નાણાં પ્રધાને આપ્યા સંકેત

નવી દિલ્હી : નાણાં પ્રધાન નિર્મલા સીતારામણે મંગળવારે કહ્યું હતું કે ટુ વ્હીલર ન તો કોઈ લક્ઝરી આઇટમ છે કે વિલાસી માલની કેટેગરીમાં આવે છે. તેથી, આના આધારે ગુડ્ઝ અને સર્વિસ ટેક્સ (જીએસટી) દરમાં સુધારા માટેનો કેસ બનાવવામાં આવ્યો છે. ભારતીય ઉદ્યોગ સંઘ (સીઆઈઆઈ) સાથે યોજાયેલી બેઠકમાં સીતારામણે કહ્યું હતું કે, જીએસટી કાઉન્સિલની બેઠકમાં દ્વિચક્રી વાહનો પરના જીએસટી દરમાં સુધારાના મામલા પર વિચાર કરવામાં આવશે. સીઆઈઆઈ દ્વારા જારી કરાયેલા નિવેદનમાં આ માહિતી આપવામાં આવી છે. નાણાં પ્રધાનનું આ નિવેદન ગુરુવારથી શરૂ થનારી જીએસટી કાઉન્સિલની 41 મી બેઠક પહેલાં આવ્યું છે.

નાણાં મંત્રાલયના પ્રવક્તા દ્વારા પણ બાદમાં તેને બહાર પાડવામાં આવ્યું. ટૂ વ્હીલર્સ હાલમાં 28 ટકાના દરે જીએસટી લાગે છે. નિવેદનમાં કહેવામાં આવ્યું છે કે, “ટુ વ્હીલર્સ પર જીએસટી દર ઘટાડવાના પ્રશ્ને સીતારામણે ખાતરી આપી હતી કે આ ખરા અર્થમાં આ એક સારો સૂચન છે કારણ કે વાહનની આ શ્રેણી ન તો વિલાસી કેટેગરીમાં આવે છે કે ન તો તે નુકસાનકારક છે.” તે કોમોડિટીની કેટેગરીમાં આવે છે, તેથી તેમાં રેટમાં ફેરફારનો શક્યતા બનાવવામાં છે. આ મુદ્દાને જીએસટી કાઉન્સિલ સમક્ષ મુકવામાં આવશે. ”

ગયા વર્ષે હીરો મોટોકોર્પ અપીલ કરી હતી

ગયા વર્ષે દેશની સૌથી મોટી ટુ-વ્હીલર ઉત્પાદક હીરો મોટોકોર્પ દ્વારા સરકારને ટુ વ્હીલર કેટેગરીમાં જીએસટી દર તબક્કાવાર ઘટાડવા વિનંતી કરી હતી. જીએસટીના 18 ટકા સ્લેબમાં 150 સીસી મોટરસાયકલ લાવીને તેની શરૂઆત કરી શકાય છે. એએમઆરજી અને એસોસિએટ્સના સિનિયર પાર્ટનર રજત મોહને જણાવ્યું હતું કે મોટરસાયકલો, મોપેડ અને સાયકલો ઉપર જીએસટી સૌથી વધુ 28% ના દરે વસૂલવામાં આવે છે. ટુ-વ્હીલર આજે દેશના લાખો મધ્યમવર્ગીય પરિવારોની પાયાની જરૂરિયાત બની છે. પરંતુ જીએસટીના કિસ્સામાં તેને તમાકુ, સિગાર, પિસ્તોલ જેવી હાનિકારક ચીજોની કેટેગરીમાં પણ રાખવામાં આવી છે.

પત્રકાર : ઈરફાન શેખ (પંચમહાલ)