પાટણ શહેર સહિત સમગ્ર જિલ્લામાં શાંતિપૂર્ણ માહોલ વચ્ચે ધોરણ 10 અને 12 ની પરીક્ષાનો પ્રારંભ..

Spread the love

Post Views: 31

પરીક્ષામાં ગેરરીતિ અટકાવવા તંત્ર દ્વારા તમામ પ્રકારની વ્યવસ્થા સાથે અંદાજિત 2400 જેટલો સ્ટાફ તૈનાત કરાયો…

ગુજરાત માધ્યમિક અને ઉચ્ચત્તર માધ્યમિક શિક્ષણ બોર્ડ દ્વારા ગુરૂવાર થી ધો.10 અને ધો.12 ની પરીક્ષાનો શાંતિપૂર્ણ માહોલમાં પ્રારંભ થયો હતો.
પાટણ જિલ્લામાં બે ઝોન માં ધોરણ10 ના વિદ્યાર્થીઓ પરીક્ષા આપવા બેઠા હતા
ધો.10ની પરીક્ષા શરૂ થવાના અડધો કલાક પહેલાં વિદ્યાર્થીઓને વગૅ ખંડ મા પ્રવેશ આપવામાં આવ્યો હતો અને પ્રથમ દિવસે જિલ્લા શિક્ષણાધિકારી અશોકભાઈ ચૌધરી ,પાટણ એક્ટિવ ગ્રુપ સહીત શિક્ષકો દ્વારા વિધાર્થીઓને કુમકુમ તિલક કરી ગુલાબ આપી સાકરથી મોં મીઠું કરાવીને શુભેચ્છાઓ સાથે આવકારવામાં આવ્યા હતા.તો વિદ્યાર્થીઓ કોઈ સાહિત્ય સાથે લાવ્યા નથી ને એ ચેક કરી ને તમામ વિદ્યાર્થીઓને પ્રવેશ આપવામાં આવ્યો હતો.
પાટણ જિલ્લાની જે શાળાઓમાં પરીક્ષા કેન્દ્ર ફાળવવામાં આવ્યા છે તે તમામ શાળાઓના બ્લોકમાં સીસીટીવી કેમેરા ની દેખરેખ હેઠળ પરીક્ષા લેવામાં આવી હતી.
પરીક્ષા સેન્ટર બહાર પ્રથમ દિવસે વિદ્યાર્થીઓ ને મુકવા માટે આવેલ વાલીઓનો જમાવડો જોવા મળ્યો હતો .અને પરીક્ષા સમય દરમ્યાન વાલીઓ પણ બહાર બહાર બેઠલા જોવા મળ્યા હતા.
જિલ્લા શિક્ષણાધિકારી અશોકભાઈ ચૌધરી એ જણાવ્યું હતું કે,ધોરણ 10 અને ધોરણ 12 ની જાહેર પરીક્ષા નો શુભારંભ થયો છે.તો શહેરની બી. એમ.
હાઇસ્કુલ ખાતે જિલ્લા કક્ષાનો કાર્યક્રમ યોજાયો હતો. જેમાં તમામ વિદ્યાર્થીઓને શુભેચ્છાઓ પાઠવવામાં આવી હતી.સમગ્ર પરીક્ષા ખૂબ સારી રીતે અને શાંતિમય રીતે વિધાર્થીઓ આપી શકે એ માટેની સુચારૂ વ્યવસ્થા ના ભાગરૂપે ગાંધીનગર ની સ્કોડ ટીમ ,અને પાટણ ની સ્કોડ ટીમ પરીક્ષા પર નજર રાખશે.પરીક્ષામાં કેન્દ્ર સંચાલક,નિરીક્ષક, સુપરવાઇઝર પટાવાળા મળી કુલ 2400 થી વધુ નો સ્ટાફ ફાળવાયો છે.તો જિલ્લામાં ઓબ્ઝર્વેશન માટે બે સ્થાનિક ટીમ, બે ગાંધીનગર વિજિલન્સ અને એક કલેક્ટર નિયુક્ત ટીમ નિરીક્ષણ અને ગેરરીતિ અટકાવવા માટે સ્કોર્ડમાં ફરશે. પરીક્ષા દરમિયાન સવારે 7 થી રાત્રીના 8 વાગ્યા દરમિયાન શહેર ની કે.કે.ગર્લ્સ સ્કૂલ માં કન્ટ્રોલ રૂમ કાર્યરત કરાયો છે. વિદ્યાર્થીઓને પરીક્ષાલક્ષી કોઈ મુશ્કેલીજણાય તો આ સમયગાળા દરમિયાન કંટ્રોલરૂમના નંબર 02766-231037 ઉપર સંપકૅ કરી શકે છે.
સમગ્ર રાજ્યની જેમ પાટણ જિલ્લામાં પણ પ્રથમ દિવસે સવારે 10 કલાકે એસ.એસ.સી.મા ગુજરાતી વિષયની પરીક્ષા સાથે બોર્ડની પરીક્ષાનો પ્રારંભ થયો હતો .તો બપોરે 3 કલાક થી એચ.એસ.સી. વિજ્ઞાન પ્રવાહમાં ભૌતિક વિજ્ઞાન જયારે. એચ.એસ. સી.સામાન્ય પ્રવાહમાં અર્થ શાસ્ત્ર ની પરીક્ષા લેવામાં આવી હોવાનું સુત્રોએ જણાવ્યું હતું.