મહિલાનો વેશ ધારણ કરી છેતરપીંડી કરનાર આરોપીઓને પકડી પાડતી સાવરકુંડલા રૂરલ પોલીસ
અમરેલી પોલીસ અધિક્ષકશ્રી નિર્લિપ્ત રાય સાહેબનાઓની સુચના તેમજ નાયબ પોલીસ અધિક્ષક શ્રી કે.જે.ચોધરી સાહેબ,સાવરકુંડલા વિભાગ તથા સી.પી.આઈ. શ્રી જે.ડી. ઝાલા સાહેબ ધારી સર્કલ નાઓના માર્ગદર્શન હેઠળ આજ રોજ તા: ૦૫/૦૨/૨૦૨૦ ના રોજ સાવરકુંડલા રૂરલ પોલીસ સ્ટેશનના પોલીસ સબ ઇન્સ. શ્રી એ.પી. ડોડીયા સા. ના ઓ તથા પોલીસ સ્ટાફ દ્વારા સાવર કુંડલા તાલુકા ના થોરડી ગામે તથા રાજુલા તાલુકાના છાપરી ગામે મહિલાનો વેશ ધારણ કરી, વિશ્વાસઘાત તથા ઠગાઈ કરી મુદ્દામાલ ઓળવી જનાર ઇસમને મુદ્દામાલ સાથે પકડી પાડેલ છે.
પકડાયેલ આરોપી
(૧) ભરતનાથ નાથાનાથ સોલંકી ઉ.વ. ૪૦, ધંધો. ભિક્ષાવૃતિ, રહે. મોટા ખુંટવડા, તા. મહુવા, જી. ભાવનગર, મુળ રહે. કરીયા, તા. ભેસાણ, જી. જુનાગઢ.
(૨) જેસલનાથ ભગવાનનાથ માંગરોળીયા ઉ.વ. ૪૫, ધંધો. ભિક્ષાવૃતિ, રહે. સાવરકુંડલા, ગિરધારવાવ, સોમનાથ મંદિર સામે, જી. અમરેલી.
પકડાયેલ મુદ્દામાલની વિગત
(૧) સોનાનો ચેઇન ૧૦ ગ્રામ વજનનો આશરે કીં.રૂ. ૩૦,૦૦૦/-
(૨) હીરો હોન્ડા પેશન પ્રો મો.સા. GJ 27 A 9262 ની કીં.રૂ. ૧૦,૦૦૦/-
(૩) રોકડા રૂપિયા ૧૨,૧૦૦/- મળી *કુલ કીં.રૂ. ૫૨,૧૦૦/- નો મુદ્દામાલ કબ્જે કરેલ છે.
આરોપી નો ગુન્હાહિત ઇતિહાસ
- ઉપરોકત પકડાયેલ આરોપી નં. ૧ મહિલાનો વેશ ધારણ કરી આજથી આશરે ચારેક મહિના પહેલા તા. ૨૯/૦૯/૨૦૧૯ ના બપોર કલાક- ૧૩/૦૦ વાગ્યે ફરિયાદીના ઘરે મહિલાના કપડાં પહેરી ગયેલ અને ફરી.ની માતા તથા તેની પત્ની સાથે ધાર્મિક વિધી કરવાની વાતો કરી વિશ્વાસમાં લઈ દુધના ગ્લાસમાં કંકુ નાખી વીધી કરવા માટે સોનાનો ચેઇન માંગી વિશ્વાસમાં લઈ વિશ્વાસઘાત અને ઠગાઈ કરી સોનાનો ચેઇન લઇ ભાગી ગયેલ હતો. જે સાવરકુંડલા રૂરલ પો.સ્ટે. ગુ.ર.નં. ૦૪૮/૨૦૨૦ IPC કલમ- ૪૦૬, ૪૨૦ મુજબ ગુન્હો રજી. થયેલ છે.
- રાજુલાના છાપરી ગામે બપોરના એક વાગ્યા આસ પાસ પકડાયેલ બંને આરોપીઓ મહિલાનો વેશ ધારણ કરી છાપરી (ડોળીયા) ગામે ભિક્ષાવૃતિ કરવા ગયેલ અને અને ફરિયાદીના ઘરે જઈ નડતર કાઢવાની ધાર્મિક વિધિ કરવાના બહાને રૂ. ૧૨,૧૦૦/- લઈને નજર ચૂકવીને બંને ઈસમો ભાગી ગયેલ હતા. જે ડુંગર પો.સ્ટે. ગુ.ર.નં. ૦૫૧/૨૦૨૦ IPC કલમ- ૪૦૬, ૪૨૦,૧૧૪ મુજબ ગુન્હો રજી. થયેલ છે.
જે બંને ઇસમોને મુદ્દામાલ સાથે અટક કરી ધોરણસર કાર્યવાહી કરવામાં આવેલ છે. આમ, ઉપરોક્ત કામગીરી માં સાવરકુંડલા રૂરલ પો.સ્ટે.ના પો.સબ.ઇન્સ. શ્રી એ.પી.ડોડીયા સા. તેમજ ASI દેવેન્દ્રદાસ ગોંડલીયા,HC વિજયભાઈ રાઠોડ, HC ચિથરભાઈ બારૈયા PC મધુભાઈ ભેરડા, રાજેન્દ્રસિંહ વાઘેલા દ્વારા કામગીરી કરવામા આવેલ છે. અને આરોપી અને મુદ્દામાલ પકડી પાડવામાં સફળતા મળેલ છે.
યોગેશ કાનાબાર (રાજુલા)
