સાબરકાંઠાના મોયદ ખાતે ૧૯૬૨ એમ્બ્યુલન્સ દ્વારા ઇજાગ્રસ્ત બળદને બચાવી લેવાયો

સાબરકાંઠાના મોયદ ખાતે ૧૯૬૨ એમ્બ્યુલન્સ દ્વારા ઇજાગ્રસ્ત બળદને બચાવી લેવાયો

ઇજાગ્રસ્ત અબોલ જીવો માટે “કરૂણા એમ્બ્યુલન્સ સેવાના વેટેનરી ડોક્ટર” જીવાદોરી સમાન છે.

સાબરકાંઠા જિલ્લાના પ્રાંતિજ તાલુકાના મોયદ ગામે “કરૂણા એમ્બ્યુલન્સ” ૧૯૬૨ દ્રારા કાર્યરત દસ ગામ દીઠ ફરતા પશુ દવાખાનાં દ્વારા ઇજાગ્રસ્ત બળદના શિંગડાનુ ઓપરેશન કરી અબોલ જીવ એવા ખેડૂત મિત્ર બળદને પીડા મુક્ત કરી જીવન બચાવવામાં આવ્યું હતું.
પ્રાંતિજ તાલુકાના મોયદ ગામે એક બળદના શિંગડા ઉપર ગંભીર ઇજાઓ થઇ હતી. આ દરમિયાન જીવદયા પ્રેમી અને સેવાભાવી દ્વારા “૧૯૬૨” ને કોલ કરતા ડ્યુટી પર હાજર પશુ ચિકિત્સક ડૉ. માર્ગી પટેલ અને ડૉ. સ્વીટી પટેલ ઘટના સ્થળે ત્વરીત પહોંચ્યા હતા. સ્થળ પર પહોંચતા ખબર પડી કે બળદના શિંગડાનું ઓપરેશન કરવું પડે તેમ હોઇ પશુ ચિકિત્સક દ્વારા ઘટના સ્થળે જ બળદના શિંગડાનું ઓપરેશન કરવામાં આવ્યું હતું અને બળદને બચાવવામાં આવ્યો હતો.

રાજ્યમાં તમામ જિલ્લાઓમાં નાયબ પશુપાલન નિયામક, મદદનીશ પશુપાલન નિયામકની કચેરીઓ કાર્યરત છે.. જેઓના નિયંત્રણ હેઠળ પશુ દવાખાના શાખા, ફરતા પશુ દવાખાના, ૧૦ ગામ દીઠ એક મોબાઇલ પશુ દવાખાના, પ્રાથમિક પશુ સારવાર કેન્દો કાર્યરત છે. આ સંસ્થાઓ પૈકી પશુ ચિકિત્સા અધિકારી મારફતે પશુ ચિકિત્સા અને પશુ આરોગ્ય સેવાઓ આપવામાં આવે છે. રાજ્યના દરેક જિલ્લામાં આરોગ્ય વિભાગની “૧૦૮”ની જેમ ૧૯૬૨ દ્રારા પશુઓ માટે ઇજાગ્રસ્ત પશુ- પક્ષીઓની સારવાર, ઇમરજન્સી સારવાર માટે પશુ ચિકિત્સા સેવાઓ “કરુણા એનિમલ એમ્બ્યુલન્સ -૧૯૬૨” થકી ઉપલબ્ધ કરાવવામાં આવે છે. “૧૯૬૨” ટોલ ફ્રી નંબર પર ફોન કરવાથી એમ્બ્યુલન્સ સ્થળ પર આવી, પશુ ચિકિત્સા અધિકારી દ્વારા નિ:શુલ્ક સારવાર આપવામાં આવે છે.

આમ સમગ્ર રાજ્યમાં “૧૯૬૨” દ્વારા ઘટના સ્થળે જ પશુઓને “કરૂણા એમ્બ્યુલન્સ” સેવાના વેટેનરી ડોક્ટર જીવાદોરી સમાન બન્યા છે.

રિપોર્ટ ધીરુભાઈ ખેડબ્રહ્મા

➡ ગુજરાતના તમામ જિલ્લા તેમજ તાલુકાઓમાં ઉત્સાહી રિપોર્ટર, ઇન્ફોર્મર, જિલ્લા બ્યુરો તેમજ માર્કેટિંગ મેનેજરની જાહેરાત વિભાગમાં જરૂરત છે.

વધુ વિગત માટે સંપર્ક :-

➡ અનિષભાઈ ગૌદાણા
વૉટ્સઅપ : 84889 90300
કોલ : 70163 91330

➡️ રસિકભાઈ વેગડા
કોલ : 94265 55756