જૂનાગઢ પોલીસની સતર્કતા ના કારણે જૂનાગઢ ની યુવતી સોશીયલ મીડીયા દ્વારા ફસાવતા તત્વોનો ભોગ બનતા બચી
જૂનાગઢ રેન્જના આઈજીપી શ્રી મનીંદર પ્રતાપ સિંહ પવાર તથા જૂનાગઢ પોલીસ વડા શ્રી રવિ તેજા વાસમ શેટ્ટી દ્વારા જૂનાગઢ જિલ્લામાં સામાન્ય પ્રજાના લોક માનસ ઉપર પોલીસની એક સારી છાપ પડે અને “પોલીસ પ્રજાનો મિત્ર છે” એ સૂત્ર સાર્થક બને તેવા પ્રજા કલ્યાણ તથા પ્રજા ઉપયોગી કાર્યવાહી કરવા તેમજ મહિલાઓના મદદ માટે શરૂ કરવામાં આવેલ She Team દ્વારા મહિલાઓને મદદ કરવા તથા સુરક્ષા આપવા, જિલ્લાના તમામ પોલીસ અમલદારોને સૂચના કરવામાં આવેલ…_
હાલના સાંપ્રત સમયમાં ઇન્સ્ટાગ્રામ, ફેસબુક અને વોટસ એપ જેવા સોશીયલ મીડીયા ગેર ઉપયોગના કારણે નાની ઉમરના બાળકો તેમજ પરણિત યુવતીઓ/યુવક ઉપર પડતી વિપરીત અસર ના બનાવો પણ બનતા રહેતા હોય છે. તાજેતરમાં જુનાગઢ શહેરના સી ડિવિઝન પોલીસ સ્ટેશન ખાતે પણ સોશિયલ મીડિયાના દુરુપયોગના કારણે પરણિત યુવતી રાધા (નામ બદલાવેલ છે) ઉપર પડેલ વિપરીત અસર અંગેનો એક કિસ્સો બહાર આવેલ છે……._
જૂનાગઢ શહેરના ગાંધીગ્રામ વિસ્તારમાં રહેતી અને પરણિત યુવતી રાધા કે જે બે છોકરાની મા છે, એવી યુવતી વહેલી સવારે પોતાનું ઘર છોડી, નાસી જતાં, સી ડિવિઝન પોલીસ સ્ટેશન ખાતે જાણ કરવામાં આવેલ હતી……._
સી પોલીસ સ્ટેશન ખાતે જાણ કરવામાં આવતા, જુનાગઢ ડિવિઝન ના ડીવાયએસપી પ્રદિપસિંહ જાડેજાના માર્ગદર્શન હેઠળ સી ડિવિઝન પોલીસ સ્ટેશનના પીઆઇ એન.એ.શાહ, પો.સબ ઈન્સ. જે.જે.ગઢવી, સ્ટાફના હે.કો. નિલેશભાઈ, આઝાદસિંહ, શોભાબેન, મનીષાબેન, ભાવેશભાઈ, અમરાભાઈ, સહિતની ટીમ દ્વારા પરણિત યુવતીને શોધવા માટે ડીવાયએસપી કચેરી, જૂનાગઢના ટેક્નિકલ સેલના હે.કો. કમલેશભાઈ દ્વારા તપાસ હાથ ધરવામાં આવેલ હતી. દરમિયાન ટેક્નિકલ સોર્સ દ્વારા માહિતી મળેલ કે, ગુમ થનાર આ પરણિત યુવતી, હરિયાણાના કોઈ યુવાન સાથે સંપર્કમાં હતી અને હાલ હરિયાણા રાજ્યના સોનીપત શહેર આજુબાજુ છે. જે આધારે જુનાગઢ ડિવિઝન ના ડીવાયએસપી પ્રદિપસિંહ જાડેજા તથા પો.સબ ઈન્સ. જે.જે.ગઢવીના માર્ગદર્શન હેઠળ સી ડિવિઝન પોલીસ સ્ટેશનની જૂનાગઢ પોલીસ ટીમના હે.કો.નિલેશભાઈ તથા પો.કો. આઝાદસિંહ દ્વારા તેના કુટુંબીજનોને સાથે રાખી, તાબડતોબ હરિયાણા રાજ્યના સોનીપત ખાતે પહોંચી, સોનીપત શહેરના પોલીસ ઇન્સ. વિવેક મલિક તથા સ્ટાફના સહયોગથી પરણિત યુવતી રાધા અને હરિયાણાના યુવાનને શોધી કાઢી, પોલીસ સ્ટેશન લાવી, પૂછપરછ કરતા, પરણિત યુવતી સોશિયલ મીડિયા દ્વારા સંપર્કમાં આવેલ યુવાનની હરકતોથી પરેશાન હોઈ તેમજ પોતાના સંતાનો યાદ આવતા, પોતાના કુટુંબીજનો સાથે પરત ગુજરાત આવવાની ઈચ્છા વ્યક્ત કરતા, હરિયાણા સોનીપત ખાતેથી પરણિત યુવતીનો કબજો મેળવી, જૂનાગઢ ખાતે લાવવામાં આવેલ હતી…._
જુનાગઢ ડિવિઝન ના ડીવાય એસપી પ્રદિપસિંહ જાડેજા, સી ડિવિઝન પોલીસ સ્ટેશનના પીઆઇ એન.એસ. શાહ, પો.સ.ઇ. જે.જે.ગઢવી તથા She Team ના એ.એસ.આઈ. શોભાબેન, પો.કો. મનીષાબેન, ભાવેશભાઈ, અમરાભાઈ, સહિતના સ્ટાફ દ્વારા યુવતીને વિશ્વાસમાં લઈ, સહાનુભૂતિ પૂર્વક પૂછપરછ કરવામાં આવતા, યુવતી દ્વારા પોતે મોબાઈલમાં ઇન્સ્ટાગ્રામ, ફેસબુક વોટ્સએપ નો ઉપયોગ કરતી હોય, પોતાને છેલ્લા સાત આઠ માસથી ઇન્સ્ટાગ્રામ મારફતે તથા ફેસબુક ફ્રેન્ડ હરિયાણા રાજ્યના એક યુવક સાથે ફેસબુક ઉપર ચેટિંગ દરમિયાન પ્રેમ થઈ જતાં, પોતે એ યુવક સાથે વાત કરી ઘરેથી જરૂરી રોકડ ઘરેણાં લઈને હરિયાણા નાસી જઈ, હરિયાણાના યુવક સાથે મળેલાની કબૂલાત કરેલ હતી. પરણિત યુવતીની કબૂલાત આધારે પોલીસ પણ ચોંકી ઉઠી હતી…._
જૂનાગઢ ખાતેથી પરણિત યુવતી રાધાના માતાપિતા સહિતના કુટુંબીજનો આવતા, She Team દ્વારા સમજાવતા, પોતાના માતાપિતા સાથે જવા તૈયાર થતા, પોલીસ દ્વારા યુવતીને હેમખેમ સોંપવામાં આવેલ હતી. પરણિત યુવતી પોતાના પરિવારજનોને મળતા, પરિવારજનો ભાવ વિભોર થઇ ગયેલ હતા. યુવતી બાબતની વિગત પોલીસ પાસેથી જાણી, યુવતી હરિયાણા ગયા બાદ લઈ જનાર યુવાન દવારા અઘટિત કર્યું હોત અથવા કોઈ બીજાને સોંપી દીધી હોત તો, શું થાત..? એવું જણાવી, પરિવારજનોને કંપારી થઈ ગયેલ હતી. જૂનાગઢ પોલીસની સતર્કતા અને પોલીસની ત્વરિત કાર્યવાહીના કારણે જૂનાગઢ ની યુવતી સોશીયલ મીડીયા દ્વારા ફસાવતા તત્વોનો ભોગ બનતા બચી ગયેલ હતી. પરિવારજનો દ્વારા જુનાગઢ પોલીસનો આભાર વ્યક્ત કરવામાં આવેલ હતો. પોલીસની She Team દ્વારા પરણિત યુવતીને પોતાની દીકરી માફક સલાહ આપી, પોતાના પરિવારમાં ધ્યાન આપવા તેમજ તેની ઉમર પુખ્ત હોઈ, ફેસબુક વોટ્સએપ જેવા દુષણથી દુર રહેવા અને માતા પિતા કહે એટલું જ કરવા તેમજ કુટુંબ સાથે સુખ શાંતિથી પોતાનું જીવન ગુજારવા સલાહ આપી હતી. ઉપરાંત, પરણિત યુવતીના
પરિવારજનોને પણ યુવતીનો ખ્યાલ અને તકેદારી રાખવા વિનંતી પણ કરવામાં આવેલ હતી…_
આજના આધુનિક સાંપ્રત સમયમાં સોશીયલ મીડિયાનો દુરુપયોગ નાની ઉંમરના તરુણોમા તેમજ પરણિત યુવતી અને યુવાનો ઉપર કેવી વિપરીત અસર લાવે છે…? તેં બાબતને
ઉજાગર કરતો આ કિસ્સો સમાજના યુવક યુવતી અને તેના કુટુંબીજનો માટે લાલબત્તી સમાન સાબિત થયેલ છે…_
જૂનાગઢ જિલ્લાના પોલીસ અધિક્ષક શ્રી રવી તેજા વાસમ શેટ્ટી દ્વારા સકારાત્મક અભિગમ દ્વારા પોતાના પરિવારથી વિખુટા પડી ગયેલાને પોતાના પરિવાર સાથે મિલન કરાવી, સોશીયલ મીડીયા ના દુરુપયોગથી બચવા સંદેશો આપી, સુરક્ષા સાથે સેવાનું ઉત્તરદાયિત્વ નિભાવી, પોલીસ પ્રજાની મિત્ર છે, એ સૂત્ર જૂનાગઢ જિલ્લા પોલીસએ સાર્થક કર્યું હતું…_
