હાંસોટ DGVCLનો જુનિયર ઈજનેર 10 હજારની લાંચ લેતા એસીબીના હાથે ઝડપાયો
હાંસોટ DGVCLનો જુનિયર ઈજનેર 10 હજારની લાંચ લેતા એસીબીના હાથે ઝડપાયો
આજે પણ લોકોને એક વીજ કનેક્શન મેળવવા માટે ભ્રષ્ટાચારનો સામનો કરવો પડતો હોવાની ઘટના ભરૂચ જિલ્લાના હાંસોટ તાલુકામાંથી બહાર આવી છે. જ્યાં વીજ મીટર મેળવવા એક વ્યક્તિએ કરેલી અરજી સામે લાંચ પેટે 10 હજાર માંગતા જુનિયર ઈજનેર ભરૂચ ACB ના છટકામાં રંગેહાથ ઝડપાઇ ગયો છે.
લાંચિયા ઇજનેરની વિગત મુજબ ભરૂચ જિલ્લાના હાંસોટ તાલુકામાં દક્ષિણ ગુજરાત વીજ કંપનીમાં વર્ગ 2 માં જુનિયર ઈજનેર તરીકે ધવલ મહેશભાઇ પટેલ ફરજ બજાવે છે.હાંસોટ દક્ષિણ ગુજરાત વીજ કંપનીની કચેરી ખાતે ફરીયાદીએ ઇલેક્ટ્રીક મીટર મેળવવા સારુ અરજી કરી હતી. જે અરજીના કામે કોટેશન મુજબ 21191 ભરવાના હતા. અને આ કામના આરોપી લાંચિયા જુનિયર ઈજનેરે ફરીયાદી પાસેથી કોટેશન સિવાયના વધારાના લાંચ પેટે 14 હાજરની માંગણી કરી હતી. જે લાંચની રકમ રકઝકના અંતે 10 હજાર આપવાના નક્કી કરાયા હતા. જે 10 હજારની લાંચની રકમ ફરીયાદી આરોપીને આપવા માંગતા ન હોય એસીબીનો સંપર્ક કરી ફરીયાદ આપી હતી.
ભરૂચ એન્ટી કરપશન બ્યુરો ACB ના પોલીસ ઇન્સ્પેકટર એસ.વી.વસાવા અને તેમની ટીમે સોમવારે જુનિયર ઇજનેરની રંગેહાથે લાંચ લેતા પકડી પાડવા છટકું ગોઠવ્યું હતું. ફરિયાદીની ફરિયાદ આધારે સોમવારે લાંચના છટકાનું આયોજન કરતા, હાંસોટ જુનિયર ઈજનેર ધવલ પટેલ 10 હજારની લાંચની માંગણી કરી, સ્વીકારી પકડાઇ જતા ગુનો દાખલ કરવામાં આવ્યો છે. લાંચિયા DGVCL ના જુનિયર ઇજનેરને એસીબીએ ડીટેઇન કરી આગળની કાર્યવાહી હાથ ધરી છે. સમગ્ર ટ્રેપ એસીબી મદદનીશ નિયામક વડોદરાના પી.એચ.ભેસાણીયાની દેખરેખ હેઠળ હાથ ધરવામાં આવી હતી.
➡ ગુજરાતના તમામ જિલ્લા તેમજ તાલુકાઓમાં ઉત્સાહી રિપોર્ટર, ઇન્ફોર્મર, જિલ્લા બ્યુરો તેમજ માર્કેટિંગ મેનેજરની જાહેરાત વિભાગમાં જરૂરત છે.
વધુ વિગત માટે સંપર્ક :-
➡ અનિષભાઈ ગૌદાણા
વૉટ્સઅપ : 84889 90300
કોલ : 70163 91330
➡️ રસિકભાઈ વેગડા
કોલ : 94265 55756
