દસ્તાવેજ નોંધ માટે અદ્યતન સુવિધાવાળા gARVI 2.0 વેબ એપ્લિકેશનનો ફરજિયાતપણે ઉપયોગ કરવા સૂચના

દસ્તાવેજ નોંધ માટે અદ્યતન સુવિધાવાળા gARVI 2.0 વેબ એપ્લિકેશનનો ફરજિયાતપણે ઉપયોગ કરવા સૂચના

ટેક્નોલોજીનો મહત્તમ ઉપયોગ થઇ શકે તે હેતુથી gARVI વેબ એપ્લિકેશનને અપગ્રેડ/રીવેમ્પ કરી છે

વિસાવદર સહિત રાજયની ૬ કચરીમાં પાઇલોટ પ્રોજેકટ તરીકે તા.૧-૫-૨૦૨૨થી અમલ કરવા સૂચના અપાઇ

જૂનાગઢ : હાલમાં રાજ્યની સબ રજિસ્ટ્રાર કચેરીઓમાં રજૂ થતા દસ્તાવેજોની નોંધણી તથા તેને આનુંષાંગિક કામગીરી નેશનલ ઇન્ફોર્મેટીક સેન્ટર(NIC) દ્વારા સંચાલિત ગરવી સોફ્ટવેર મારફત થાય છે. હાલના ટેક્નોલોજીના યુગમાં ગરવી સોફ્ટવેરમાં જરૂરી સુધારા-વધારા કરી તેને અપગ્રેડ/રીવેમ્પ કરવું જરૂરી જણાતા અને દસ્તાવેજ નોંધણીની પ્રક્રિયામાં વધુ પારદર્શકતા લાવવા તથા પક્ષકારોનો સમય  બચે, સરકારી સંસાધનોનો યોગ્ય અને ટેક્નોલોજીનો મહત્તમ ઉપયોગ થઇ શકે તે હેતુથી gARVI વેબ એપ્લિકેશનને અપગ્રેડ/રીવેમ્પ કરેલ છે.

સબ રજિસ્ટ્રાર કચેરીમાં આવતા અરજદારો તથા કચેરીના કર્મચારીઓ દ્વારા દસ્તાવેજની નોંધણી તથા તેને આનુષાંગિક તમામ કામગીરી ફરજિયાતપણે અપગ્રેડ/રીવેમ્પ કરેલ gARVI ૨.૦ વેબ એપ્લિકેશનમાં થાય તે અંગે શરૂઆતના તબક્કે સબ રજિસ્ટ્રાર કચેરી ઉપલેટા જી.રાજકોટ, ધનસુરા જી.અરવલ્લી, ઠાસરા જી.ખેડા, વિસાવદર જી.જૂનાગઢ, વિજાપુર જી.મહેસાણા તથા લુણાવાડા જી.મહિસાગર એમ કુલ-૬ કચેરીઓમાં પ્રાયોગિક ધોરણે(પાયલોટ પ્રોજેક્ટ તરીકે) તા.૦૧/૦૫/૨૦૨૨થી અમલ કરવા/કરાવવા જણાવવામાં આવેલ છે.

જેમાં પક્ષકાર પોતાના દસ્તાવેજનો નોંધણી માટે https://garvibeta.gujarat.gov.in  વેબસાઇટ પર Registration મેનુના Citizen Application મેનુ મારફતે અરજદાર વ્યક્તિનો પ્રકાર(દા.ત. Individual, Advocate, Builder, Bank, Deer writer) નામ, સરનામું, મોબાઇલ નંબર, ઇ-મેઇલ આઇ.ડી.પ્રુફ નંબર વગેરે વિગતો દ્વારા લોગિન આઇ.ડી.બનાવવાની રહેશે. પક્ષકાર પોતાના લોગિન આઇ.ડી.થી લોગિન થઇ, તેઓની જરૂરિયાત મુજબ દસ્તાવેજની નોંધણી સંબંધિત તથા અન્ય અરજી કરી શકશે. દસ્તાવેજની નોંધણી માટે Pres-Registration for Document ઉપરથી New registration Application મારફત નવી અરજી કરવાની રહેશે. જરૂરી સૂચનાઓ વાંચી તેની સાથે સહમત થઇ દસ્તાવેજની ભાષા મુજબની ભાષા સિલેક્ટ કરી, દસ્તાવેજનો પ્રકાર, દસ્તાવેજમાં જણાવ્યા મુજબના આપનાર, લેનાર, સંમતિ આપનાર પક્ષકારોની સંખ્યા લખી વિગતો સેવ કરવાની રહેશે

ત્યારબાદ દસ્તાવેજમાં જણાવ્યા મુજબ આપનાર, લેનાર, સંમતિ આપનાર તથા ઓળખાણ આપનાર વ્યક્તિઓના નામ સરનામાની વિગતો ભરી સાચવવાની રહેશે. પક્ષકારોની વિગતો ભર્યા બાદ દસ્તાવેજમાં જણાવ્યા મુજબની મિલકતની વિગતો સેવ કરી સબ રજિસ્ટ્રાર કચેરી સિલેક્ટ કરવાની રહેશે. મિલકતની વિગતો સેવ કરી દસ્તાવેજ રજૂ કરનાર તથા ઓનલાઇન ઇ-પેમેન્ટ કરનાર પક્ષકારની વિગતો સેવ કરી ત્યાર બાદના સ્ટેપમાં અવેજની રકમ, બજાર કિંમત, દસ્તાવેજના પાનાની સંખ્યા વિગેરે વિગતો ભરી રજિસ્ટ્રેશન ફી તથા સ્ટેમ્પ ડ્યુટીનું ઓનલાઇન પેમેન્ટ કરવાનું રહેશે.

પક્ષકારશ્રીઓએ ઓનલાઇન પેમેન્ટ કર્યાબાદ તેની પ્રિન્ટ મેળવી, તેઓની પસંદગી મુજબ ઉપલબ્ધ તારીખ અને સમય ઓનલાઇન મેળવી મેળવેલ તારીખ અને સમય મુજબ સબ રજિસ્ટ્રાર કચેરીમાં જઇ દસ્તાવેજ નોંધણી અર્થે રજૂ કરવાનો રહેશે. અરજદારોએ તમામ વિગતો ઓનલાઇન ભરી ફોર્મ નં.૧ તથા જો કોઇ સુધારો જણાય તો Correction sheet પ્રિન્ટ કરી તેમાં જરૂરી સુધારો કરી અરજદારશ્રીઓની સહી સાથે કચેરીમાં રજૂ કરવાનું રહેશે. ત્યારબાદ, ઓનલાઇન મેળવેલ એપોઇન્ટમેન્ટ અનુસાર પક્ષકાર દ્વારા સંબંધિત સબરજિસ્ટ્રાર કચેરીમાં દસ્તાવેજ રજૂ થયેથી સબ સબરજિસ્ટ્રારશ્રીએ દસ્તાવેજની ચકાસણી કરી નોંધણીની કાર્યવાહી હાથ ધરવાની રહેશે.આ બાબતે વધુ માહિતી સંબંધિત સબરજિસ્ટ્રાર કચેરી, જિલ્લાની નોંધણી નિરીક્ષક કચેરી અને રાજ્યની નોંધણી સર નિરીક્ષકશ્રીની કચેરીમાંથી અથવા gARVI વેબસાઇટ પરથી પણ મેળવી શકાશે. તેમ નોંધણી નિરિક્ષક જૂનાગઢ શ્રી સીંધલની યાદીમાં જણાવાયુ છે.

રિપોર્ટ : અનિષ ગૌદાણા
લોકાર્પણ દૈનિક ન્યૂઝ
આસિ.એડિટર

➡ ગુજરાતના તમામ જિલ્લા તેમજ તાલુકાઓમાં ઉત્સાહી રિપોર્ટર, ઇન્ફોર્મર, જિલ્લા બ્યુરો તેમજ માર્કેટિંગ મેનેજરની જાહેરાત વિભાગમાં જરૂરત છે.

વધુ વિગત માટે સંપર્ક :-

➡ અનિષભાઈ ગૌદાણા
વૉટ્સઅપ : 84889 90300
કોલ : 70163 91330

➡️ રસિકભાઈ વેગડા
કોલ : 94265 55756