રાજકોટ ખાતે AVPTI “સ્ટુડન્ટ સ્ટાર્ટઅપ્સ રિસર્ચ એન્ડ ઇનોવેશન ફેસ્ટિવલ” ની ભવ્ય ઉજવણી

રાજકોટ ખાતે AVPTI “સ્ટુડન્ટ સ્ટાર્ટઅપ્સ રિસર્ચ એન્ડ ઇનોવેશન ફેસ્ટિવલ” ની ભવ્ય ઉજવણી કરાઈ.

રાજકોટ માં આઝાદી કા અમૃત મહોત્સવ અંતર્ગત “સ્ટુડન્ટ સ્ટાર્ટઅપ્સ રિસર્ચ એન્ડ ઇનોવેશન ફેસ્ટિવલ” ના ભાગરૂપે રાજકોટની એ.વી.પારેખ ટેક્નિકલ ઈન્સ્ટીટ્યુટ (AVPTI) ખાતે વિદ્યાર્થીઓ દ્વારા શરૂ કરાયેલા સ્ટાર્ટઅપ્સનો સન્માન સમારોહ ધારાસભ્યશ્રી ગોવિંદભાઈ પટેલના અધ્યક્ષ સ્થાને યોજાયો હતો. આ તકે યુવાનોને સ્ટાર્ટઅપનું મહત્વ સમજાવતા ગોવિંદભાઈ પટેલે જણાવ્યું હતું કે, દેશના આર્થિક વિકાસમાં સ્ટુડન્ટ્સ સ્ટાર્ટઅપનું અનેરું યોગદાન છે. સ્ટુડન્ટ સ્ટાર્ટઅપ ક્ષેત્રમાં સરકાર તમામ પ્રકારનો સહયોગ આપી રહી છે. દેશના વડાપ્રધાનશ્રી નરેન્દ્રભાઈ મોદીના યંગ ઇન્ડિયાના સહયોગથી ન્યુ ઈન્ડિયાના નિર્માણનું સ્વપ્ન સાકાર થઈ રહ્યું છે. યુવાનો સ્ટાર્ટઅપ, ઈનોવેશન અને રિસર્ચ ક્ષેત્રે આગળ વધીને રાષ્ટ્ર નિર્માણમાં મહત્વની ભૂમિકા અદા કરી રહ્યા છે. આ પ્રોગ્રામ દ્વારા આવનાર ભવિષ્યમાં બીજા અનેક વિદ્યાર્થીઓ આ ઈનોવેશન દ્વારા પ્રેરિત થઈને આત્મનિર્ભર ભારતના તરફના વિકાસમાં પોતાની સિદ્ધિ દ્વારા એક સક્ષમ રાષ્ટ્રનિર્માણની પ્રક્રિયામાં પોતાનું યોગદાન સમર્પિત કરે એવી શુભેચ્છાઓ પાઠવી હતી. AVPTI ખાતે યોજાયેલા આ કાર્યક્રમમાં રાજકોટમાં પોતાના સફળ ઈનોવેશન દ્વારા પ્રસિદ્ધિ મેળવેલા ઝેનેશટર ઈનોવેશન પ્રા.લિ.ને સ્ટાર્ટઅપ ગુજરાત તરફથી રૂ.૨૦ લાખની ગ્રાન્ટ તથા અર્થટેક રિન્યુએબલ્સ LLP ને BIRAC તરફથી SoCH માં નેશનલ ગ્રાન્ડ ચેલેન્જ નામની રૂ.૬૫ લાખની ગ્રાન્ટ મેળવવા બદલ સન્માનિત કરવામાં આવ્યા હતા. આ સ્ટાર્ટઅપ સેન્ટરના ૯ જેટલા સ્ટાર્ટઅપ્સને તેઓના ઈનોવેશન માટે અનેક એવોર્ડસ અને પેટન્ટ્સ મળ્યા હતા. આ સ્ટાર્ટઅપ સેન્ટરની ધારાસભ્યશ્રી ગોવિંદભાઈ પટેલ દ્વારા મુલાકાત પણ લીધી હતી. સમગ્ર કાર્યક્રમનું આયોજન સંસ્થાના આચાર્યશ્રી દિલીપ.બી.વાગડીયા અને AVPTI ના સ્ટાફ દ્વારા કરવામાં આવ્યું હતું.

રિપોર્ટ.દિલીપ પરમાર રાજકોટ.

➡ ગુજરાતના તમામ જિલ્લા તેમજ તાલુકાઓમાં ઉત્સાહી રિપોર્ટર, ઇન્ફોર્મર, જિલ્લા બ્યુરો તેમજ માર્કેટિંગ મેનેજરની જાહેરાત વિભાગમાં જરૂરત છે.

વધુ વિગત માટે સંપર્ક :-

➡ અનિષભાઈ ગૌદાણા
વૉટ્સઅપ : 84889 90300
કોલ : 70163 91330

➡️ રસિકભાઈ વેગડા
કોલ : 94265 55756