અંકલેશ્વરની યુ.પી.એલ કંપનીના ગેટ પાસેથી ચોરી થયેલા કેમિકલ પાઉડર સાથે બે ઝડપાયા

Spread the love

Post Views: 255

અંકલેશ્વરની યુ.પી.એલ કંપનીના ગેટ પાસેથી ચોરી થયેલા કેમિકલ પાઉડર સાથે બે ઝડપાયા, કુલ રૂ. 17.16 લાખનો મુદ્દામાલ જપ્ત

અંકલેશ્વરની યુપીએલ કંપનીના ગેટ નંબર-2 પાસે પાર્ક કરેલ ટેમ્પોમાંથી કિંમતી પાઉડરની ચોરીના મામલે શહેર પોલીસે ગણતરીના દિવસોમાં ચોરીનો ભેદ ઉકેલી કાઢી બે ઈસમો ઝડપી પાડ્યા હતા. તેમજ રૂ. 17.16 લાખનો મુદ્દામાલ જપ્ત કરી આગળની કાર્યવાહી હાથ ધરી હતી.
ગત તારીખ-11મી એપ્રિલના રોજ અંકલેશ્વરની યુપીએલ કંપનીના ગેટ નંબર-2 પાસે પાર્ક કરેલા આઇસર ટેમ્પો નંબર-જી.જે.16.એય.4009માં ભરેલા ઉલાલા અને પનાના પાઉડરના 493 પૈકી 42 નંગ બોક્ષમાં રહેલ 252 કિલો ગ્રામ પાઉડર મળી કુલ 17.16 લાખના મુદ્દામાલની ચોરી કરી તસ્કરો ફરાર થઇ ગયા હતા.
ચોરી અંગે શહેર પોલીસે ગુનો નોંધી તપાસ હાથ ધરી હતી. તે દરમિયાન પોલીસને બાતમી મળી હતી કે યુપીએલ કંપની પાસેથી ચોરી થયેલા પાઉડરનો જથ્થો નવજીવન હોટલથી વાલિયા ચોકડી તરફ આવી રહ્યો છે. જેના આધારે શહેર પોલીસે વાલિયા ચોકડીના કટ પાસે વોચ ગોઠવી હતી. તે સમયે બાતમી વાળો ટેમ્પો આવતા પોલીસે તેને અટકાવી તપાસ કરતાં ઉલાલા અને પનાના પાઉડર ભરેલાં બોક્ષ મળી આવ્યા હતા.
પોલીસે ચોરી થયેલો રૂ. 17.16 લાખનો મુદ્દામાલ અને ટેમ્પો કબ્જે કર્યો હતો. તેમજ મૂળ યુપીના અને નવજીવન હોટલ સામે રહેતા નાઝીમ રહીશ શહીદ સિદ્દીકી અને યુપીએલ કંપનીમાં કોન્ટ્રાક્ટ હેઠળ નોકરી કરતા ગોપાલ કાનજી વસાવાને ઝડપી પાડ્યો હતો. જ્યારે અન્ય બે ઇસમોને વોન્ટેડ જાહેર કરી વધુ તપાસ હાથ ધરવામાં આવી છે.

ભાવેશ મુલાણી, બ્યૂરો ચિફ, દક્ષિણ ગુજરાત.

ગુજરાતના તમામ જિલ્લા તેમજ તાલુકાઓમાં ઉત્સાહી રિપોર્ટર, ઇન્ફોર્મર, જિલ્લા બ્યુરો તેમજ માર્કેટિંગ મેનેજરની જાહેરાત વિભાગમાં જરૂરત છે.