જૂનાગઢ:જિલ્લાકક્ષા સ્પોર્ટ્સ સ્કૂલ યોજના હેઠળ જૂનાગઢમાં બેટરી ટેસ્ટનું આયોજન

જૂનાગઢ:જિલ્લાકક્ષા સ્પોર્ટ્સ સ્કૂલ યોજના હેઠળ જૂનાગઢમાં બેટરી ટેસ્ટનું આયોજન

જૂનાગઢ : સ્પોર્ટ્સ ઓથોરીટી ઓફ ગુજરાત, ગાંધીનગર દ્વારા રાજ્યમાં રમતગમતના વિકાસ અને વિદ્યાર્થીઓમાં રમતગમત પ્રત્યે રુચિ ધરાવે તે માટે જિલ્લાકક્ષા સ્પોર્ટ્સ સ્કૂલ યોજના અમલમાં મૂકાશે. આ અંતર્ગત વર્ષ ૨૦૨૫-૨૬ માટે જુનાગઢ જિલ્લાકક્ષા બેટરી ટેસ્ટનું આયોજન સરદાર પટેલ રમત સંકુલ, ગાંધીગ્રામ, જુનાગઢ ખાતે કરવામાં આવશે.
હાલમાં ચાલતા ખેલ મહાકુંભ ૩.૦ અંતર્ગત અંડર-૯ અને અંડર-૧૧ વય જૂથના વિજેતા ખેલાડીઓને જિલ્લામાં યોજાનાર બેટરી ટેસ્ટ માટે પાત્રતા આપવામાં આવી છે. જુનાગઢ જિલ્લાના ૯ તાલુકા અને જુનાગઢ મહાનગરપાલિકાના ૮ ઝોનમાં યોજાયેલી ૩૦ મીટર દોડ, ૫૦ મીટર દોડ અને સ્ટેન્ડીંગ બ્રોડ જમ્પ સ્પર્ધામાં એકથી આઠમાં ક્રમાંકે વિજેતા થનાર ભાઈઓએ તા. ૧૧ માર્ચ, ૨૦૨૫ અને બહેનો તા. ૧૨ માર્ચ, ૨૦૨૫ આ ટેસ્ટમાં ભાગ લઈ શકશે.
જિલ્લાકક્ષા બેટરી ટેસ્ટમાં પસંદગી થયેલ ખેલાડીઓ રાજ્યકક્ષા પરીક્ષામાં ભાગ લઈ શકશે. રાજ્યકક્ષાની પરીક્ષામાં મેરીટ મુજબ ડિસ્ટ્રીક્ટ સ્પોર્ટ્સ સ્કૂલમાં પસંદગી કરવામાં આવશે.પસંદ થયેલ ખેલાડીઓને ડિસ્ટ્રીકટ લેવલ સ્પોર્ટ્સ સ્કૂલ યોજનાના લાભો પ્રાપ્ત થશે, જેમાં સવાર-સાંજ નિષ્ણાત પ્રશિક્ષકો દ્વારા વૈજ્ઞાનિક પદ્ધતિથી તાલીમ આપવામાં આવશે.
આ યોજના હેઠળ પસંદ થયેલા ખેલાડીઓને નિવાસી શાળાઓમાં પ્રવેશ આપવામાં આવશે તથા નિશુલ્ક શિક્ષણ, અભ્યાસ માટે જરૂરી સ્ટેશનરી, પુસ્તકો, નિવાસ, ભોજન, શાળાનો ગણવેશ, ટુર્નામેન્ટ એક્સપોઝર તેમજ રમતગમત માટે અત્યાધુનિક સાધનો અને સ્પોર્ટ્સ કીટ ઉપલબ્ધ કરાવવામાં આવશે.
આ અંગે વધુ માહિતી માટે જિલ્લા રમત પ્રશિક્ષણ કેન્દ્ર, જુનાગઢનો સંપર્ક મો. ૭૮૫૯૯ ૪૬૯૮૪ પર કરવા જિલ્લા રમત વિકાસ અધિકારી શ્રી ભૂષણકુમાર યાદવ દ્વારા જણાવાયું છે.

રિપોર્ટ : અનિષ ગૌદાણા
(આસી.એડિટર)
લોકાર્પણ દૈનિક ન્યૂઝ ગાંધીનગર
સાથે વિવેક ગૌદાણા (માંગરોળ)

➡ ગુજરાતના તમામ જિલ્લા તેમજ તાલુકાઓમાં ઉત્સાહી રિપોર્ટર, ઇન્ફોર્મર, જિલ્લા બ્યુરો તેમજ માર્કેટિંગ મેનેજરની જાહેરાત વિભાગમાં જરૂરત છે.

વધુ વિગત માટે સંપર્ક :-

➡ વ્યવસ્થાપક (લોકાર્પણ)
વૉટ્સઅપ : 84889 90300