રાજ્યના ૮ થી ૧૩ વર્ષનાં બાળકો માટે ખડક ચઢાણ એડવેન્ચર કોર્સમાં જોડાવવા માટે ઉમદા તક

Spread the love

Post Views: 14

જૂનાગઢ : કમિશનરશ્રી, યુવક સેવા અને સાંસ્કૃતિક પ્રવૃતિઓ, ગાંધીનગર આયોજીત પંડિત દીનદયાળ ઉપાધ્યાય પર્વતારોહણ તાલીમ કેન્દ્ર, જૂનાગઢ સંચાલિત એડવેન્ચર કોર્સનું આયોજન આગામી તા. ૦૧/૦૫/૨૦૨૫ થી ૦૭/૦૫/૨૦૨૫ સંપુર્ણ સરકારી ખર્ચે જૂનાગઢ ખાતે થનાર છે.

આ એડવેન્ચર કોર્સમાં જોડાવા વય મર્યાદા :- ૦૮ થી ૧૩ વર્ષ, સમયગાળો ૦૭ દિવસ રહેશે. શીબીરાર્થીઓ 30/૦૪/૨૦૧૨ થી 30/૦૪/૨૦૧૭ ની વચ્ચે જન્મેલા હોવા જોઈએ,તે સિવાયના શિબીરાર્થીઓનું અરજી ફોર્મ માન્ય ગણાશે નહી. આ અંગેનુ નિયત ફોર્મ facebook page : SVIM ADMINISTRATION પરથી ડાઉનલોડ કરી શકાશે. નિયત અરજી ફોર્મ જરૂરી પુરાવા સાથે તારીખ :- ૧૦/૦૪/૨૦૨૫ સુધીમાં પંડિત દીનદયાળ ઉપાધ્યાય પર્વતારોહણ તાલીમ કેન્દ્ર, લાખાકોઠા, ભવનાથ, જૂનાગઢ-૩૬૨૦૦૨ ખાતે રૂબરૂ અથવા પોસ્ટ મારફત જ મળી જાય તે રીતે મોકલી આપવાનું રહેશે. વધુ માહિતી માટે ઓફિસ નં. ૦૨૮૫- ૨૬૨૭૨૨૮ પર સંપર્ક કરવો. સમયમર્યાદા બાદ મળેલ અને અધુરી વિગતવાળા ફોર્મ ધ્યાને લેવામાં આવશે નહિ. એમ ઈન્સ્ટ્રકચર ઈન્ચાર્જ પંડીત દીનદયાળ ઉપાધ્યાય પર્વતારોહણ તાલીમ કેન્દ્ર જૂનાગઢની એક અખબારી યાદીમાં જણાવાયુ છે.