દેડીયાપાડાના ભરાડા (રેલ્વા) ગામના કેન્સરગ્રસ્ત વિદ્યાર્થીએ બોર્ડની પરીક્ષામાં 78 % મેળવ્યા

• સુરત ખાતે પ્રાઇવેટ હોસ્પિટલમાં કિમોથેરાપી લીધી હતી, પરંતુ સારું ન થતા બોનમેરો ટ્રાન્સપ્લાન્ટ માટે અમદાવાદ ખાતે સારવાર લીધી, ત્યાં પ્રિયાંશકુમાર વસાવાને ત્રણ ડોઝ કિમોથેરાપી આપ્યા બાદ, બોનમેરો ટ્રાન્સપ્લાન્ટ કરવામાં આવ્યું
• પછી નો રિપોર્ટ ત્રણ માસ બાદ કરવામાં આવતાં પાછો રોગ દેખાતા એક વર્ષનો ડ્રોપ મૂક્યો, છતાં હિંમત હાર્યા વગર વિદ્યાર્થી આખુ વર્ષ બીમારીમાં વિતાવવા છતાં છેલ્લા એક મહિનામાં જ ખૂબ જ મહેનત કરીને એસએસસી બોર્ડની પરીક્ષા 78  પરિણામ લાવી સફળતા મેળવી.

હાલ સમગ્ર દેશ અને દુનિયા કોરોના સામે લડાઇ લડી રહ્યા છે, ત્યારે નર્મદા જિલ્લાના દેડિયાપાડા તાલુકાના નાનકડા ભરાડા (રાલ્વા) ગામનો નાનકડો આદિવાસી વિદ્યાર્થી બ્લડ કેન્સરની બીમારી સામે લડી રહ્યો હતો, કેટલાક લોકોએ કોરોના ને માત આપી, ત્યારે આ વિદ્યાર્થી પ્રિયાંશુકુમાર મહેશભાઈ વસાવાને કેન્સરની અનેક યાતનાઓ ભોગવીને કેન્સર સામે લડીને ધોરણ-10 બોર્ડની પરીક્ષામાં 78% પરિણામ લાવી સફળ થનાર આદિવાસી વિદ્યાર્થી એ સાબિત કરી બતાવ્યું છે. કે ગમે તેવી મુશ્કેલીમાં પણ હિંમત હાર્યા વગર સફળતા સફળ થઇ શકાય છે.

આ અંગે પ્રિયાંશી ની હિસ્ટ્રી જોતા દેડીયાપાડા તાલુકાના ભરાડા (રેલ્વા)ના રહેવાસી મુકેશભાઈ માનસિંગભાઈ વસાવા હાલ રહે દેડીયાપાડા બારોટ હાઇસ્કુલમાં ઉચ્ચતર માધ્યમિક વિભાગમાં ફરજ બજાવે છે. અને તેમના ધર્મપત્ની મુન્નીબેન વસાવા પણ પ્રાથમિક શાળામાં શિક્ષિકા તરીકે ફરજ બજાવે છે. તેમના પુત્ર પ્રિયાંશુકુમાર વસાવાને ફેબ્રુઆરી 2017 થી બ્લડ કેન્સરની બીમારી લાગુ પડી હતી, ત્યારબાદ સુરત ખાતે પ્રાઇવેટ હોસ્પિટલમાં કિમોથેરાપી લીધી હતી. પરંતુ સારું ન થતા બોનમેરો ટ્રાન્સપ્લાન્ટ માટે જીસીઆરઆઈ અમદાવાદ ખાતે સારવાર માટે લઈ ગયા હતા.

ત્યાં પ્રિયાંશુ ને ત્રણ ડોઝ કીમોથેરાપી આપ્યા બાદ, બોનમેરો ટ્રાન્સપ્લાન્ટ કરવામાં આવ્યું હતું. એ પછીનો રિપોર્ટ ત્રણ માસ બાદ કરવામાં આવતા પાછો રોગ દેખાયો હતો. આવી પરિસ્થિતિમાં પરીક્ષા આપી શકાય તેમ ન હોવાથી તેથી તેને એક વર્ષનો ડ્રોપ મૂકવાની ફરજ પડી. સતત કેન્સરની બીમારી સામે લડાઇ લડતા પ્રિયાંશુ હિંમત હાર્યા નહીં. અને આખું વર્ષ બીમારી માં વિતાવ્યા છતાં પણ છેલ્લા એક મહિનામાં તેને મારે પરીક્ષા આપવી જ છે, એવું મનોમન નક્કી કરીને ખુબ જ મહેનત કરીને એસએસસી બોર્ડની પરીક્ષા આપી હતી.

જેમાં 78 % જેટલું સારું પરિણામ મેળવતા તેની ખુશીનો પાર રહ્યો નથી. કેન્સર જેવી બીમારી સામે પણ કરીને સફળતા મેળવી શકાય છે. એવું સાબિત કરીને મન હોય તો માળવે જવાય એ કહેવતને પણ તેને સાર્થક કરી બનાવી બતાવી હતી. આજે પ્રિયાંશુ લાખો વિદ્યાર્થીઓ માટે પ્રેરણાસ્ત્રોત બન્યો છે. આજે પણ પ્રિયાંશુના કેન્સરની ગંભીર બીમારી સાથે જીવી રહ્યો છે,તેના પરિણામથી ખુશી વ્યક્ત કરતા તેના માતા-પિતાએ વિશ્વાસ વ્યક્ત કર્યો હતો, કે તે એક દિવસ પરીક્ષા ની જેમ ચોક્કસ કેન્સર ની લડાઈ પણ જીતી જશે.

રિપોર્ટ : જ્યોતિ જગતાપ, રાજપીપળા