સુરત : અઠવાગેટ વિશ્રામ વનિતા કોલેજ ખાતે ડિફેન્સ સેક્રેટરી ડૉ. અજય કુમારે NCC કેડેટ વિદ્યાર્થી ઓની લીધેલ મુલાકાત
સુરત : અઠવાગેટ વિશ્રામ વનિતા કોલેજ ખાતે ડિફેન્સ સેક્રેટરી ડૉ. અજય કુમારે NCC કેડેટ વિદ્યાર્થી ઓની લીધેલ મુલાકાત
. સુરત : અઠવાગેટ વિસ્તારમાં આવેલી વનિતા વિશ્રામ કોલેજના શિવગૌરી હોલ ખાતે ડિફેન્સ સેક્રેટરી ડૉ . અજય કુમારે ૭૦ વિદ્યાર્થીઓ અને ૫૦ વિદ્યાર્થિનીઓ એમ કુલ ૧૨૦ NCC કેડેટસની મુલાકાત લીધી હતી . જે અંગે અમારા સુરત ખાતેના પ્રેસ રિપોર્ટર અરૂણાબેન પંડ્યા દ્વારા જણાવતા આ પ્રસંગે ડિફેન્સ સેક્રેટરીએ જણાવ્યું હતું કે , ‘ કોરોના મહામારી દરમિયાન જરૂરિયાતમંદોને ફૂડ વિતરણ , ફ્રન્ટલાઈન વર્કસને મદદરૂપ થવાની ભાવના સાથે NCC એ કામ કર્યું હતું એ વાતથી ડિફેન્સ સેક્ટર ગર્વ અનુભવે છે . દેશના તમામ નાગરિકોને સમાન અધિકારો મળી શકે એ માટે આપણું શહેર , ગામ , સમાજ અને દેશ સાથે મળીને સર્વાંગી વિકાસ માટે આગળ વધવું જોઈએ .
તેમણે વધુમાં જણાવ્યું હતું કે , ‘ પુનિતસાગર ’ અભિયાન થકી તા . ૩૧ ડિસે . ૨૦૨૧ સુધી NCC કેડેટ્સ દ્વારા મહાસાગરો , નદીઓ અને સમુદ્રકિનારાઓને સ્વચ્છ કરવામાં આવી રહ્યાં છે . બોર્ડર્સ અને કોસ્ટલ ક્ષેત્રમાં ૧૦૦૦ થી વધુ સ્કૂલ – કોલેજોમાં NCC ની શરૂઆત કરવામાં આવી છે . ૧૫ ઓગષ્ટના દિવસે દિલ્હીના વોર મેમોરિયલ ખાતે શ્રદ્ધાંજલિ અપાશે . જેમાં સમગ્ર દેશના શહીદોને ‘ શહીદો કો શત શત નમન ’ પ્રોગ્રામ અંતર્ગત NCC કેડેટ્સ અને ઓફિસર્સ શહીદોના પરિવારોને ટોમીનીયોર પ્લાન્ટ ( પ્રધાનામંત્રીશ્રી દ્વારા સહી કરેલ સન્માનપત્ર ) અર્પણ કરશે . વધુ માં અમારા પ્રેસ રિપોર્ટર અરુણાબેન પંડ્યા એ મુલાકાત દરમિયાન જણાવેલ જે શ્રી અજયકુમારે કેડેટસને માતૃભાષા સિવાય અન્ય એક – બે ભાષાઓ શીખવી જોઈએ તેવો મત વ્યક્ત કર્યો હતો , જેના થકી જ્યારે પણ તેઓ અન્ય કેડેટસને મળે ત્યારે બંને વચ્ચે સન્માન અને આત્મીયતાની ભાવના કેળવાય અને દેશમાં એકતા અને અખંડિતતા જળવાઈ રહેશે . ‘ એનસીસી ફોર સ્ટેચ્યુ ’ કાર્યક્રમ અંતર્ગત દેશના ગૌરવવંતા વીરલાઓની પ્રતિમાનું સન્માન જાળવીએ એમ જણાવી તેમણે યુવાઓએ ટેકનોલોજી થકી ‘ સ્વ ’ નો વિકાસ સાધ્ય કરવો આવશ્યક છે એવો મત વ્યકત કર્યો હતો . આ કાર્યક્રમમાં NCC ગ્રુપ વડોદરા હેડક્વાર્ટરના ગ્રુપ કમાન્ડર શ્રી ડી . એસ . રાવત , NCC ના ઉચ્ચ અધિકારીઓ , આર્મીના અધિકારીઓ અને કેડેટસ ઉપસ્થિત રહ્યા હતા
રિપોર્ટ : અરૂણાબેન પંડ્યા અડાજણ સુરત
