રાજકોટમાં હોમ ક્વારન્ટાઇન કરાયેલી યુવતી ફરાર, ફરિયાદ દાખલ

રાજકોટ,
ગુજરાતમાં કોરોના વાઈરસને કારણે લોકોમાં લાકડાઉનની Âસ્થતિ લોકો ધીરે-ધીરે સમજી રહ્યાં છે, ત્યારે રાજકોટમાં અમેરિકાના શિકાગોથી આવેલી યુવતીને હોમ ક્વારન્ટાઇન કરવામાં આવી હતી. આ યુવતી અમીનમાર્ગ પર આવેલ કિંગ્સ હાઇટ્‌સમાં આવેલા તેના ઘરમાંથી ફરાર થઇ હોવાની માહિતી મળી રહી છે.
આ યુવતી વિરૂદ્ધ માલવીયા નગરમાં આઇપીસી ૨૬૯,૨૭૦,૨૭૧,૧૮૮ તેમજ એપિડેમીક ડીસીઝ એક્ટ ૧૮૯૭ની કલમ-૩ હેઠળ ફરિયાદ નોંધવામાં આવી છે. હાલ પોલીસ આ ફરાર યુવતીને શોધી રહી છે.
આરોગ્ય વિભાગે જાહેર કરેલા આંકડા મુજબ, રાજકોટમાંથી ૧૧ સેમ્પલ લેવામાં આવ્યા હતા. તેમાંથી ૮ નેગેટિવ અને ૩ પોઝિટિવ રિપોર્ટ આવ્યા હતા. ૩ પોઝિટિવ કેસ આવ્યા તેમાં ગુરુવારે દુબઈથી આવેલા યુવાનના મિત્રનો રિપોર્ટ પોઝિટિવ આવ્યા બાદ તેના પત્નીનો રિપોર્ટ પણ પોઝિટિવ જાહેર થયો છે. આ ઉપરાંત અન્ય બે વ્યÂક્તઓના રિપોર્ટ પણ પોઝિટિવ આવ્યા છે. તે બન્ને પણ દુબઈથી આવેલા યુવાનના મિત્ર જ છે. આમ દુબઇથી પરત રાજકોટ આવી યુવાને ચાર વ્યÂક્તઓને ચેપ લગાડ્યો છે. અત્યાર સુધીમાં રાજકોટમાં કોરોનાના ૮ કેસ નોંધાયા છે, જ્યારે કુલ ૩૭ લોકોને ક્વોરન્ટાઇન કરાયા છે. આ ઉપરાંત રાજકોટ શહેરી વિસ્તારમાં ૫૧૯ અને ગ્રામ્ય વિસ્તારના ૧૨૭ મળી કુલ ૬૪૬ લોકોને હોમ ક્વોરન્ટાઇન રાખવામાં આવ્યા છે.