36 મી નેશનલ ગેમ્સમાં ગુજરાતનું નામ રોશન કરશે અરવલ્લીના 5 રમતવીરો

Spread the love

Post Views: 249

29 સપ્ટેમ્બરથી યોજાનાર નેશનલ ગેમ્સમાં હોકીમાં ભાગ લેશે અરવલ્લીના 5 ખેલાડીઓ

ભારતની રમતમાં મોટામાં મોટી ગણી શકાય તેવી ઇવેન્ટ નેશનલ ગેમ્સ તા. 29 સપ્ટેમ્બર થી 12 ઓક્ટોબર 2022 ના રોજ ગુજરાત રાજ્યમાં રમાશે. જેમાં ભારતના 7000 ખેલાડીઓ ભાગ લેશે. આ રમતોત્સવમાં 36 અલગ અલગ રમત 6 જિલ્લામાં રમાશે. જેમાં હોકી રમતનું આયોજન રાજકોટ શહેર માં થનાર છે જેમાં. ગુજરાત રાજ્યની હોકી રમતમાં અરવલ્લી જિલ્લાના 5 ખેલાડીનો સમાવેશ થયેલ છે.

હોકી રમતમાં બહેનોમાં કશીશ પટેલ, સાક્ષી કુમારી સિંઘ, પ્રિયા દિવાકર, વૃષ્ટિ પટેલ અને ભાઈઓમાં રૂચિત પટેલ પસંદગી પામ્યા છે. આ 5 ખેલાડી અરવલ્લી જિલ્લાના મોડાસાના વતની છે. આ ખેલાડી છેલ્લા 5 વર્ષથી હોકી મેદાન જિલ્લા કક્ષા સ્પોર્ટ્સ સ્કૂલમાં કોચ શશી દિવાકર જોડે વૈજ્ઞાનિક ઢબે તાલીમ લે છે. આ ખેલાડી છેલ્લા 5 વર્ષથી સવાર સાંજ 6 કલાક નિયમિત હોકીની તાલીમ લે છે.
આ ખેલાડીની તાલીમમાં ફિટનેસ નું પણ ધ્યાન રાખવામાં આવે છે અને અલગથી ફિટનેસ તાલીમ આપવામાં આવે છે.

આશા છે કે ખેલાડીઓની આ મહેનત રંગ લાવશે અને તેઓ જિલ્લા, રાજ્ય અને દેશનું નામ રોશન કરશે. સમગ્ર અરવલ્લી જિલ્લો આ તમામ ખેલાડીઓને હાર્દિક શુભકામનાઓ પાઠવે છે.

રિપોર્ટ:- અર્પણ રાઠોડ (મોડાસા)

ગુજરાતના તમામ જિલ્લા તેમજ તાલુકાઓમાં ઉત્સાહી રિપોર્ટર, ઇન્ફોર્મર, જિલ્લા બ્યુરો તેમજ માર્કેટિંગ મેનેજરની જાહેરાત વિભાગમાં જરૂરત છે.