અંકલેશ્વરના કાપોદ્રામાંથી 1010 લિટરના બાયો ડીઝલના જથ્થા સાથે બે ઝડપાયા

અંકલેશ્વરના કાપોદ્રામાંથી 1010 લિટરના બાયો ડીઝલના જથ્થા સાથે બે ઝડપાયા, કુલ રૂ. 1.19 લાખનો મુદ્દામાલ ઝબ્બે

અંકલેશ્વરના કાપોદ્રા ગામની સીમમાં આવેલી શિવ દર્શન રેસીડેન્સીમાંથી ભરૂચ એલસીબી પોલીસે 1010 લીટરના બાયો ડીઝલનો જથ્થો મળી કુલ 1.19 લાખથી વધુના મુદ્દામાલ સાથે બે ઈસમોને ઝડપી પાડ્યા હતા.
સુરતના નાના વરાછા લંબે હનુમાન રોડ ઉપર આવેલા ડાહ્યા પાર્કમાં રહેતા મહેશે કાપોદ્રા ગામની સીમમાં આવેલી શિવ દર્શન રેસીડેન્સીમાં મકાન ભાડે રાખી બાયો ડીઝલ બનાવવાનું જ્વલનશીલ પ્રવાહીનું રોમટિરિયલ શંકાસ્પદ રીતે ગેરકાયદેસર રીતે સંગ્રહ કરેલું છે જેવી બાતમીના આધારે ભરૂચ એલસીબી પોલીસે દરોડા પાડ્યા હતા. પોલીસે બાતમી વાળા મકાનમાંથી પાંચ બેરલોમાં શંકાસ્પદ પ્રવાહી અને ડીઝલ ફીડિંગ પંમ્પ તેમજ પાઇપો અને અન્ય બાંધકામના મકાનમાંથી 5 હજાર લીટરની પ્લાસ્ટિકની ટાંકીમાંથી 10 લીટર પ્રવાહી મળી કુલ રૂ. 1.19 લાખથી વધુનો જથ્થો કબ્જે કર્યો હતો.
પોલીસે અંકલેશ્વર મામલતદાર અને એફ.એસ.એલની ટીમને જાણ કરી હતી. મામલતદાર અને એફ.એસ.એલની ટીમોએ સેમ્પલ મેળવ્યા હતા. તેમજ સુરતના નાના વરાછા લંબે હનુમાન રોડ ઉપર આવેલા ડાહ્યા પાર્કમાં રહેતો મહેશ ઉર્ફે ઘૂધો રાજા મેવાડા અને લાલજી ઉર્ફે લાલો કાના મેવાડાને ઝડપી પાડ્યો હતો. જેની પૂછપરછ કરતા તેઓ આ શંકાસ્પદ પ્રવાહી સુરતના યોગેશ નામના ઈસમ પાસેથી લાવ્યા હોવાનું કબૂલ કર્યું હતું.

ભાવેશ મુલાણી, બ્યૂરો ચિફ, દક્ષિણ ગુજરાત.

➡ ગુજરાતના તમામ જિલ્લા તેમજ તાલુકાઓમાં ઉત્સાહી રિપોર્ટર, ઇન્ફોર્મર, જિલ્લા બ્યુરો તેમજ માર્કેટિંગ મેનેજરની જાહેરાત વિભાગમાં જરૂરત છે.

વધુ વિગત માટે સંપર્ક :-

➡ અનિષભાઈ ગૌદાણા
વૉટ્સઅપ : 84889 90300
કોલ : 70163 91330

➡️ રસિકભાઈ વેગડા
કોલ : 94265 55756