મઢી ગામ નજીક એક નવ ફુટ લાંબો અજગર ઝડપાયો
મઢી ગામ નજીક એક નવ ફુટ લાંબો અજગર ઝડપાયો
ભરૂચ જીલ્લાના ઝઘડિયા તાલુકાના મઢી નજીક એક ખેતરમાંથી નવ ફુટ જેટલો લાંબો અજગર ઝડપાયો હતો. મળતી વિગતો મુજબ આજરોજ એક ખેતરમાં અજગરે દેખા દેતા સ્થાનિકોએ વન્ય જીવ રક્ષકો સુનિલ શર્મા અને દિપક માલીને જાણ કરતા તેઓ ટીમ સાથે ઘટના સ્થળે પહોંચી ગયા હતા. થોડી જહેમત બાદ આ લોકોએ અજગરને સલામત રીતે ઝડપી લીધો હતો. આ ઝડપાયેલ અજગર નવ ફુટ જેટલો લાંબો હોવાનું જણાવાયું હતું. ખેતરમાંથી મહાકાય અજગર ઝડપાતા તેને નીહાળવા લોકો ઉમટી પડ્યા હતા. આ ઝડપાયેલ અજગરને ખોરાક પાણી મળી રહે તેવા સલામત સ્થળે છોડી મુકવામાં આવશે એમ જણાવાયું હતું. ઉલ્લેખનીય છેકે ઝઘડિયા તાલુકાના નર્મદા કાંઠા વિસ્તાર સહિતના અન્ય વિસ્તારોમાં અવારનવાર અજગર જેવા સરીસૃપ વર્ગના પ્રાણીઓ જોવા મળે છે. હાલ ચોમાસું ચાલુ છે ત્યારે આવા પ્રાણીઓ ખેતરો તેમજ વગડા જેવા વિસ્તારોમાં જોવા મળતા હોય છે.
રિપોર્ટ:નિમેષ ગોસ્વામી ઝઘડીયા
➡ ગુજરાતના તમામ જિલ્લા તેમજ તાલુકાઓમાં ઉત્સાહી રિપોર્ટર, ઇન્ફોર્મર, જિલ્લા બ્યુરો તેમજ માર્કેટિંગ મેનેજરની જાહેરાત વિભાગમાં જરૂરત છે.
વધુ વિગત માટે સંપર્ક :-
➡ અનિષભાઈ ગૌદાણા
વૉટ્સઅપ : 84889 90300
કોલ : 70163 91330
➡️ રસિકભાઈ વેગડા
કોલ : 94265 55756
