ભરૂચ : એલસીબીએ વોન્ટેડ આરોપી સહિત બે ઇસમોને મારક હથિયારો સાથે દબોચ્યા
ભરૂચ સબજેલ પાસેથી એલસીબીએ વોન્ટેડ આરોપી સહિત બે ઇસમોને મારક હથિયારો સાથે દબોચ્યા, કુલ રૂ. 5.38 લાખનો મુદ્દામાલ જપ્ત
એલસીબીએ આરોપીઓની ધરપકડ કરી તેમને બી ડિવિઝન પોલીસને હવાલે કર્યા
ભરૂચ એલસીબી પોલીસે ભરૂચ સબજેલ પાસેથી વોન્ટેડ આરોપી સહિત બે ઇસમોને મારક હથિયારો ઝડપ્યા હતા. જેમાં પોલીસે આરોપીઓ પાસેથી કુલ રૂ. 5.38 લાખનો મુદ્દામાલ જપ્ત કર્યો હતો.
મૂળ હાંસોટનો અને હાલ અંકલેશ્વરની એશિયાડ નગર ખાતે રહેતો તલહા ઉર્ફે બાબુ મુજમીલ શેખ અને અમન શફી ઉર્ફે પપ્પુ ખોખર સ્વિફ્ટ કાર નંબર-જી.જે.06.પી.જી.9277માં મારક હથિયારો સાથે ભરૂચ સબજેલ પાસે ફરી રહ્યા છે તેવી બાતમી ભરૂચ એલસીબીને મળી હતી. બાતમીના આધારે ભરૂચ એલસીબી પોલીસે વોચ ગોઠવી હતી, દરમિયાન બાતમીવાળી કાર આવતા પોલીસે તેને અટકાવી હતી અને કારમાં સવાર બંને ઇસમોની તપાસ કરતાં તેઓ પાસેથી રામપુરી ચપ્પુ અને છરો તેમજ બે મોબાઈલ સહિત કાર મળી કુલ 5.38 લાખથી વધુનો મુદ્દામાલ કબ્જે કર્યો હતો.
પોલીસે તલહા ઉર્ફે બાબુ મુજમીલ શેખ અને અમન શફી ઉર્ફે પપ્પુ ખોખરની ધરપકડ કરી તેમને બી ડિવિઝન પોલીસને હવાલે કરી વધુ તપાસ હાથ ધરી છે. અત્રે ઉલ્લેખનીય છે કે ઝડપાયેલો તલહા ઉર્ફે બાબુ મુજમીલ શેખ બી ડિવિઝન પોલીસ મથકમાં અપશબ્દો અને ધમકી આપવાના ગુનામાં બે માસથી વોન્ટેડ હોવાનું જાણવા મળ્યું છે.
રિપોર્ટ : ભાવેશ મુલાણી, બ્યૂરો ચિફ, દક્ષિણ ગુજરાત.
➡ ગુજરાતના તમામ જિલ્લા તેમજ તાલુકાઓમાં ઉત્સાહી રિપોર્ટર, ઇન્ફોર્મર, જિલ્લા બ્યુરો તેમજ માર્કેટિંગ મેનેજરની જાહેરાત વિભાગમાં જરૂરત છે.
વધુ વિગત માટે સંપર્ક :-
➡ અનિષભાઈ ગૌદાણા
વૉટ્સઅપ : 84889 90300
કોલ : 70163 91330
➡️ રસિકભાઈ વેગડા
કોલ : 94265 55756
