કેશોદની બજારમાં ખાખડીનું આગમન
- ગત વર્ષની સરખામણીએ બજારમાં ખાખડીનું બે સપ્તાહ મોડું આગમન સાથે ઉંચા ભાવે ખાખડીનું વેચાણ
અવારનવાર વાતાવરણમાં બદલાવના કારણે આંબાઓમાં આગોતરા પાછોતરા ફાલ જોવા મળી રહયાછે સરેરાશ જાન્યુઆરીની શરૂઆતમાં આંબામાં ફલાવરીંગ એટલે કે મોર આવવાની શરૂઆત થતી હોયછે ફેબ્રુઆરીમાં મગીયો બંધાઈ ખાખડીનું બંધારણ થાયછે ત્યારે થોડા વર્ષોથી વાતાવરણમાં અચાનક બદલાવના કારણે ફલાવરીંગ મગીયો ખાખડી બનવામાં થોડા દિવસ વહેલા મોડું થતું રહે છે ગત વર્ષની સરખામણીએ બજારમાં ખાખડીનું બે સપ્તાહ મોડુ આગમન થયું છે.
જ્યારે ગત વર્ષના ખાખડીના ભાવની સરખામણીએ હાલના વર્ષે ઉંચી કિંમત જોવા મળી રહી છે. ગત વર્ષે ખાખડીના આગમનની શરૂઆતમાં પ્રતિ કિલો ત્રણસો રૂપિયાના ભાવે બજારમાં વેચાણ થતું હતું જે આગામી વર્ષે ખાખડીના આગમનની શરૂઆતમાં પ્રતિ કિલો પાંચસો રૂપિયામાં ખાખડીનું વેચાણ થઈ રહ્યું છે હાલના વર્ષે કેરીનું મબલખ ઉત્પાદન થાય તેવું લાગી રહ્યું છે તેમજ કેરીની સીઝન લાંબો સમય રહેશે તેવી શક્યતા સેવાઇ રહી છે જેથી કેરીના સ્વાદ રસીકોને ફળોની રાણી કેરીનો સ્વાદ લાંબો સમય સુધી માણવા મળે તેવો અંદાજ સેવાઈ રહ્યોછે
રિપોર્ટ : શોભના બાલસ (કેશોદ)
