જૂનાગઢ પ્રાદેશિક વાહન વ્યવહાર કચેરી દ્વારા વાહનોના નંબરની નવી સિરીઝ બહાર પાડવામાં આવી
જૂનાગઢ પ્રાદેશિક વાહન વ્યવહાર કચેરી દ્વારા વાહનોના નંબરની નવી સિરીઝ બહાર પાડવામાં આવી
પસંદગીના નંબરો મેળવવા માટે ઓનલાઈન ઈ-ઓકશન યોજાશે
જૂનાગઢ : આર.ટી.ઓ. કચેરી, જૂનાગઢના કાર્યક્ષેત્રના તમામ વાહન માટે નોન ટ્રાન્સપોર્ટમાં ટુ વ્હીલર વાહનોની નવી સિરીઝ GJ-11-CS, ફોર વ્હીલર વાહનોની નવી સિરીઝ GJ-11-CQ તેમજ ટ્રાન્સપોર્ટ વાહનોમાં GJ-11-VV માં બાકી રહેલા નંબરોનું રી-ઓક્શન કરવામાં આવશે.
આ ઈ-ઓકશન પ્રક્રિયામાં ભાગ લેવા માટે રજીસ્ટ્રેશન આગામી તારીખ ૧૭-૦૩-૨૦૨૫ ના રોજ સાંજના ૦૪:૦૦ કલાકે શરૂ થશે અને આગામી તારીખ ૧૯-૦૩-૨૦૨૫ ના રોજ સાંજના ૦૪:૦૦ કલાકે બંધ થશે. પસંદગીના વાહન નંબર મેળવવા માટે ઈ-ઓકશન આગામી તારીખ ૧૯-૦૩-૨૦૨૫ ના રોજ ૦૪:૦૦ કલાકે પ્રારંભ થશે અને તા.૨૧-૦૩-૨૦૨૫ના રોજ સાંજના ૦૪:૦૦ કલાકના પૂર્ણ થશે.
જેમાં ગોલ્ડન નંબર માટે ૧, ૫, ૭, ૯, ૧૧, ૯૯, ૧૧૧, ૩૩૩, ૫૫૫, ૭૭૭, ૭૮૬, ૯૯૯, ૧૧૧૧, ૧૨૩૪, ૨૨૨૨, ૩૩૩૩, ૪૪૪૪, ૫૫૫૫, ૭૭૭૭, ૮૮૮૮, ૯૦૦૦, ૯૦૦૯, ૯૦૯૦, ૯૦૯૯, ૯૯૦૯, ૯૯૯૦ અને ૯૯૯૯ નો સમાવેશ થાય છે. જેમા ટુ-વ્હીલર માટેની ફી રૂ. ૮૦૦૦ તેમજ ફોર વ્હીલર માટેની ફી રૂ. ૪૦,૦૦૦ રહેશે.
સિલ્વર નંબર માટે ૨, ૩, ૪, ૮, ૧૦, ૧૮, ૨૭, ૩૬, ૪૫, ૫૪, ૬૩, ૭૨, ૮૧, ૯૦, ૧૦૦, ૧૨૩, ૨૦૦, ૨૨૨, ૨૩૪, ૩૦૦, ૩૦૩, ૪૦૦, ૪૪૪, ૪૫૬, ૫૦૦, ૫૬૭, ૬૦૦, ૬૭૮, ૭૦૦, ૭૮૯, ૮૦૦, ૮૮૮, ૯૦૦, ૯૦૯, ૧૦૦૦, ૧૦૦૧, ૧૦૦૮, ૧૧૮૮, ૧૮૧૮, ૧૮૮૧, ૨૦૦૦, ૨૩૪૫, ૨૫૦૦, ૨૭૨૭, ૨૭૭૨, ૩૦૦૦, ૩૪૫૬, ૩૬૩૬, ૩૬૬૩, ૪૦૦૦, ૪૪૫૫, ૪૫૪૫, ૪૫૫૪, ૪૫૬૭, ૫૦૦૦, ૫૦૦૫, ૫૪૦૦, ૫૪૪૫, ૫૪૫૪, ૬૦૦૦, ૬૩૩૬, ૬૩૬૩, ૬૭૮૯, ૭૦૦૦, ૭૦૦૭, ૭૨૨૭, ૭૨૭૨, ૮૦૦૦, ૮૦૦૮, ૮૦૫૫, ૮૧૧૮, અને ૮૧૮૧ નો સમાવેશ થાય છે. જેમા ટુ-વ્હીલર માટેની ફી રૂ. ૩૫૦૦ તેમજ ફોર વ્હીલર માટેની ફી રૂ. ૧૫,૦૦૦ રહેશે.
ગોલ્ડન અને સિલ્વર સિરીઝ સિવાયના અન્ય નંબરના વાહનો માટેની ફી જેમાં ટુ-વ્હીલર વાહનો માટેની ફી રૂ. ૨૦૦૦ તેમજ ફોર વ્હીલર વાહનો માટેની ફી રૂ. ૮,૦૦૦ રહેશે.
પસંદગીના નંબર મેળવવા માટે ઇચ્છુક વાહન માલિકોએ તેમના વાહનોનું રજીસ્ટ્રેશન કરાવીને https://fancy.parivahan.gov.in આ વેબસાઇટ પર નોંધણી, યુઝર આઈ.ડી. અને પાસવર્ડની વિગતો ભરીને વાહન વ્યવહાર કમિશ્નરશ્રીની કચેરીના પરિપત્રમાં દર્શાવેલી સૂચનાઓ મુજબ હરાજીની પ્રક્રિયામાં ભાગ લેવાનો રેહશે.
પસંદગીના નંબર મેળવવા માટેની અરજી સેલ ઇન્વોઇસની તારીખ અથવા વીમાની તારીખ એ બેમાંથી એક જે વહેલું હોઈ તે તારીખથી સાત દિવસની અંદર રજૂ કરવાની રહેશે. આવી અરજી અરજી કાર્યની તારીખથી ૬૦ દિવસ સુધી અમલી ગણાશે. આ રીતે ૬૦ દિવસમાં અરજદારશ્રી ચોઇસનો કોઇ નંબર નહીં મેળવે અથવા ઉપલબ્ધ નંબરોમાંથી અરજદારશ્રીને પસંદગીનો નંબર ફાળવી શકાશે નહીં તો અરજી તારીખથી ગણતા ૬૦ મા દિવસે એટલે કે છેલ્લા દિવસે રજિસ્ટરીંગ ઓથોરિટી દ્વારા રેન્ડમ પદ્ધતિથી નંબર ફાળવી દેવામાં આવશે. જેની સામે અરજદારશ્રી કોઇ વાંધો લઇ શકશે નહીં.
અરજદારશ્રીએ હરાજીની પ્રક્રિયા પૂર્ણ થયાના પાંચ દિવસમાં બીડ અમાઉન્ટના નાણા જમા કરાવવાના રહેશે. અરજદારશ્રી જો આ નિયત સમય મર્યાદામાં નાણા ચૂકવવામાં નિષ્ફળ જશે તો મૂળ ભરેલી રકમ (base price) જપ્ત કરી, જે તે નંબરની ફરી વાર હરાજી કરવામાં આવશે.
ઓનલાઇન ઈ ઓક્શન દરમિયાન અરજદારશ્રીએ RBI દ્વારા નક્કી કરેલ દરે ચાર્જ ચૂકવવાનો રહેશે. અસફળ અરજદારશ્રીને રિફંડ માટેની હાલની મેન્યુઅલ પદ્ધતિ પ્રમાણે નાણા પરત કરવાના હોવાથી Net banking, Credit/Debit card થી ચૂકવણું કર્યું હોય તે જ mode થી નાણા અરજદારશ્રીને ખાતામાં SBI-EPay દ્વારા પરત કરવામાં આવશે.
અત્રે જણાવેલ તમામ બાબતોની જુનાગઢ જિલ્લાના સર્વે વાહન માલિકો ખાસ નોંધ લે, તેમ પ્રાદેશિક વાહન વ્યવહાર અધિકારીશ્રીની કચેરી, જુનાગઢની યાદીમાં જણાવવામાં આવ્યું છે.
રિપોર્ટ : અનિષ ગૌદાણા
(આસી.એડિટર)
લોકાર્પણ દૈનિક ન્યૂઝ ગાંધીનગર
સાથે વિવેક ગૌદાણા (માંગરોળ)
➡ ગુજરાતના તમામ જિલ્લા તેમજ તાલુકાઓમાં ઉત્સાહી રિપોર્ટર, ઇન્ફોર્મર, જિલ્લા બ્યુરો તેમજ માર્કેટિંગ મેનેજરની જાહેરાત વિભાગમાં જરૂરત છે.
વધુ વિગત માટે સંપર્ક :-
➡ વ્યવસ્થાપક (લોકાર્પણ)
વૉટ્સઅપ : 84889 90300
