વિજય માલ્યાની સંપત્તિ જપ્તીને રોક લગાવતી અરજી બોમ્બે હાઇકોર્ટે ફગાવી
મુંબઇ,
દેશનાં નાણાં લઇને ભાગી ગયેલા વિજય માલ્યાની સંપત્તિને લઇને બોમ્બે હાઈકોર્ટે તેને એક મોટો ફટકો આપ્યો છે. બોમ્બે હાઈકોર્ટે એક એવી અરજીને ફગાવી દીધી છે જે ભાગેડૂ વિજય માલ્યાની સંપત્તિની જપ્તીને પ્રતિબંધિત કરે છે. વિજય માલ્યાએ સરકારી એજન્સીઓને તેમની મિલકત કબજે કરવાની પ્રક્રિયા અટકાવવાની માંગ કરી હતી. બોમ્બે હાઇકોર્ટે વિજય માલ્યાને કોઈ પણ રાહત આપવાનો ઇનકાર કર્યો હતો. માલ્યાએ ૫ જાન્યુઆરીનાં રોજ મની લોન્ડરિંગ એક્ટ (પીએમએલએ) કોર્ટનાં એક આદેશને હાઈકોર્ટમાં પડકાર આપ્યો હતો, જેમાં એફઇઓ એક્ટ હેઠળ એક ભ્રષ્ટ આર્થિક દોષી જાહેર કરવાનો આદેશ આપવામાં આવ્યો હતો. એક્ટની જાગવાઈઓ અનુસાર, વ્યકિતને ભાગેડૂ જાહેર કર્યા પછી, તેમની મિલકત ફરિયાદ એજન્સી, ઇડી (ઇડી) દ્વારા જપ્ત કરી શકાય છે. આ પહેલા ૨ જૂલાઈનાં રોજ લંડનનાં રોયલ કોર્ટ ઓફ જસ્ટીસે વિજય માલ્યાનાં પ્રત્યાર્પણનાં વિરૂદ્ધની અરજી મંજૂર કરી હતી. વિજય માલ્યાએ બ્રિટનમાં થોડો સમય વધારે રહેવાની માંગ પર અરજી દાખલ કરી હતી.
