અસ્થમા અવેરનેસ કેમ્પનું આયોજન કરવામાં આવ્યું

Spread the love

Post Views: 482

સુરત ની IDCC હોસ્પિટલ ખાતે યુવા સંસ્કૃતિ ચેરીટેબલ ટ્રસ્ટ સાથે મળી ને અસ્થમા અવેરનેસ કેમ્પનું આયોજન કરવામાં આવ્યું

જેમાં સુરત ના પ્રખ્યાત પ્લમોલોજીસ્ટ ડૉ. ચંદ્રકાન્ત ઘેવરિયા , સાઉથ ગુજરાત ના પ્રખ્યાત ઇન્ફેકશિયસ ડીસીઝ સ્પેશિયાલિસ્ટ ડૉ. પ્રતીક સાવજ , ICU , ઈમરજન્સી અને ક્રિટિકલ કેર ના નિષ્ણાંત ડૉ. નીરવ ગોંડલીયા દ્વારા આ અવેરનેસ સેસન ને હોસ્ટ કરવામાં આવેલ.

આ સેસન નો મુખ્ય હેતુ અસ્થમા નું નિદાન , અસ્થમા વિશે સચોટ માહિતી અને સમાજ માં ઉભી થયેલી ઘણી ગેરમાન્યતાઓ અને ભયમુક્ત થઈ સાચી અને સારી સારવાર કઇ રીતે કરી શકાય તે હતું. આ ઉપરાંત ડૉ.ચંદ્રકાન્ત ઘેવરિયા દ્વારા ઇનહેલર ના ઉપયોગ અને એમના ફાયદા / ગેરફાયદા જણાવી એમને લાઈવ ડેમોસ્ટ્રેશન પૂરું પાડ્યું હતું.

યુવા સંસ્કૃતિ ચેરીટેબલ ટ્રસ્ટના પ્રમુખ અંકિતભાઈ બુટાણી સહિતના સભ્ય, IDCC હોસ્પિટલનો સ્ટાફ અને સુરતના પ્રતિષ્ઠિત વ્યક્તિઓ આ સેસન માટે વહેલી સવારે લગભગ 7 વાગે હાજર રહી ઉત્સાહભેર ભાગ લીધો હતો અને કાર્યક્રમને સફળ બનાવ્યો હતો.

આભાર વિધિ કરતા ડૉ.ભાવિન શિરોયા (એડમીન : IDCC હોસ્પિટલ) એ જણાવ્યું હતું કે આવા અવેરનેસ કેમ્પ સમાજ ઉપયોગી નિવડતા હોય છે, અને આવા અવેરનેસ કેમ્પ ના લીધે જ સામાજિક ક્રાંતિ થઈ શકે છે અને સમાજ માં અનોખી સ્કિલ ડેવલપ થતી હોય છે. આ ઉપરાંત IDCC હોસ્પિટલ ની ટિમ 24×7 કલાક સમાજ ઉપયોગી કાર્ય માટે સમાજ ની સાથે ઉભી રહેશે અને આગામી સમય માં પણ આવા અનેક અવેરનેસ કેમ્પો સાથે મળી સુનિયોજીત રીતે પૂર્ણ કરીશું.

રિપોર્ટ : ભાવેશ મુલાણી, બ્યૂરો ચિફ, દક્ષિણ ગુજરાત.

ગુજરાતના તમામ જિલ્લા તેમજ તાલુકાઓમાં ઉત્સાહી રિપોર્ટર, ઇન્ફોર્મર, જિલ્લા બ્યુરો તેમજ માર્કેટિંગ મેનેજરની જાહેરાત વિભાગમાં જરૂરત છે.