રાજકોટ માં વોર્ડનં.૧૫ની મુલાકાત દરમ્યાન માહિતી મેળવતા મ્યુનિ.કમિશનરશ્રી અમિત અરોરા.

રાજકોટ માં મહાનગરપાલિકા વોર્ડનં.૧૫ની મુલાકાત દરમ્યાન ટેક્સ વસુલાત, કોવીડ વેક્સીનેશન, જાહેર સ્વચ્છતા, ડ્રેનેજ, પાણી વિતરણ વિગેરેની માહિતી મેળવતા મ્યુનિ. કમિશનરશ્રી અમિત અરોરા.

રાજકોટ માં મહાનગરપાલિકા દ્વારા શહેરને સુવિધા સજ્જ બનાવવા અને શહેરીજનોને ગુણવત્તાયુક્ત સેવાઓ આપી શકાય તે માટે રોજ-બરોજ કરવામાં આવતી કામગીરી વ્યવસ્થિત રીતે ચાલે તેવા આશય સાથે મ્યુનિ. કમિશનરશ્રી અમિત અરોરા દરરોજ એક-એક વોર્ડમાં જઈને વિવિધ કામગીરીની ઓવરઓલ માહિતી મેળવે છે. જેમાં મ્યુનિ. કમિશનરશ્રી અમિત અરોરાએ તા.૧૦-૩-૨૦૨૨ના રોજ વોર્ડનં.૧૫માં વોર્ડ ઓફિસે રૂબરૂ જઈ સંબંધિત તમામ અધિકારીશ્રીઓ પાસેથી સમગ્ર સ્થિતિનો ચિતાર મેળવ્યો હતો. આ જ વોર્ડમાં સૌથી વધારે વોંકળા અને પે એન્ડ યુઝ ટોઇલેટ આવેલા છે. જેમાં ૧૩ વોંકળા અને ૧૪ પે એન્ડ યુઝ ટોઇલેટ આવેલ છે. જેની નિયમિતપણે સ્વચ્છતા જાળવવા સંબંધિત અધિકારીશ્રીને સુચના આપી હતી. શહેરમાં સૌથી વધારે વોંકળા અને પે એન્ડ યુઝ ટોઇલેટ વોર્ડનં.૧૫માં આવેલ છે તેમજ ઇન્ડસ્ટ્રીઝ વિસ્તાર પણ વધારે આવેલ છે. ઇન્ડસ્ટ્રીઝ એરિયામાં પર્સનલ માર્જીન અને ઔદ્યોગિક એકમની સામે સ્વચ્છતા જળવાઈ રહે તેવી વ્યવસ્થા કરવા પણ મ્યુનિ. કમિશનરશ્રીએ સુચન કર્યું હતું તેમજ ટેક્સ વસુલાત માટે ડ્રાઈવ/ઝુંબેશને વેગ આપવા પણ સુચના આપી હતી. મ્યુનિ. કમિશનરશ્રીએ આ વોર્ડમાં કુલ વિસ્તાર, વસતિ, વિવિધ રહેણાંક, ઔદ્યોગિક અને વાણિજ્યિક એરિયા, ટેક્સ વસુલાતની કામગીરી, વોર્ડના તમામ વિસ્તારોની નળ જોડાણો અંગેની સ્થિતિ, જાહેર સ્વચ્છતા, વોંકળા સફાઈ, ડ્રેનેજ, કોવીડ વેક્સીનેશન, ટાઉન પ્લાનિંગ વિભાગ લગત કામગીરી, ઓનલાઈન ઓફલાઇન આવતી ફરિયાદો વગેરે મુદ્દાઓ વિશે અધિકારી પાસેથી માહિતી મેળવી હતી. આ મુલાકાત દરમ્યાન મ્યુનિ. કમિશનરશ્રી અમિત અરોરા સાથે નાયબ મ્યુનિ. કમિશનરશ્રી ચેતન નંદાણી, આસી. કમિશનરશ્રી વી.એસ.પ્રજાપતિ, સિટી એન્જી.શ્રી પી.ડી.અઢીયા, આરોગ્ય અધિકારીશ્રી ડો.જયેશ વકાણી, પી.એ.(ટેક.) ટુ કમિશનરશ્રી રસિક રૈયાણી, પર્યાવરણ ઈજનેરશ્રી નીલેશ પરમાર, નાયબ પર્યાવરણ ઈજનેરશ્રી પ્રજેશ સોલંકી, વોર્ડનં.૧૫ના વોર્ડ ઓફિસરશ્રી હાજર રહ્યા હતા.

રિપોર્ટ : દિલીપ પરમાર રાજકોટ.

➡ ગુજરાતના તમામ જિલ્લા તેમજ તાલુકાઓમાં ઉત્સાહી રિપોર્ટર, ઇન્ફોર્મર, જિલ્લા બ્યુરો તેમજ માર્કેટિંગ મેનેજરની જાહેરાત વિભાગમાં જરૂરત છે.

વધુ વિગત માટે સંપર્ક :-

➡ અનિષભાઈ ગૌદાણા
વૉટ્સઅપ : 84889 90300
કોલ : 70163 91330

➡️ રસિકભાઈ વેગડા
કોલ : 94265 55756