ધાનેરા વિધાનસભા બેઠક માટે નથાભાઈ પટેલે ઉમેદવારી પત્ર ભર્યું

ગુજરાતમાં વિધાનસભા ચૂંટણીઓના બ્યુગલ વાગી ગયા છે. તો હવે વિધાનસભા ચૂંટણીના ગણતરીના દિવસો બાકી છે. તો દરેક પાર્ટી એ પોતાના ઉમેદવાર પણ જાહેર કરતાગત રોજ ધાનેરા વિધાનસભા ઉમેદવારી ફોર્મ ભરવા માટે ઉમેદવારો પહોંચ્યા હતા. આજે ધાનેરા 09 વિધાનસભા કોંગ્રેસના ઉમેદવાર નથાભાઈ પટેલ ઉમેદવારી પત્ર ભરવા મામલતદાર કચેરી ખાતે પહોંચ્યા હતા. કોંગ્રેસના ઉમેદવાર નથાભાઈ પટેલ ઉમેદવારી પત્ર ભરવા પહેલા જાહેર જનસભા કરી હતી. કોંગ્રેસની ધાનેરા વિધાનસભામાં કરેલી આ જનસભામાં મોટી સંખ્યામાં જિલ્લાના હોદ્દેદારો અને કાર્યકર્તાઓ હાજર રહ્યા હતા. તો જીતના વિશ્વાસ સાથે સમર્થકોએ જય ઘોષના નારા લગાવ્યા હતા.

ધાનેરામાં જાહેર જન સભા સંબોધ્યા બાદ કોંગ્રેસના ધાનેરા 09 વિધાનસભાના ઉમેદવાર નથાભાઈ પટેલ ઉમેદવારી પત્રો ભરવા પહોંચ્યા હતા. ધાનેરાના મામલતદાર કચેરી ખાતે નથાભાઈ પટેલ ઉમેદવારી પત્ર નોંધાવતા નથાભાઈ પટેલ સાથે મોટી સંખ્યામાં સમર્થકોએ ભાગ લીધો હતો. નથાભાઈ પટેલને ફરી એકવાર કોંગ્રેસ પાર્ટી એ વિશ્વાસ મૂકી ટિકિટ આપી ધાનેરા 09 વિધાનસભામાં એક ટર્મથી વિજેતા કોંગ્રેસના ઉમેદવાર નથાભાઈ પટેલને ફરી એકવાર કોંગ્રેસ પાર્ટીએ વિશ્વાસ મૂકી ટિકિટ આપી છે. ધાનેરા વિધાનસભા બેઠક પર નથાભાઈ પટેલને અનેકો વિકાસ કર્યાના વખાણ કરી જાહેર જનતાને જંગી બહુમતી જીતાવવાની અપીલ કરી હતી. તો નથાભાઈ પટેલે જણાવ્યું હતું કે ધાનેરા તાલુકામાં જનતા કોંગ્રેસ પાર્ટી પર વિશ્વાસ મૂકતી આવી છે અને આગળ પણ વિશ્વાસ રાખશે.

રિપોર્ટ :- તુલસી બોધુ, ધાનેરા
(લોકાર્પણ દૈનિક, બનાસકાંઠા)