ડભોઇમાં કોરોનાની રસી ન મળતા યુવાનો રસી મુકાવવા વડોદરા જવા મજબુર

કોરોના ની વેકશીન બાબતે ડભોઇ માં ઉઠી રહેલી બૂમો આરોગ્ય વિભાગ ક્યારે સાંભળશે?સરકાર શ્રી ની જાહેરાત બાદ 45 વર્ષથી નીચેના યુવાનોએ રસી મુકાવવા બાબતે ગજબ નો ઉત્સાહ બતાવ્યો હતો.રસી નો પ્રથમ ડોઝ લિમિટેડ સંખ્યા માં યુવાનો ને આપવામાં આવી હતી.પરંતુ હવે બીજા ડોઝ માટે તેમજ અન્ય રસી મુકાવવા ઇચ્છુક યુવાનો તેમજ વડીલો માટે હાલ ડભોઇ માં રસી નથી મળી રહી અને આરોગ્ય વિભાગ આ પ્રત્યે જરાય ગંભીર હોય તેવું લાગતું નથી. છેલ્લા થોડા દિવસો માં ડભોઇ માં ઓક્સિજન પ્લાન્ટ નું લોકાર્પણ કોન્સન્ટ્રેટર મશીન જેવી અન્ય તબીબી સહાય ઉપલબ્ધ કરવામાં આવી જે ખૂબ જ સારી બાબત છે. પરંતુ હાલ કોરોના ને હરાવવા એક માત્ર ઉપાય વેકશીન છે.

જે ડભોઇના યુવાનોને મળી નથી રહી જેથી અમુક યુવાનો મોટી સંખ્યામાં ડભોઇથી વડોદરા રસી મુકાવવા જઇ રહ્યા છે. ડભોઇના આરોગ્ય વિભાગ માટે આ ખૂબ જ શરમજનક બાબત કહેવાય. ડભોઇના યુવાનોને વડોદરામાં રસી મળી જતી હોય તો ડભોઇ માં કેમ રસીનો અભાવ છે ? ડભોઇનું આરોગ્ય વિભાગ ડભોઇમાં જ રસી મળી રહે એવું આયોજન કેમ નથી કરી રહ્યું?શુ તેઓને ફક્તને ફક્ત લોકાર્પણમાં ફોટા પડાવવા માં જ રસ છે કે પછી તેમના માં મેનેજમેન્ટ નો અભાવ છે. હાલ તો ડભોઇના યુવાઓમાં એક જ બૂમ ઉઠવા પામી છે કે રસીકરણ નું કામ જલ્દીથી ચાલુ થાય અને કોરોના સામે રક્ષણ મેળવવા એક માત્ર ઉપાય રસીકરણ દરેક લોકો સુધી પહોંચે તેવું આયોજન થાય તેવી લોકમાંગ ઉઠવા પામી છે.