જૂનાગઢ શહેર પોલીસ દ્વારા પતંગ દોરા વહેંચતા વેપારીઓની દુકાનમાં ચેકીંગ
તાજેતરમાં મકરસંક્રાંતિના તહેવારોની સિઝન ચાલતી હોય, ગેર કાયદેસર ચાઈનીઝ દોરા તેમજ ચાઈનીઝ તુકકલ વહેંચતા ઈસમો પણ તહેવારોના સમયે સક્રિય બને છે. જૂનાગઢ રેંજના ડીઆઈજી શ્રી મનીંદર પ્રતાપ સિંહ પવાર તથા જૂનાગઢ જિલ્લા પોલીસ વડા શ્રી રવિ તેજા વાસમ શેટ્ટી* દ્વારા મકરસંક્રાંતિના તહેવારોના સમયમાં ખાસ કરીને જૂનાગઢ શહેર તથા જિલ્લામાં ગેર કાયદેસર ચાઈનીઝ દોરા તેમજ ચાઈનીઝ તુકકલ વહેંચતા ઈસમો ઉપર કાર્યવાહી* કરવા *ખાસ ઝુંબેશ* હાથ ધરવા તમામ પોલીસ અધિકારીઓ ને સૂચનાઓ કરવામાં આવેલ છે.
જૂનાગઢ ડિવિઝનના ડીવાયએસપી પ્રદીપસિંહ જાડેજાના માર્ગદર્શન હેઠળ એ ડિવિઝન પોલીસ સ્ટેશનના પીઆઇ આર.જી.ચૌધરી, ઇન્ચાર્જ પીઆઇ જે.એચ.કછોટ, બી ડિવિઝન પોલીસ સ્ટેશનના પીઆઇ આર.બી.સોલંકી, પીએસઆઇ એ.કે.પરમાર, સી ડિવિઝન પીએસઆઇ પી.જે.બોદર, ભવનાથ પીએસઆઇ એન.કે.વાજા, સહિતના પોલીસ અધિકારીઓ તથા સ્ટાફની જુદી જુદી ટીમો બનાવી, શહેર વિસ્તારમાં ફૂટ પેટ્રોલીંગ દરમિયાન પતંગ દોરા વહેંચતા વેપારીઓ નું ખાસ ચેકીંગ હાથ ધરવામાં આવેલ હતું.
જૂનાગઢ શહેર પોલીસના આ ચેકીંગ દરમિયાન પતંગ દોરા વહેંચતા વેપારીઓની દુકાનમાં ગેર કાયદેસર ચાઈનીઝ દોરા તેમજ ચાઈનીઝ તુકકલ વહેંચે છે કે કેમ…? તે બાબતે ખાસ ચેકીંગ હાથ ધરી, પતંગ દોરા વહેંચતા વેપારીઓને ગેર કાયદેસર ચાઈનીઝ દોરા તેમજ ચાઈનીઝ તુકકલ નું વેચાણ નહીં કરવા ખાસ ચેતવણી આપી, સુચનાઓ કરવામાં આવેલ હતી. જૂનાગઢ જિલ્લા પોલીસ દ્વારા વિસાવદર, મેંદરડા, માણાવદર, વંથલી, કેશોદ, માંગરોળ જેવા શહેર તથા ટાઉનમાં પણ અસરકારક કામગીરી કરવામાં આવેલ છે.
આ કાર્યવાહી દરમિયાન શહેર વિસ્તારના પોલીસ સ્ટેશનો ખાતે અલગ અલગ ટીમો બનાવી, વેપારીઓ તથા લોકોને માહિતગાર કરી, તહેવારોના સમયમાં લોકોને સાવચેત કરવા સુરક્ષિત રાખવા પણ કાર્યવાહી શરૂ કરવામાં આવેલ છે. આ અંગે જુદા જુદા વિસ્તારમાં ફૂટ પેટ્રોલિંગ તેમજ વાહન ચેકીંગ દરમિયાન પતંગ દોરાની દુકાનના ચેકીંગની કાર્યવાહી કરવામાં આવેલ છે. આમ, જૂનાગઢ જિલ્લા પોલીસ વડા શ્રી રવિ તેજા વાસમ શેટ્ટી દ્વારા જૂનાગઢની જનતાને મકરસંક્રાંતિના તહેવારોના સમયમાં સાવચેત કરવા માટે જૂનાગઢ શહેરની જનતાને સુરક્ષીત સલામત રાખવા માટે પણ કાર્યવાહી કરવામાં આવેલ છે.
રિપોર્ટ : અનિષ ગૌદાણા
લોકાર્પણદ દૈનિક ન્યૂઝ
ગુજરાત બ્યુરોચીફ
