જૂનાગઢ : વિદેશી દારૂના ગુન્હાના વોન્ટેડ આરોપીને ઝડપી પડતી પોલીસ
નાસતા ફરતા આરોપીઓને પકડવાની ઝૂંબેશ ના ભાગરૂપે જૂનાગઢ ડિવિઝનના ડીવાયએસપી પ્રદીપસિંહ જાડેજાના માર્ગદર્શન હેઠળ જૂનાગઢ શહેર સી ડિવિઝન પોલીસ સ્ટેશનના પી.એસ.આઈ. બી.એચ. કોરટ તથા સ્ટાફના હે.કો. ભગવાનભાઈ, મેહુલભાઈ, પો.કો. કરણસિંહ, ચેતનસિંહ, કનકસિંહ, રવીન્દ્રસિંહ, ગોવિંદભાઈ, સહિતના સ્ટાફની ટીમ દ્વારા મળેલ ખાનગી બાતમી આધારે ભારતીય બનાવટના વિદેશી દારૂના ગુન્હામાં છેલ્લા દસ મહિના જેટલા સમયથી નાસતો ફરતો વોન્ટેડ આરોપી રામાભાઈ કિશાભાઈ ગરચર જાતે રબારી ઉવ. 25 રહે. સિંધી સોસાયટી, ગાંધીગ્રામ, જૂનાગઢ* ને ગાંધીગ્રામ વિસ્તારમાથી પકડી પાડી, ધરપકડ કરવામાં આવેલ છે.
પકડાયેલ આરોપી રામાભાઈ કિશાભાઈ ગરચર જાતે રબારી ઉવ. 25 રહે. સિંધી સોસાયટી, ગાંધીગ્રામ, જૂનાગઢ સી ડિવિઝન પોલીસ સ્ટેશનના દસેક મહિના પહેલા દાખલ થયેલ ભારતીય બનાવટના વિદેશી દારૂના કેસમાં વોન્ટેડ નાસતો ફરતો હતો. પોલીસ દ્વારા અવાર નવાર તપાસ કરવા છતાં મળી આવતો ના હતો અને પોલીસને હાથતાળી આપી, નાસતો ફરતો હતો. જેને આજ રોજ સી ડિવિઝન પોલીસ દ્વારા પકડી પાડી, ધરપકડ કરવામાં આવેલ છે. પકડાયેલ આરોપીની પૂછપરછ કરવામાં આવતા, પોતે કેશોદ પોલીસ સ્ટેશનના પણ અન્ય એક ભારતીય બનાવટના વિદેશી દારૂના કેસમાં પણ પકડવાનો બાકી હોવાની તેમજ ભૂતકાળમાં મારામારી તથા વિદેશી દારૂના છ જેટલા અડધો ડઝન ગુન્હાઓમાં પકડાયેલ હોવાની પણ કબૂલાત કરવામાં આવેલ છે.
આમ, સી ડિવિઝન પોલીસ દ્વારા બે ભારતીય બનાવટના વિદેશી દારૂના ગુન્હાઓમાં નાસતા ફરતા આરોપીની ધરપકડ કરવામાં આવેલ છે. જૂનાગઢ શહેર સી ડિવિઝન પોલીસ સ્ટેશનના પી.એસ.આઈ. બી.એચ. કોરટ તથા સ્ટાફ દ્વારા પકડાયેલ વોન્ટેડ આરોપી ની વધુ સઘન પૂછપરછ હાથ ધરી, વધુ તપાસ હાથ ધરવામાં આવેલ છે.
રિપોર્ટ : અનિષ ગૌદાણા
લોકાર્પણ દૈનિક ન્યૂઝ
જૂનાગઢ બ્યુરોચીફ
