મોદી અને માતા હીરાબા વિશે સોશિયલ મીડિયામાં અભદ્ર ટિપ્પણી પોસ્ટ કરવાના કેસમાં સિક્કાનો શખ્સ જેલ હવાલે

મોદી અને માતા હીરાબા વિશે સોશિયલ મીડિયામાં અભદ્ર ટિપ્પણી પોસ્ટ કરવાના કેસમાં સિક્કાનો શખ્સ જેલ હવાલે

દેશના પ્રધાનમંત્રી અને તેના માતા અંગે ફેસબુકમાં ગેર શબ્દનો ઉપયોગ કરી સુલેહ શાંતિનો ભંગ થાય તેવી પોસ્ટ સોશિયલ મીડિયામાં વાયરલ કરનાર સિક્કા ગામના શખ્સ સામે ફરિયાદ નોંધી એસ.ઓ.જી.ની ટીમે તેની ધરપકડ કરી લઇ બે દિવસના રિમાન્ડ પર લીધો હતો, જેની રિમાન્ડની મુદત પૂરી થતાં તેને જેલમાં ધકેલી દેવાયો છે, જ્યારે તેના બે મોબાઇલ ફોન કબજે કરી લઈ ગાંધીનગરની ફોરેન્સિક લેબોરેટરીમાં મોકલી દેવાયા છે.

જામનગર તાલુકાના સિક્કા પોલીસ સ્ટેશનમાં ગત ૩૧.૧૨.૨૦૨૦ ના રાત્રીના સમયે સિક્કાના જ એક શખ્સ સામે આઈ.પી.સી. કલમ ૧૨૦(બી), ૧૫૩(ક), ૨૯૨(ર)(ક), ૨૯૪(બ), ૨૯૫(ક), ૨૯૮, ૪૬૯, ૫૦૦, ૫૦૧, ૫૦૪, ૫૦૫(ર) તથા આઇ.ટી એકટ સને ૨૦૦૦ ની કલમ ૬૭ મુજબ નો ગુનો નોંધાયો હતો.

આ ગુનાના આરોપી સિક્કાના અફજલ કાસમભાઈ લાખાણી (ઉ.વ.૪૦) -ધંધો શેરબજાર નો રહે.પંચવટી સોસાયટી, સોઢા સ્કુલની પાસે, હુશેનભાઈ સુંભાણીયાના મકાનમાં, સિકકા ગામ, તા.જી. જામનગર (મુળ રહે જમના કુંડ ચોક, ભાવનગર ) વાળાએ પોતાના ફેસબુકના પેઇઝ ’’ગુજરાત ત્રસ્ત ભાજપા મસ્ત’’ નામના ફેસબુક એકાઉન્ટમા ભારતના વડાપ્રધાન તથા તેઓના માતા વિરૂધ્ધ ગેરશબ્દોનો ઉલ્લેખ કરી, જાહેર સુલેહ શાંતિનો ભંગ થાય તેમજ ઉશ્કેરાટ પેદા થાય તેવા શબ્દો ભાષાનો ઉલ્લેખ કરતી પોસ્ટ મુકી હતી.

જે અંગે ગુનો દાખલ કરાયા પછી એસ.ઓ.જી.ની ટીમે તેની ધરપકડ કરી લીધી હતી, અને અદાલત સમક્ષ રજૂ કરી બે દિવસના રિમાન્ડ પર લીધો હતો. જેની રિમાન્ડની મુદત પૂરી થતાં તેને જેલમાં ધકેલી દેવાયો છે.

ઉપરાંત તેની પાસેથી બે મોબાઈલ ફોન કબજે કરી લેવાયા હતા. જેમાં તેણે મૂકેલી સંખ્યાબંધ પોસ્ટ તથા ફેસબુક એકાઉન્ટ વગેરેની ચકાસણી કરવા માટે બંને મોબાઈલ ફોનને ગાંધીનગરની ફોરેન્સિક લેબોરેટરીમાં મોકલી આપવામાં આવ્યા છે.

રિપોર્ટ : કપિલ મેઠવાણી,જામનગર.

➡ ગુજરાતના તમામ જિલ્લા તેમજ તાલુકાઓમાં ઉત્સાહી રિપોર્ટર, ઇન્ફોર્મર, જિલ્લા બ્યુરો તેમજ માર્કેટિંગ મેનેજરની જાહેરાત વિભાગમાં જરૂરત છે.

વધુ વિગત માટે સંપર્ક :-

➡ વ્યવસ્થાપક (લોકાર્પણ)
વૉટ્સઅપ : 84889 90300