ભારત સરકારનાં એનીમલ વેલ્ફેર બોર્ડ ગુજરાતનાં તમામ કલેકટરશ્રી સાથે સંપર્કમાં

ભારત સરકારનાં એનીમલ વેલ્ફેર બોર્ડ ગુજરાતનાં તમામ કલેકટરશ્રી સાથે સંપર્કમાં, બોર્ડનાં માનદ અધિકારીઓ પશુ, પક્ષીઓને બચાવવા તંત્રને સહાયભૂત થશે.

રાજકોટ અત્યંત તીવ્ર ચક્રવાત “બિપરજોય” બુધવાર અથવા ગુરુવાર સુધીમાં ગુજરાતના સૌરાષ્ટ્ર અને કચ્છ પ્રદેશોને પાર કરે તેવી અપેક્ષા છે ત્યારે ભારત સરકારનાં એનીમલ વેલ્ફેર બોર્ડ દ્વારા એવું અવલોકન કરવામાં આવ્યું છે કે હજારો પશુ, પક્ષી, પ્રાણીઓ અને મનુષ્યોના જીવનને તેમના જીવન અને સંપત્તિના અણધાર્યા વિનાશના જોખમનો સામનો કરવો પડી શકે છે. ચક્રવાત બિપરજોય ખાસ કરીને ગુજરાતના દરિયા કિનારે આવેલા શહેરોમાં જમીનના વિશાળ વિસ્તારો, રોડ/પરિવહન સુવિધાઓ/વીજળી વગેરેને ભારે નુકસાન પહોંચાડશે. તેથી, તે સમજી શકાય છે કે ચક્રવાતથી પ્રભાવિત વિસ્તારોમાં પીડિત અને અસરગ્રસ્ત પ્રાણીઓને દવાઓ, ખોરાક, આશ્રય અને પાણી આપીને તાત્કાલિક મદદ કરવાની જરૂર પડી શકે છે. ભારત સરકારનાં એનીમલ વેલ્ફેર બોર્ડ ગુજરાતનાં કલેકટરશ્રી સાથે સંપર્કમાં રહેશે અને બોર્ડનાં માનદ અધિકારીઓ પશુ, પક્ષીઓને બચાવવા તંત્રને સહાયભૂત થશે તેમ ભારત સરકારનાં પ્રેસ અને પબ્લિકેશન કમિટીનાં સભ્ય મિત્તલ ખેતાણીની યાદીમાં જણાવાયું છે.

રિપોર્ટ નટવરલાલ જે ભાતિયા

➡ ગુજરાતના તમામ જિલ્લા તેમજ તાલુકાઓમાં ઉત્સાહી રિપોર્ટર, ઇન્ફોર્મર, જિલ્લા બ્યુરો તેમજ માર્કેટિંગ મેનેજરની જાહેરાત વિભાગમાં જરૂરત છે.

વધુ વિગત માટે સંપર્ક :-

➡ વ્યવસ્થાપક (લોકાર્પણ)
વૉટ્સઅપ : 84889 90300