રાજકોટ : સાતમ-આઠમમાં દારૂની રેલમછેલ થાય તે પહેલાં જ પોલીસના દરોડા
- શહેરના ભક્તિનગર વિસ્તારમાં શ્રીનગર મેઈન રોડ પર શેરી નમ્બર 2 માં ઉભેલી એક કારમાં દારૂનો મોટો જથ્થો હોવાની પોલીસને બાતમી મળી હતી
રાજકોટ : જે રીતે તહેવારો ની મોસમ ચાલી રહી છે અને તેમાં પણ ખાસ કરીને સાતમ-આઠમના તહેવાર ની શરૂઆત પણ થઈ ચૂકી છે ત્યારે રંગીલા રાજકોટમાં દારૂની રેલમછેલ થાય તે પહેલા જ બુટલેગરોના પ્લાન પોલીસે નાકામ કરી દીધા છે. રાજકોટ પોલીસ હાલ શહેરના અલગ અલગ વિસ્તારોમાં તેમજ હાઇવે પર સઘન પેટ્રોલિંગ હાથ ધર્યું છે અને શંકાસ્પદ વાહનોની પણ તપાસ કરવામાં આવી રહી છે.
તો બીજી તરફ શહેરમાં પણ અલગ અલગ વિસ્તારોમાં પણ પેટ્રોલીંગ વધારે કરવામાં આવી રહ્યું છે.શહેરના ભક્તિનગર વિસ્તારમાં શ્રીનગર મેઈન રોડ પર શેરી નમ્બર 2 માં ઉભેલી એક કારમાં દારૂનો મોટો જથ્થો હોવાની પોલીસને બાતમી મળી હતી અને જેના આધારે પોલીસે ત્યાં પહોંચી દરોડો પાડતા વિદેશી દારૂનો જથ્થો તેમજ કાર જપ્ત કરી હતી.
પત્રકાર : ઈરફાન શેખ (પંચમહાલ)
