મંદ લોકોની મદદ કરતા, ડુંગર પુરના સિનિયર સીટીઝન બચુબાપા તથા ખમધરોલના શ્રમજીવી રતિલાલ દ્વારા જૂનાગઢ પોલીસનો આભાર વ્યક્ત કર્યો હતો. એજ રીતે તા. 31.03.2020 ના રોજ સિનિયર સીટીઝન હેલ્પ લાઇન ઉપર (1) મુહૂકુમાર શ્યામસે રહે. મીરાનગર, જૂનાગઢ, (2) સૂર્યકુમાર સોલંકી, રહે. મીરાનગર, જૂનાગઢ, (3) નિમુબેન કુકડીયા રહે. ગણેશનગર, જૂનાગઢના હાલમાં લોક ડાઉન ચાલુ હોય, જમવાના સામાનની અછત હોઈ, રાશન ખૂટી ગયેલ હોઈ, પોતે ઉંમરલાયક હોઈ, મદદ માટે ફોન આવતા, કંટ્રોલ ઇન્ચાર્જ એ.એસ.આઇ. કનુભા, નારણભાઇ તથા કુલદીપસિંહ સહિતના સ્ટાફની ટીમ દ્વારા ડીવાયએસપી આર.વી.ડામોર, સી ડિવિઝન પીએસઆઇ એન.કે.વાજા, સહિતની પોલીસ ટીમ દ્વારા તાત્કાલિક ચારેય જરૂરિયાત મંદના ઘરે પોલીસની મોંબાઇલમાં કીટ પહોંચાડી દીધી હતી.
જૂનાગઢ પોલીસનો સિનિયર સીટીઝન હેલ્પ લાઇન ઉપર રિસ્પોન્સ જોઈને સિનિયર સિટીઝનો ભાવ વિભોર થઈ ગયેલ હતા. તેઓએ જૂનાગઢ પોલીસને પોતાના સંતાનોની ગરજ સારી હોવાનું જણાવી, આભાર વ્યક્ત કર્યો હતો. જૂનાગઢ જિલ્લાના પોલીસ અધિક્ષક શ્રી સૌરભસિંઘ દ્વારા જરૂરિયાત મંદ પરિવારને કપરા સંજોગોમાં સેવાકીય કાર્યોના કારણે, સુરક્ષા સાથે સેવાનું ઉત્તરદાયિત્વ નિભાવી, *પોલીસ પ્રજાની મિત્ર છે, એ સૂત્ર જૂનાગઢ જિલ્લા પોલીસએ સાર્થક કર્યું હતું.
રિપોર્ટ : અનિષ ગૌદાણા
લોકાર્પણ દૈનિક ન્યૂઝ
જૂનાગઢ બ્યુરોચીફ
