સાહિત્યસભાના આગામી પ્રમુખ તરીકે રમેશ ઠક્કરની વરણી કરવામાં આવી

સાહિત્યસભાના આગામી પ્રમુખ તરીકે રમેશ ઠક્કરની વરણી કરવામાં આવી

ગાંધીનગર સાહિત્યસભા દ્વારા એમની સામાન્ય સભામાં નવા પ્રમુખની વરણી કરવામાં આવી હતી. રવિવાર દિનાંક ૨૬ માર્ચના રોજ સાંજે પાંચ વાગ્યે નિસર્ગ સાયન્સ સેન્ટર ખાતે ગાંધીનગર સાહિત્યસભાની સામાન્ય સભાનું આયોજન કરવામાં આવ્યું હતું જેનું સંચાલન કલ્પેશ પટેલ દ્વારા કરવામાં આવ્યું હતું.
ત્રણ વર્ષનો કાર્યકાળ સફળતા પૂર્વક સંપન્ન કરી વિદાય લેતા પ્રમુખ સંજય થોરાતે એમના કાર્યકાળ દરમિયાન કરવામાં આવેલા કાર્યક્રમ અને સિદ્ધિઓ વર્ણવી હતી. ગાંધીનગર સાહિત્યસભાના આગામી પ્રમુખ તરીકે સંજય થોરાતે રમેશ ઠક્કરના નામનો પ્રસ્તાવ મૂક્યો હતો અને એને સામાન્ય સભામાં સૌએ વધાવી લેતા આગામી ત્રણ વર્ષ સુધી નવા પ્રમુખ તરીકે રમેશ ઠક્કરની સર્વાનુમતે વરણી કરવામાં આવી હતી.
નવનિયુક્ત પ્રમુખ રમેશ ઠક્કરે જણાવ્યું હતું કે ગાંધીનગર સાહિત્યસભાને તેઓ વધુ શ્રેષ્ઠ મુકામે પહોંચાડશે. ગાંધીનગર સાહિત્યસભાના પ્રમુખ થયા બાદ એમણે એમની કારોબારીની રચના કરી હતી. એમાં ઉપપ્રમુખ તરીકે કવિ પ્રતાપસિંહ ડાભી ‘હાકલ’, મહામંત્રી તરીકે પ્રાધ્યાપક સંજય પટેલની નિમણૂંક કરવામાં આવી હતી. કારોબારી સભ્યો તરીકે રમણભાઈ વાઘેલા, નટુભાઈ પરમાર, મનોજ શુક્લ, ઉમંગ વસાણી, પુલક ત્રિવેદી, શ્રીમતી નેહલ ગઢવી, સુશ્રી પ્રીતિ શર્મા, શ્રીમતી માયા ચૌહાણ અને દર્શન પુરાણીની પસંદગી કરવામાં આવી હતી.
નવનિયુક્ત પ્રમુખ રમેશ ઠક્કરને સ્થાપક પ્રમુખ હરિકૃષ્ણ પાઠક, ટ્રસ્ટી પ્રજ્ઞાબહેન પટેલ અને વિદાય લેતા પ્રમુખ સંજય થોરાતે શુભકામનાઓ પાઠવી હતી.

➡ ગુજરાતના તમામ જિલ્લા તેમજ તાલુકાઓમાં ઉત્સાહી રિપોર્ટર, ઇન્ફોર્મર, જિલ્લા બ્યુરો તેમજ માર્કેટિંગ મેનેજરની જાહેરાત વિભાગમાં જરૂરત છે.

વધુ વિગત માટે સંપર્ક :-

➡ વ્યવસ્થાપક (લોકાર્પણ)
વૉટ્સઅપ : 84889 90300