આઇ.ટી.આઇ./ડિપ્લોમા કે ટેકનીકલ સ્નાતકની શૈક્ષણિક લાયકાત ધરાવનાર રોજગાર ઇચ્છુકો કેશોદ ખાતે ભરતી મેળો યોજાશે

આઇ.ટી.આઇ./ડિપ્લોમા કે ટેકનીકલ સ્નાતકની શૈક્ષણિક લાયકાત ધરાવનાર રોજગાર ઇચ્છુકો કેશોદ ખાતે ભરતી મેળો યોજાશે

બોમ્બે ઓર્થો ઇન્ડ્સ્ટ્રીઝ રાજકોટ તથા મુંદ્રા સોલાર ટેકનોલોજી(અદાણી સોલાર) એચ.આર. ટેલેન્ટ સોલ્યુશન પ્રા.લી.ના કરાર પર મુંદ્રા ખાતે ખાલી પડેલ વિવિધ જગ્યાઓ માટે ૧૮ થી ૪૫ ઉંમરના અરજી કરી શકશે

જૂનાગઢ : જૂનાગઢ જિલ્લાનાં ઉત્સાહી અને ઉર્જાવાન રોજગાર ઇચ્છુકોને રોજગારીનો ઉમદા અવસર પ્રાપ્ય થાય તેવા હેતુસર ખાનગી ક્ષેત્રના અગ્રગણ્ય એકમ બોમ્બે ઓર્થો ઇન્ડ્સ્ટ્રીઝ રાજકોટ તથા મુંદ્રા સોલાર ટેકનોલોજી(અદાણી સોલાર) એચ.આર. ટેલેન્ટ સોલ્યુશન પ્રા.લી. ના કરાર પર મુંદ્રા ખાતે ખાલી પડેલ વિવિધ જગ્યાઓ માટે ૧૮ થી ૪૫ વર્ષની વયમર્યાદા તેમજ ખાલી જગ્યાને અનુરૂપ આઇ.ટી.આઇ./ ડિપ્લોમા કે ટેકનીકલ સ્નાતકની શૈક્ષણિક લાયકાત ધરાવનાર રોજગાર ઇચ્છુકો માટે અનુબંધમ વેબપોર્ટલના માધ્યમથી ભરતીમેળાનું આયોજન જિલ્લા રોજગાર વિનિમય કચેરી જૂનાગઢ તથા આઇ.ટી.આઇ. કેશોદના સંયુક્ત ઉપક્રમે આઇ.ટી.આઇ. કેમ્પસ, કેશોદ ખાતે તા.૨૧/૦૯/૨૦૨૩ના રોજ સવારે ૧૦:૩૦ કલાકે કરવામાં આવેલ છે.

પ્રસ્તુત ભરતીમેળામાં ભાગ લેવા હેતુસર રોજગાર ઇચ્છુકોએ શૈક્ષણિક લાયકાતનાં પ્રમાણપત્રો તેમજ જરૂરી દસ્તાવેજો સાથે  ભરતીમેળા સ્થળ પર ઉપસ્થિત થવાનું રહેશે. અનુબંધમ પોર્ટલ પર જોબસીકર તરીકે નોંધણી કરાવવી ફરજિયાત છે. અનુબંધમ પોર્ટલ પર જોબસીકર માટેની રજીસ્ટ્રેશન લીંક https://anubandham.gujarat.gov.in/account/signup પરથી નોંધણી કરવાની રહેશે. નોંધણી થયા બાદ પોર્ટલ પર લોગ ઇન કરીને પોર્ટલ પર જોબફેર મેનુમાં ક્લીક કરી જરૂરી વિગત ભર્યા બાદ જોબફેરમાં ભાગ લઈ શકાશે. વધુ માહિતી અને માર્ગદર્શન માટે કચેરી સમય દરમિયાન જિલ્લા રોજગાર વિનિમય કચેરી, જૂનાગઢ ના ટેલીફોન નંબર ૦૨૮૫૨૬૨૦૧૩૯ મારફત સંપર્ક કરવા જણાવવામાં આવે છે.

રિપોર્ટ : અનિષ ગૌદાણા
(આસી.એડિટર)
લોકાર્પણ દૈનિક ન્યૂઝ ગાંધીનગર
સાથે વિવેક ગૌદાણા (માંગરોળ)

➡ ગુજરાતના તમામ જિલ્લા તેમજ તાલુકાઓમાં ઉત્સાહી રિપોર્ટર, ઇન્ફોર્મર, જિલ્લા બ્યુરો તેમજ માર્કેટિંગ મેનેજરની જાહેરાત વિભાગમાં જરૂરત છે.

વધુ વિગત માટે સંપર્ક :-

➡ વ્યવસ્થાપક (લોકાર્પણ)
વૉટ્સઅપ : 84889 90300