મચ્છુ- ૨ ડેમ ૮૦ ટકા ભરાઈ ગયો, મોરબી અને માળિયા તાલુકાના ૩૨ ગામોને એલર્ટ

મોરબી : મોરબી શહેરની જીવાદોરી સમાન મચ્છુ ૨ ડેમમાં ઉપરવાસની આવકને પગલે ડેમ ૮૦ ટકા ભરાઈ ગયો છે અને આવક વધતા ડેમના દરવાજા ગમે ત્યારે ખોલવામાં આવશે જેથી ડેમની હેઠવાસમાં આવતા મોરબી અને માળિયા તાલુકાના ૩૨ ગામોને એલર્ટ આપવામાં આવ્યું છે
મોરબી ડેમ વિભાગના અધિકારીની અખબારી યાદી જણાવે છે કે મચ્છુ ૨ ડેમ નિર્ધારિત સપાટીએ ૮૦ ટકા ભરાઈ ગયો છે જેથી હેઠવાસમાં આવતા મોરબી અને માળિયા તાલુકાના ગામના લોકોએ નદીના પટમાં અવરજવર ના કરવી અને સાવચેત રહેવા સુચના આપવામાં આવી છે

મોરબી અને માળિયા તાલુકાના ૩૨ ગામોને એલર્ટ
મોરબી તાલુકાના અમરેલી, ભડિયાદ, ધરમપુર, ગોર ખીજડીયા, ગુંગણ, જોધપુર, જુના સાદુળકા, લીલાપર, પાનસર, મોરબી, નારણકા, નવા સાદુળકા, રવાપર (નદી), રવાપર, ટીંબડી, વનાળીયા, વજેપર, બહાદુરગઢ, દેરાળા, ફાટસર, હરીપર, જુના નાગડાવાસ અને મહેન્દ્રગઢ
માળિયા તાલુકાના માળિયા મિયાણા, મેઘપર, નવાગામ, નવા નાગડાવાસ, રાસંગપર, સોખડા, વિરવિદરકા, ફતેપર અને અમરનગર સહિતના ગામોને એલર્ટ આપવામાં આવ્યું છે

રીપોર્ટ :- જનક રાજા, મોરબી