સોમનાથના સદ્ભાવના ગ્રાઉન્ડ ખાતે ધ્વજ વંદન: ૭૩માં પ્રજાસત્તાક પર્વની રાજ્યકક્ષાની ઉજવણી

સોમનાથના સદ્ભાવના ગ્રાઉન્ડ ખાતે  ધ્વજ વંદન: ૭૩માં પ્રજાસત્તાક પર્વની રાજ્યકક્ષાની ઉજવણી

મુખ્યમંત્રી શ્રી ભૂપેન્દ્રભાઈ પટેલની ઉપસ્થિતિમાં સવારે ૦૯ કલાકે ધ્વજવંદન

સોમનાથના સદ્ભાવના ગ્રાઉન્ડ ખાતે ૭૩માં પ્રજાસત્તાક દિવસની રાજ્યકક્ષાના ઉજવણી કરવામાં આવનાર છે. આ ૭૩માં પ્રજાસત્તાક પર્વે સવારે ૦૯ કલાકે મુખ્યમંત્રી શ્રી ભૂપેન્દ્રભાઈ પટેલની ઉપસ્થિતિમાં ધ્વજ વંદન કરવમાં આવશે.

આ રાષ્ટ્રીય પર્વની ઉજવણીના સમારોહમાં જુદા-જુદા સુરક્ષા દળોની ૧૮ જેટલી પ્લાટુન્સ દ્વારા શિસ્ત બદ્ધ રીતે પરેડ કરવમાં આવશે. આ પ્લાટુન્સમાં કોસ્ટ ગાર્ડ, આર.એ.એફ. વસ્ત્રાલ, મરીન કમાન્ડો જામનગર, જૂનાગઢ મહિલા પોલીસ પ્લાટુન, રાજકોટ શહેર પોલીસ મહિલા પ્લાટુન, ગીર સોમનાથ જિલ્લા પોલીસ, ગુજરાત જેલ પોલીસ, પોરબંદર જિલ્લા પોલીસ, અમદાવાદ શહેર ટ્રાફિક પોલીસ , ગુજરાત વન વિભાગ મહિલા પ્લાટુન, જિલ્લા હોમગાર્ડ પ્લાટુન, વિદ્યાર્થીઓની એન.એસ.એસ. પ્લાટુન, ગુજરાત શ્વાન દળ, ગુજરાત અશ્વ દળ એસ.આર.પી. પાઈપ બેન્ડ પ્લાટુનનો સમાવેશ થાય છે.

ઉપરાંત આ રાષ્ટ્રીય પર્વના પ્રસંગે પ્રધાનમંત્રી બાળ પુરસ્કાર-૨૦૨૨ વિજેતા સુશ્રી અન્વી ઝાંઝુરૂકીયા અને કરૂણા અભિયાન અંતર્ગત વિશિષ્ટ કામગીરી કરનાર સંસ્થા તેમજ વ્યક્તિઓનુ સન્માન કરવામાં આવશે.

રિપોર્ટ : પરાગ સંગતાણી,
ગીર સોમનાથ

➡ ગુજરાતના તમામ જિલ્લા તેમજ તાલુકાઓમાં ઉત્સાહી રિપોર્ટર, ઇન્ફોર્મર, જિલ્લા બ્યુરો તેમજ માર્કેટિંગ મેનેજરની જાહેરાત વિભાગમાં જરૂરત છે.

વધુ વિગત માટે સંપર્ક :-

➡ અનિષભાઈ ગૌદાણા
વૉટ્સઅપ : 84889 90300
કોલ : 70163 91330

➡️ રસિકભાઈ વેગડા
કોલ : 94265 55756