કપરાડા તાલુકા માં ફાયર ફાઇટર સાધન મુકવા અંગે ડો.નિરવ પટેલે વલસાડ કલેકટર સમક્ષ માંગ કરી
કપરાડા તાલુકા માં ફાયર ફાઇટર સાધન મુકવા અંગે ડો.નિરવ પટેલે વલસાડ કલેકટર સમક્ષ માંગ કરી.
વલસાડ :કપરાડા તાલુકામાં ફાયર ફાઇટર નહીં હોવાથી ભવિષ્યમાં આગજની ની નવી ઘટનામાં વધારે નુકસાન નહી થાય તે માટે તાલુકા કક્ષાએ ફાયર ફાઇટર સાધન મુકવા ડો.નિરવ ભુલાભાઇ પટેલે વલસાડ કલેકટર સમક્ષ માંગ કરી છે.
હાલમાં ઉનાળાની આગ ઝરતી ગરમીને લીધે નાનો સરખો તણખો પણ વિકરાળ આગનું સ્વરૂપ લઇ ભારે નુકસાન પહોંચાડી શકે છે.આવી જ ઘટના કપરાડા તાલુકાના ખુબ જ આંતરિયાળ ગામ બારપુડાના ધુરાપાડા ના સજ્જનભાઈ કાંસુભાઈ જોગારેને ત્યાં બની હતી,જ્યાં આવનાર મે મહિનામાં ઘરમાં 2 લગ્નો હોવાથી પરિવારે મહેનત કરીને જમા કરાવેલ અનાજ સહિત તમામ કિંમતી સામાન બળીને રાખ થઇ ગયો હતો જેમાં લગભગ 8.50 લાખનું જંગી નુકસાન થયુ હતું.
શુભ પ્રસંગ નજીક હોઈ પરિવારની હાલત ખુબ જ કફોડી બની છે.કપરાડા તાલુકો વલસાડ જિલ્લામાં વિસ્તારની દ્રષ્ટિએ અને ભૌગોલિક પરિસ્થિતિ અને વૈવિધ્યતાની દ્રષ્ટિએ ઘણો મોટો તાલુકો છે.આથી ફાયર ફાઇટર સાધનની સુવિધા નહીં હોવાથી બારપુડાની માફક આગજની ની કોઈ ઘટના બને તો મોટુ નુકસાન થવાની સંભાવનાઓ રહેલી છે.
કપરાડા તાલુકો ખુબ જ ગરીબ બહુમતિ આદિવાસી વસ્તી ધરાવતો તાલુકો છે,અને આટલુ જંગી નુકસાન કપરાડાના ગરીબ લોકોને પોષાય એવું નથી.આ બાબત સમસ્ત આદિવાસી સમાજ નવસારી જિલ્લા પ્રમુખ ડો.નિરવ ભુલાભાઇ પટેલને ધ્યાને આવતા તેમણે વલસાડ જિલ્લા કલેકટરને પત્ર લખી કપરાડા તાલુકા માટે ફાયર ફાઇટર સાધન વહેલી તકે ઉપલબ્ધ કરી આપવાની માંગ કરી છે.
આ બાબતે મીડિયા સાથેની વાતચીત માં ડો.નિરવ ભુલાભાઇ પટેલે જણાવ્યું હતું કે જિલ્લા કલેકટર ડિસ્ટ્રિક્ટ ડિઝાસ્ટર મેનેજમેન્ટ ઓથોરિટીના અઘ્યક્ષ હોવાને નાતે એમને અમે વિનંતી કરી છે કે કપરાડા તાલુકાના તાલુકા મથકે વહેલી તકે એક ફાયર ફાઇટર સાધન અનુભવી સ્ટાફ સાથે મૂકી આપવું જોઈએ જેનાથી અનેક ગરીબ લોકોને રાહત મળી શકે.
રિપોર્ટ – વિશાલ પટેલ, ખેરગામ
➡ ગુજરાતના તમામ જિલ્લા તેમજ તાલુકાઓમાં ઉત્સાહી રિપોર્ટર, ઇન્ફોર્મર, જિલ્લા બ્યુરો તેમજ માર્કેટિંગ મેનેજરની જાહેરાત વિભાગમાં જરૂરત છે.
વધુ વિગત માટે સંપર્ક :-
➡ વ્યવસ્થાપક (લોકાર્પણ)
વૉટ્સઅપ : 84889 90300
