રાજકોટ ના રેસકોર્ષ હોકી ગ્રાઉન્ડ ખાતે સંલગ્ન વ્યવસ્થાપન અર્થે હંગામી સેટઅપ તૈયાર.

રાજકોટ ના રેસકોર્ષ હોકી ગ્રાઉન્ડ ખાતે સંલગ્ન વ્યવસ્થાપન અર્થે હંગામી સેટઅપ તૈયાર.

રાજકોટ માં નેશનલ ગેમ્સ અંતર્ગત રાજકોટ ખાતે હોકીની રમતો મેજર ધ્યાનચંદ હોકી ગ્રાઉન્ડ, રેસકોર્સ ખાતે યોજાવા જઈ રહી છે. જેની પૂર્વતૈયારીને આખરી ઓપ આપવામાં આવી રહ્યો છે. મેદાન ઉપરાંત રમતોના સુચારુ આયોજન અર્થે હંગામી સેટઅપ તૈયાર કરવામાં આવી રહ્યું છે. જે અંગે મ્યુનિસિપલ કમિશનરશ્રી અમિત અરોરાએ રેસકોર્ષ ગ્રાઉન્ડ ખાતે મુલાકાત લઈ તૈયારીની સમીક્ષા કરી હતી. સંલગ્ન સેટઅપ અંગે માહિતી આપતા RSPF ના શ્રી.રાજદીપસિંહ જાડેજાએ જણાવ્યું હતું કે હોકી ગ્રાઉન્ડ ખાતે ૩૪ જેટલા પગોડા (આર્ટિફિશયલ રૂમ) તેમજ સેન્ટ્રલી એ.સી. ડાયનિંગ હોલ જર્મન ડોમથી ઉભો કરવામાં આવ્યો છે. ખેલાડીઓ માટે ચેન્જિંગ રૂમ, ટુર્નામેન્ટ ડાયરેક્ટર ઓફિસ, ટેક્નિકલ મેનેજમેન્ટ ઓફિસ, અમ્પ્યાર લોન્જ, એથ્લિટ્સ લોન્જ, એડમિનિસ્ટ્રેશન ઓફિસ, બ્રોડકાસ્ટ રૂમ સહિતની વ્યવસ્થા માટે વિવિધ સાઈઝના ડોમ ઉભા કરવામાં આવ્યા છે. આગામી તા.૩૦ સપ્ટેમ્બરના રોજ વિવિધ ટીમનું આગમન થશે, જેમને વિવિધ હોટેલ્સમાં ઉતારા આપવામાં આવ્યા છે. ગ્રાઉન્ડ ખાતે વ્યવસ્થાપન માટે NCC ના ૯૦ જેટલા વોલિયન્ટર્સની મદદ લેવાશે. હાલ ગ્રાઉન્ડ મેન્ટેનન્સ માટે જરૂરી સાધનોની તૈયારી પૂર્ણ થઈ ચુકી છે. ગ્રાઉન્ડ ખાતે બ્રાન્ડિંગ સહિતની તૈયારી પુરજોશમાં ચાલી રહી છે, ઇન્ડોર સ્ટેડિયમ એન્ટ્રીથી ગ્રાઉન્ડ સુધી હોર્ડિંગ્સ, ફ્લેગ્સ લગાડવામાં આવશે. નવા ગોલ પોસ્ટ તેમજ પ્લેયર્સ ડગઆઉટ્સ, હોકીના બોલ્સ સહિતના સાધનો આવી ચુક્યા છે. હોકી ગુજરાતના અધિકારીશ્રી હાલ રાજકોટમાં ઉપસ્થિત રહી સાધનોની સમીક્ષા અન્ય આનુસંગીક કામગીરી સાંભળી રહ્યા છે. કમિશનરશ્રીની મુલાકાત વેળાએ નાયબ મ્યુનિસિપલ કમિશનરશ્રી આશિષ કુમાર, સી.કે.નંદાણી, એ.કે.સીંગ તેમજ વિવિધ વિભાગના અધિકારીશ્રીઓ ઉપસ્થિત રહ્યા હતા.

રિપોર્ટ.દિલીપ પરમાર રાજકોટ.

ગુજરાતના તમામ જિલ્લા તેમજ તાલુકાઓમાં ઉત્સાહી રિપોર્ટર, ઇન્ફોર્મર, જિલ્લા બ્યુરો તેમજ માર્કેટિંગ મેનેજરની જાહેરાત વિભાગમાં જરૂરત છે.

વધુ વિગત માટે સંપર્ક :-

અનિષભાઈ ગૌદાણા
વૉટ્સઅપ : 84889 90300
કોલ : 70163 91330

રસિકભાઈ વેગડા
કોલ : 94265 55756