અમરેલી જિલ્લા વિધાનસભા સામાન્ય ચૂંટણી- ૨૦૨૨ના હિસાબમેળ અંગેની બેઠક યોજાઈ

ખર્ચ ઓબ્ઝર્વરશ્રી રામક્રિષ્ન કેડિયા અને શ્રી ગુંજનકુમાર વર્માના અધ્યક્ષ સ્થાને અમરેલી જિલ્લા વિધાનસભા સામાન્ય ચૂંટણી- ૨૦૨૨ના હિસાબમેળ અંગેની બેઠક યોજાઈ

રાજ્યમાં તાજેતરમાં સમાપ્ત થયેલી વિધાનસભા સામાન્ય ચૂંટણી-૨૦૨૨ના પરિણામ જાહેર થયા બાદ ચૂંટણી પંચના નિયમ મુજબ ૩૦ દિવસની વૈધાનિક સમય મર્યાદામાં ઉમેદવારે ચૂંટણી ખર્ચના હિસાબો રજૂ કરવાના હોય છે. આ કડીના ભાગરુપે ઉમેદવારો દ્વારા રજૂ કરવામાં આવેલા હિસાબો અંતર્ગત અમરેલી જિલ્લા કલેક્ટર કચેરી ખાતે હિસાબમેળ અંગેની બેઠક યોજાઈ હતી.
વિધાનસભા સામાન્ય ચૂંટણી-૨૦૨૨ દરમિયાન ફરજ બજાવી ચૂકેલા ખર્ચ ઓબ્ઝર્વરશ્રી રામક્રિષ્ન કેડિયા અને શ્રી ગુંજનકુમાર વર્માના અધ્યક્ષ સ્થાને યોજાયેલી હિસાબમેળ બેઠકમાં ઉમેદવારો વતી ચૂંટણી એજન્ટશ્રીઓ ઉપસ્થિત રહ્યા હતા. આ બેઠકમાં વિવિધ વિધાનસભાના ખર્ચ પત્રકોની વિગતો રજૂ કરવામાં આવી હતી. જે ઉમેદવારોના ખર્ચ પત્રકો જમા કરવામાં આવ્યા હતા. તેમને જિલ્લા ચૂંટણી તંત્ર દ્વારા પાવતી આપવામાં આવી હતી. આ બેઠકમાં ઈન્ચાર્જ કલેક્ટરશ્રી દિનેશ ગુરવ અને નાયબ જિલ્લા ચૂંટણી અધિકારીશ્રી વિજય પટણી તથા ચૂંટણી ફરજ પર રોકાયેલ અધિકારી – કર્મચારીશ્રીઓ ઉપસ્થિત રહ્યા હતા.

➡ ગુજરાતના તમામ જિલ્લા તેમજ તાલુકાઓમાં ઉત્સાહી રિપોર્ટર, ઇન્ફોર્મર, જિલ્લા બ્યુરો તેમજ માર્કેટિંગ મેનેજરની જાહેરાત વિભાગમાં જરૂરત છે.

વધુ વિગત માટે સંપર્ક :-

➡ વ્યવસ્થાપક (લોકાર્પણ)
વૉટ્સઅપ : 84889 90300