દાંતા ખાતે તોલમાપ અધિકારીશ્રીના દરોડા

દાંતા ખાતે તોલમાપ અધિકારીશ્રીના દરોડા : નિયમોના ભંગ બદલ વેપારી સામે યોગ્ય કાર્યવાહી કરી રૂ.૧,૧૬,૦૦૦ નો દંડ વસુલવામાં આવ્યો

ગ્રાહક સલાહ અને સુરક્ષા કેન્દ્ર દાંતા અને અંબાજી દ્વારા અંબાજીમાં રહી ગ્રાહકોના હિત માટે પુરા ગુજરાતમાં કરી રહી છે શ્રેષ્ઠ ગ્રાહક સુરક્ષાની કામગીરી

આજે કેટલાક તત્વો ગ્રાહકોને છેતરવાનું ચુકતા નથી જેમ શાકભાજીની લારી વાળા હોય કે પછી ફેરીયા વાળ હોય જે તોલ માપમાં ગરબડ કરી છેતરવાનું કામ કરતાં હોય છે તો કેટલાક વેપારીઓ પણ ઘણી વખત વસ્તુની વેંચાણ કિંમતમાં ચેડા કરી વધુ ભાવ લઈ લેતા હોય છે. આ ઉપરાંત કેટલાક વેપારીઓ પેકેટ પર છાપવામાં આવેલી મહત્તમ વેચાણ કિંમત કરતા વધુ ભાવ લેવો, પેકેટ પર છાપેલી કિંમતમાં ચેકચાક કરવી, કોમોડીટીઝ રૂલ્સ – ૨૦૧૧ ના નિયમ મુજબ જરૂરી નિર્દેશન વિગતો દર્શાવ્યા વિના પેકેટ વેંચી ગ્રાહકો સાથે છેતરપિંડી કરતાં હોય છે.
બનાસકાંઠા જિલ્લામાં ગ્રાહકોના હિતમાં સારી કામગીરી કરતી ગ્રાહક સલાહ અને સુરક્ષા કેન્દ્ર દાંતા અને અંબાજી સંસ્થાના પ્રમુખશ્રી વિપુલભાઈ ગુર્જરના ધ્યાને આવેલ હકીકતના આધારે દાંતા ખાતે આવેલ ફેરસુક સુપર માર્કેટ મોલમાં ગ્રાહકોના હિતો જોખમાય તેવા પેકિંગ વાળી વસ્તુનું વેચાણ થઈ રહ્યું હોવાનું જણાતા શ્રી ગુર્જર દ્વારા ગ્રાહકોના હિતોને ધ્યાનમાં રાખી તેમણે બનાસકાંઠા જિલ્લાના જિલ્લા તોલમાપ અધિકારીશ્રી અને સ્ટેટ લેવલે યોગ્ય કાર્યવાહી થાય તે માટે ધ્યાન દોરવામાં આવ્યું હતું.
આ અંગે તા.૧ જુન-૨૦૨૨ના રોજ બનાસકાંઠા જિલ્લા તોલમાપ અધિકારીશ્રી એસ.વી.પટેલ, તાબા હેઠળના નિરીક્ષક શ્રી વરૂણ ચૌધરી, શ્રી રાહુલ ભૂટકા અને શ્રી ચંદનસિંહ કૂંકણાની ટીમને સાથે રાખી મોલમાં દરોડા પાડી સરપ્રાઈઝ ચેકિંગ હાથ ધરવામાં આવતા મોલમાં ધાણા, મેથી અને મરી મસાલાના સહિતની સીલબંધ પેકેજો પર પેકેજ કોમોડીટીઝ રૂલ્સ – ૨૦૧૧ ના નિયમ મુજબ કોઈ જ પ્રકારના નિર્દેશન કરેલા ના હોવાથી અને ઉત્પાદક અને પેકર તરીકે નિયમો મુજબ નોંધણી કરાવેલ ના હોવાનું ધ્યાનમાં આવ્યું હતું અને આ મોલના જવાબદાર વ્યક્તિઓએ કાયદા અને નિયમોનો ભંગ કરેલ અને પેકેટ વેંચી ગ્રાહકો સાથે છેતરપિંડી કરવામાં આવતી હતી. જેથી શ્રી પટેલ દ્વારા વેપારી સામે કાયદેસરની કાર્યવાહી કરી ગુનો નોંધી ૧ લાખ ૧૬ હજાર નો ગુના માંડવાળ ફિ ની વસૂલાત કરવામાં આવી હતી.
ગ્રાહક સલાહ અને સુરક્ષા કેન્દ્ર અંબાજી અને દાંતાના શ્રી વિપુલ ગુર્જર અંબાજીમાં બેસીને પણ ગ્રાહકોના હિત માટે પુરા ગુજરાતમાં શ્રેષ્ઠ ગ્રાહક સુરક્ષાની કામગીરી કરી રહ્યા છે.
**@@@@@અંબાજી માં પણ‌ તોલ માપ દ્વારા ચેકીંગ હાથ ધરવામાં આવે.@@@@**
અંબાજીના માર્કેટ માં તોલમાપ ના કર્મચારી અને અંબાજી ગ્રાહક સુરક્ષા મંડળ દ્વારા અંબાજીમાં ખાદ્ય પદાર્થની ચીજ વસ્તુઓ નું ચેકિંગ કરવામાં આવે તો અંબાજી માં સારા સારા વેપારીને ત્યાં હાલકી ગુણવત્તા માલ મળી આવે.

રિપોર્ટ : અમિત પટેક અંબાજી

➡ ગુજરાતના તમામ જિલ્લા તેમજ તાલુકાઓમાં ઉત્સાહી રિપોર્ટર, ઇન્ફોર્મર, જિલ્લા બ્યુરો તેમજ માર્કેટિંગ મેનેજરની જાહેરાત વિભાગમાં જરૂરત છે.

વધુ વિગત માટે સંપર્ક :-

➡ અનિષભાઈ ગૌદાણા
વૉટ્સઅપ : 84889 90300
કોલ : 70163 91330

➡️ રસિકભાઈ વેગડા
કોલ : 94265 55756