રાધનપુર નગર પાલિકાની સામાન્ય સભા દરમ્યાન મસાલી રોડ ના લોકોની રજૂઆત..

રાધનપુર નગર પાલિકાની સામાન્ય સભા દરમ્યાન મસાલી રોડ ના લોકોની રજૂઆત..

ભક્તિનગરના સંપ સુધી પાઈપ લાઇનના ગેરકાયદેસર કનેક્શનો દૂર કરવા માંગ ઉઠી..

રાધનપુર નગર પાલિકાની બજેટ માટે યોજાયેલ સામાન્ય સભા દરમ્યાન મસાલી રોડ ઉપર ના લોકોએ નગર પાલિકા દ્વારા નાખવામાં આવેલ ભક્તિનગર ના સંપ સુધી પાઈપ લાઇનના ગેરકાયદેસર કનેક્શનો દૂર કરવા લેખિત માંગ કરવામાં આવી હતી. કેટલાક બિલ્ડરો દ્વારા બાંધકામ માટે પ્રજાના પીવાના પાણીની ચોરી કરવામાં આવતી હોવાનું લોકો દ્વારા જણાવવામાં આવ્યું હતુ.
રાધનપુર શહેરના મસાલી રોડ ઉપર ની વીસ થી વધુ સોસાયટીના લોકોને મીઠું પાણી મળી રહે તેના માટે નગર પાલિકા દ્વારા મહેસાણા હાઇવે થી ભક્તિનગર સંપ સુંધી નવીન પાઇપ લાઈન નાખવામાં આવી હતી.પરંતુ મહેસાણા હાઇવે ઉપર નવીન સોસાયટી બનાવતા બિલ્ડર દ્વારા પાઇપ લાઇનમાં ગેર કાયદેસર જોડાણો કરી પાણીની ચોરી કરતા લોકોને પીવાનું પાણી મળતું નથી આ બાબતે પાલિકાના અધિકારી ને રજૂઆતો કરવા છતાં બિલ્ડરો સાથે સાંઠ ગાંઠ ધરાવતા અધિકારી દ્વારા આજ દિન સુધી કોઈ કાર્યવાહી કરવામાં નથી આવી જેને લઈને વિસ્તારના લોકો પાલિકાની સામાન્ય સભા દરમ્યાન રજૂઆત કરવા પહોંચ્યા હતા. પ્રજાને પાણી પૂરૂં પાડવા માટે નાખવામાં આવેલ પાઇપ લાઇન માં બિલ્ડરો દ્વારા ગેર કાયદેસ કનેક્શન કરવામાં આવેલ છે નગર પાલિકા દ્વારા યોગ્ય કાર્યવાહી કરવામાં નહીં આવે તો આદમી સમયમાં આંદોલન કરવામાં. આવશે તેવું રજૂઆત કર્તાએ જણાવ્યું હતુ.

ધારાસભ્ય નું નિવાસસ્થાન હોવા છતાં પાણીના પોકર..
મસાલી રોડ ઉપર ભાજપના ધારાસભ્ય લાવિંગજી ઠાકોર નુ નિવાસ્થાન આવેલું છે છતાં વિસ્તારમાં પીવાનું પાણી લોકોને મળતું નથી પાણીની પાઇપ લાઈનમાં ગેરકાયદેસર પાણીની ચોરી કરતા બિલ્ડરો સામે ધારાસભ્ય પણ મૌન ધારણ કરી ને બેઠા છે જેને લઈને બિલ્ડરો બેફામ બની પ્રજાના પાણીની ખુલ્લેઆમ ચોરી કરી રહ્યા છે.જેને કારણે વિસ્તારના લોકો ને પીવાનું પાણી મળતું નથી લોકને આજે પીવાનું પાણી પૈસા ખર્ચીને ખરીદવું પડે છે.

રિપોર્ટ. અનિલ રામાનુજ પાટણ

➡ ગુજરાતના તમામ જિલ્લા તેમજ તાલુકાઓમાં ઉત્સાહી રિપોર્ટર, ઇન્ફોર્મર, જિલ્લા બ્યુરો તેમજ માર્કેટિંગ મેનેજરની જાહેરાત વિભાગમાં જરૂરત છે.

વધુ વિગત માટે સંપર્ક :-

➡ વ્યવસ્થાપક (લોકાર્પણ)
વૉટ્સઅપ : 84889 90300