ડાંગ જિલ્લામાં સતત બે દિવસ સુધી રાષ્ટ્રીયકૃત બેંકોનાં હડતાળનાં પગલે આમ જનતાને ભારે તકલીફ ઊભી થવા પામી
ડાંગ જિલ્લામાં સતત બે દિવસ સુધી રાષ્ટ્રીયકૃત બેંકોનાં હડતાળનાં પગલે આમ જનતાને ભારે તકલીફ ઊભી થવા પામી
ડાંગ જિલ્લાનાં અંતરીયાળ ગામડાઓનાં ગ્રાહકોને સતત બે દિવસનાં ધરમનાં ધક્કા….
પ્રાપ્ત વિગતો અનુસાર રાષ્ટ્રીયકૃત બેંકોનાં 9 સંગઠનોનાં બનેલા સંગઠન યુનાઈટેડ ફેડરેશન ઓફ યુનિયન દ્વારા 16 મી અને 17મી ડિસેમ્બરનાં રોજ બેંક કર્મચારીઓની હડતાળની જાહેરાત કરવામાં આવી હતી. જેના પગલે રાષ્ટ્રીયકૃત બેંકોનાં મેનેજરોથી લઈને કારકુન સુધીનાં કર્મચારીઓએ જડબેસલાક બંધ પાળતા રાજ્યનાં છેવાડે આવેલ ડાંગ જિલ્લામાં પ્રથમ અને બીજા દિવસે બેન્કિંગ કામકાજ ઠપ્પ થઈ ગયુ હતુ.ડાંગ જિલ્લામાં સતત બે દિવસ સુધી રાષ્ટ્રીયકૃત બેંકો બંધ રહેતા આદિવાસી બેંક ગ્રાહકો પર માઠી અસર પડી હતી.ડાંગ જિલ્લામાં રાષ્ટ્રીયકૃત બેંકોનાં હડતાળનાં પગલે લેવડદેવડ, ક્લિયરન્સ સહિત એટીએમ મશીનો પણ ખોરંભે ચડતા ગ્રાહકોને મોટી મુશ્કેલીઓનો સામનો કરવાની નોબત ઉઠી હતી.ડાંગ જિલ્લાનાં અંતરીયાળ ગામડાઓનાં ગ્રાહકોને બેંકોની હડતાળની ખબર ન હોય જેથી બેંકો પર આવી જોતા અહી તાળા લાગેલા હોય જેથી તેઓનો સમય,નાણાનો દુર્વ્યય થવાની સાથે ધરમનાં ધક્કા ખાવા પડ્યા હતા.ડાંગ જિલ્લાનાં રાષ્ટ્રીયકૃત બેંકોનાં હડતાળ પર ઉતરેલ કર્મચારીઓએ જણાવ્યુ હતુ કે છેલ્લા બે દિવસથી અમો હડતાળ પર બેઠા છીએ.જે અમારા બેંકો માટે નથી.પરંતુ દેશનાં જનતાની હિત માટે બેઠા છીએ.આજે સરકાર બેંકોને બંધ કરીને ખાનગીકરણ કરવા જઈ રહી છે.જેમાં જો સરકાર બેંકોને ખાનગીકરણમાં આપશે તો લોકોનાં મહેનત મજૂરીનાં પૈસા કંપનીઓનાં હાથમાં જતા રહશે.અને આ ખાનગી કંપનીઓ ક્યારેક પણ ડૂબી જશે.જેથી બેંકોનાં ખાનગીકરણનો અમો વિરોધ નોંધાવીએ છીએ.ડાંગ જિલ્લાનાં વહીવટી મથક આહવા ખાતે આવેલી બેંક ઓફ બરોડાનાં કર્મીઓએ બે દિવસનું હડતાળનું બેનર લગાવી સરકારનાં ખાનગીકરણનો વિરોધ નોંધાવ્યો હતો…
રિપોર્ટ : પવન ખેરનાર, ડાંગ.
