જિલ્લા કોંગ્રેસ મહિલા સમિતિની ગ્રીષ્મા વેકરિયાના હત્યારાને ફાંસી આપવાની માંગ

જિલ્લા કોંગ્રેસ મહિલા સમિતિની ગ્રીષ્મા વેકરિયાના હત્યારાને ફાંસી આપવાની માંગ, ભરૂચના પાંચબત્તી ખાતે વિરોધ પ્રદર્શન યોજાયું

સુરતના કામરેજ તાલુકાના પાસોદરા પાટીયા નજીક એક તરફી પ્રેમમાં પાગલ બનેલા યુવક ફેનિલે જાહેરમાં ગ્રીષ્મા વેકરીયાનું ગળું કાપીને તેને મોતને ઘાટ ઉતારી દીધી હતી, જે હત્યાને લઈ રાજ્યભરમાં વિરોધ કરવામાં આવી રહ્યો છે. ત્યારે ભરૂચ જિલ્લા કોંગ્રેસ મહિલા સમિતિ દ્વારા પાંચબત્તી ખાતે વિરોધ પ્રદર્શન યોજવામાં આવ્યું હતું અને મૃતક યુવતીને કેન્ડલ પ્રજ્જવલિત કરી શ્રદ્ધાંજલિ અર્પણ કરવામાં આવી હતી.
નોંધનીય છે કે હત્યારા સામે કડક રાહે કાર્યવાહી કરી કેસ ફાસ્ટટ્રેક કોર્ટમાં ચલાવી વહેલી તકે હત્યારાને ફાંસીના માંચડે ચઢાવી દેવાની માંગ પણ કરાઈ હતી. આ કાર્યક્રમમાં ભરૂચ જિલ્લા કોંગ્રેસ મહીલા સમિતિના જ્યોતિબેન તડવી અને કાર્યકરો ઉપસ્થિત રહ્યા હતા.
ભરૂચ કલેક્ટર કચેરીમાં આમ આદમી પાર્ટી દ્વારા આવેદનપત્ર આપવામાં આવ્યું…
નોંધનીય છે કે સુરતમાં થયેલી ગ્રીષ્મા વેકરિયા નામની યુવતીની હત્યાની ઘટનાના વિરોધમાં ન્યાયિક માંગણી કરતું આવેદનપત્ર આમ આદમી પાર્ટી દ્વારા કલેક્ટર કચેરીમાં આપવામાં આવ્યું હતું. જેમાં આમ આદમી પાર્ટી ભરૂચના કાર્યકરો ઉપસ્થિત રહ્યા હતા.

રિપોર્ટ : ભાવેશ મુલાણી, બ્યૂરો ચિફ, દક્ષિણ ગુજરાત.

➡ ગુજરાતના તમામ જિલ્લા તેમજ તાલુકાઓમાં ઉત્સાહી રિપોર્ટર, ઇન્ફોર્મર, જિલ્લા બ્યુરો તેમજ માર્કેટિંગ મેનેજરની જાહેરાત વિભાગમાં જરૂરત છે.

વધુ વિગત માટે સંપર્ક :-

➡ અનિષભાઈ ગૌદાણા
વૉટ્સઅપ : 84889 90300
કોલ : 70163 91330

➡️ રસિકભાઈ વેગડા
કોલ : 94265 55756