આંબેડકર ભવન ખાતે પરંપરાગત વસ્ત્ર પરિધાન ફેશન શો યોજાયો

આંબેડકર ભવન ખાતે પરંપરાગત વસ્ત્ર પરિધાન ફેશન શો યોજાયો

જેમાં ૮૦ થી વધુ મહિલાઓએ ભાગ લીધો

ભરૂચ ના આંબેડકર ભવન ખાતે સંસ્કૃતિ સમાજ સેવા સંસ્થાન ટ્રસ્ટ દ્વારા પરંપરાગત વસ્ત્ર પરિધાન ફેશન શો નું આયોજન કરવામાં આવ્યું હતુ. જેમાં સ્પર્ધકો ના પરિધાન માં ભારત ના વિવિધ રાજ્યોની ઝાંખી જોવા મળી હતી.
ભારતીય સંસ્કૃતિ માં નારી માટે વસ્ત્ર અને શૃંગારનું ઘણુ મહત્વ રહ્યું છે. નારી ની સુંદરતા ભારતીય વસ્ત્રોમાં નીરખી ઉઠે છે. આ ફેશન શો માં ભરૂચ જિલ્લાની ૮૦ થી વધુ મહિલાઓએ ભાગ લીધો હતો. જેમાં વિવિધ રાજ્યોમાં પહેરાતા પરંપરાગત વસ્ત્રો પહેરીને રેમ્પ વોક કર્યું હતુ. સ્પર્ધાના બીજા રાઉન્ડમાં સ્પર્ધકોએ પોતાનો પરિચય આપી જજ દ્વારા પુછાયેલા પ્રશ્નોના જવાબો આપવાના હતા. તેમાં તેમનું નોલેજ અને કોન્ફીડન્સ ચેક કરવામાં આવ્યો હતો. જેમાં નિર્ણાયક તરીકે મિસ વડોદરા બનેલ સપના નકુમ તથા ભરૂચ ના ડાન્સિગ સ્ટાર પાર્થ નિઝામા એ જજ તરીકે ની સેવા આપી હતી. પરંપરાગત વસ્ત્ર પરિધાન ફેશન શો ના આયોજક તથા સંસ્કૃતિ સમાજ સેવા સંસ્થાન ટ્રસ્ટ ના સ્થાપક પ્રકાશ પટેલ અને હેમાબેન પટેલ દ્વારા કાર્યક્રમની શરૂઆત માં સંસ્થાના સેવાકીય કાર્યો નો પરિચય આપ્યો હતો. આ પ્રસંગે જન શિક્ષણ સંસ્થાન ભરૂચ ના ડાયરેક્ટર ઝયનુલ આબેદીન સૈયદ સાહેબ હાજર રહી વિજેતાઓને ટ્રોફી આપી સન્માનિત કર્યા હતા. અતુલ્ય વીર ચેરીટેબલ ટ્રસ્ટના પ્રમુખ અનુરાગ દુબે તથા તેમની ટીમ આ પ્રસંગે હાજર રહી હતી. અસ્મિતા વિકાસ કેન્દ્ર ત્રાલસા સ્કૂલ ના મનો દિવ્યાંગ બાળકો દ્વારા ખુબ સુંદર કૃતિ રજુ કરી સંસ્કૃતિ ટ્રસ્ટ ના બહેનો સાથે રેમ્પ વોક કરી દર્શકોના દિલ જીતી લીધા હતા.

રિપોર્ટ : ભાવેશ મુલાણી, બ્યુરોચીફ, દક્ષિણ ગુજરાત.

➡ ગુજરાતના તમામ જિલ્લા તેમજ તાલુકાઓમાં ઉત્સાહી રિપોર્ટર, ઇન્ફોર્મર, જિલ્લા બ્યુરો તેમજ માર્કેટિંગ મેનેજરની જાહેરાત વિભાગમાં જરૂરત છે.

વધુ વિગત માટે સંપર્ક :-

➡ અનિષભાઈ ગૌદાણા
વૉટ્સઅપ : 84889 90300
કોલ : 70163 91330

➡️ રસિકભાઈ વેગડા
કોલ : 94265 55756