નરારા ટાપુ એ પ્રવાસે આવેલી શાળા ની બસ રસ્તા થી નીચે ખાબકી : સદનસીબે મોટી જાનહાની ટળી

નરારા ટાપુ એ પ્રવાસે આવેલી શાળા ની બસ રસ્તા થી નીચે ખાબકી : સદનસીબે મોટી જાનહાની ટળી

જામનગર લોકાર્પણ : જામનગર જિલ્લાના કાલાવડની શિવહરી વિધાલયના વિધાર્થીઓને નરારા ટાપુ ખાતે એક દિવસીય પ્રવાસ અર્થે લઇ જવામાં આવી રહયા હતા જે વેળાએ ખંભાળિયાના વાડીનાર પાસે કંડલા પોર્ટની જેટી નજીક બસ પલટી મારી જતા ભારે દેકારા સાથે દોડધામ મચી હતી.જેની અંદર રહેલા વિધાર્થીઓને સામાન્ય ઇજા પહોચતા સ્થાનિક હોસ્પીટલ ખસેડાયા હતા જે પૈકી ચાર વિધાર્થીનીઓને વધુ સારવાર માટે જામનગર ખસેડાઇ હતી.સદનશીબે કોઇ મોટી ઇજા કે જાનહાની થઇ ન હતી.

કાલાવડમાં આવેલા શિવહરી વિધાલયના લગભગ 35 બાળકોને એક દિવસીય પ્રવાસ અર્થે ખંભાળિયા નજીક વાડીનાર પાસે નરારા ટાપુ ખાતે ખાનગી બસ મારફતે લઇ જવામાં આવી રહયા હતા જે વેળાએ વાડીનાર નજીક કંડલા પોર્ટની જેટી પાસે ચાલકે અચાનક કાબુ ગુમાવતા બસ રોડ પરથી નીચે ઉતરી જઇ પલટી મારી જતા અકસ્માત સર્જાયો હતો.

જે અકસ્માતના પગલે ભારે દેકારા સાથે દોડધામ મચી જવા પામી હતી.જે અકસ્માતની જાણ થતા જ આજુબાજુના સ્થાનિક લોકો પણ દોડી આવ્યા હતા અને ઇજાગ્રસ્ત બાળકોને બહાર કાઢયા હતા.જયારે તાકિદે સામાન્ય ઇજાગ્રસ્ત બાળકોને એમ્બ્યુલન્સ મારફતે તાત્કાલિક સ્થાનિક હોસ્પીટલમાં સારવાર અર્થે લઇ જવાયા હતા.જયારે આ પૈકી ચારેક વિધાર્થીનીઓને વધુ સારવાર જામનગરની હોસ્પીટલમાં ખસેડાયા હતા. સદનશીબે કોઇ મોટી ઇજાઓ કે જાન હાની થઇ ન હતી.

રિપોર્ટ : કપિલ મેઠવાણી,જામનગર.

➡ ગુજરાતના તમામ જિલ્લા તેમજ તાલુકાઓમાં ઉત્સાહી રિપોર્ટર, ઇન્ફોર્મર, જિલ્લા બ્યુરો તેમજ માર્કેટિંગ મેનેજરની જાહેરાત વિભાગમાં જરૂરત છે.

વધુ વિગત માટે સંપર્ક :-

➡ અનિષભાઈ ગૌદાણા
વૉટ્સઅપ : 84889 90300
કોલ : 70163 91330

➡️ રસિકભાઈ વેગડા
કોલ : 94265 55756