અરવલ્લી જિલ્લામાં મહા મહિનામાં કમોસમી માવઠું, લગ્નોની ભરમાર વચ્ચે વરસાદની એન્ટ્રીથી ચિંતા

અરવલ્લી જિલ્લામાં સવારથી જ વાદળછાયા વાતાવરણથી ચોમાસા જેવો માહોલ છવાયો હતો. સવારે અને બપોરે 4 વાગ્યા ના અરસામાં જિલ્લાના કેટલાક વિસ્તારોમાં કમોસમી વરસાદ થતાં ઠંડી વધુ તીવ્ર બની હતી. તેમજ ધરતીપુત્રોમાં ચિંતાના વાદળો ઘેરાયા છે. આગામી દિવસોમાં શિયાળો પકડ જમાવશે તેમ લાગી રહ્યુ છે.
ઠંડીના ચમકારા વચ્ચે ચોમાસા જેવો માહોલ
સમગ્ર ગુજરાતમાં ઠંડીનો ચમકારો વર્તાઇ રહ્યો છે. ત્યારે હવામાન વિભાગે રાજ્યમાં કમોસમી માવઠું થવાની આગાહી કરી હતી. તે પ્રમાણે રાજ્યમાં કેટલાક વિસ્તારોમાં વરસાદ વરસ્યો હતો. તેવી જ રીતે અરવલ્લી જિલ્લામાં ગત રાતથી જ ઠંડી વધી ગઇ હતી અને સવારથી જ વાદળછાયા વાતાવરણ સાથે ચોમાસા જેવો માહોલ સર્જાયાો હતો.ગમે ત્યારે વરસાદ વરસે તેમ લાગતું હતું.

તેવા સમયે જિલ્લાના મોડાસા તાલુકામાં સૌ પ્રથમ વરસાદ શરુ થયો હતો. ત્યારબાદ ધનસુરા પંથકમાં પણ હળવો વરસાદ વરસ્યો હતો. કમોસમી માવઠું થતાં લોકો ઠુંઠવાઇ રહ્યા છે. જિલ્લાના અન્ય વિસ્તારોમાં પણ મહા મહિનામાં અષાઢી માહોલ સર્જાતા ભારે આશ્ચર્ય ફેલાયુ છે. આગામી દિવસોમાં વરસાદને કારણે કડકડતી ઠંડી પડશે તેમ લાગી રહ્યુ છે.

ભરપુર લગ્નોની મોસમ વચ્ચે ઋતુએ રંગ બદલતા ચિંતા

અરવલ્લી સહિત સમગ્ર જિલ્લામાં લગ્નસરાની મોસમ પૂર બહારમાં ખીલી છે ત્યારે ઋતુએ પોતાનો રંગ એકાએક જ બદલી દેતાં સંબંધિત પરિવારોમાં પણ ચિંતા ઘેરી બની છે. વરસાદની એન્ટ્રીથી વરઘોડિયાની મઝા મોળી બનવાની સંભાવનાઓ દેખાઈ રહી છે

આ વરસાદ થી ખેડૂતો ઉપરાંત વેપારીઓ પણ વિમાસણમાં મુકાઇ ગયા છે.

રીપોર્ટ,મનોજ રાવલ ધનસુરા

➡ ગુજરાતના તમામ જિલ્લા તેમજ તાલુકાઓમાં ઉત્સાહી રિપોર્ટર, ઇન્ફોર્મર, જિલ્લા બ્યુરો તેમજ માર્કેટિંગ મેનેજરની જાહેરાત વિભાગમાં જરૂરત છે.

વધુ વિગત માટે સંપર્ક :-

➡ વ્યવસ્થાપક (લોકાર્પણ)
વૉટ્સઅપ : 84889 90300