ડભોઇ તાલુકા ના ભીલાપુર પાસે ફોર વ્હીલર ગાડી અને બાઈક વચ્ચે અકસ્માત

ડભોઇ તાલુકા ના ભીલાપુર પાસે ફોર વ્હીલર ગાડી અને બાઈક વચ્ચે અકસ્માત- બાઈક ચાલકનું ઘટના સ્થળે મોત

ડભોઇ -વડોદરા હાઈવે ઉપર ભીલાપુર નજીક માહી હોટલની સામે બાઈક ચાલક અને ફોર વ્હીલર ગાડી ભયંકર અકસ્માત સર્જાયો હતો. જેમાં બાઈક ચાલકનું ઘટનાસ્થળે કમકમાટીભર્યું મોત નીપજયું હતું.
ડભોઇ – વડોદરા રોડ ઉપર રાત્રીના સમયે બાઈક ચાલક રઝાકભાઈ રસુલભાઇ ગરાસીયા રહે. મહંમદપુરા, કુનઢેલા કે, જેઓ પોતાની પલ્સર બાઈક જી.જે -૦૬ એમ એફ – ૧૯૦૮ લઈ થુવાવી ગામેથી કડિયા કામ કરી પોતાના ઘરે પરત ફરી રહ્યા હતા તે સમય દરમિયાન પાછળથી એક ફોર વ્હીલર ગાડી જેનો નંબર જી.જે.૦૬ – પી.જી. – ૭૪૨૨ એ પાછળથી અથાડી અકસ્માત કરી તેનો ચાલક ભાગી છૂટ્યો હતો. આ અકસ્માત અંગેની જાણ રઝાકભાઈના મોટાભાઈના મિત્રએ ટેલિફોનિક દ્રારા કરતા તેઓના મોટાભાઈ પોતાની સ્વીફટ ગાડી લઈને તાત્કાલિક ઘટનાસ્થળે પહોંચી ગયા હતા અને સ્થળ ઉપર જોતા રઝાકભાઈને માથામાંથી બહુ લોહી નીકળતું હતું અને શરીરે ઈજાઓ થઈ હતી. તેમજ તેઓની બાઈક રોડની ડાબી બાજુ પડી હતી. તેઓએ તાત્કાલિક પોતાના ભાઈ રઝાકભાઈને સ્વીફ્ટ કારમાં સુવાડી વડોદરા એસ.એસ.જી હોસ્પિટલ ખાતે સારવાર અર્થે લઇ ગયા હતા. પરંતુ ડૉક્ટર દ્વારા તપાસ કરતા તેઓનું મૃત્યુ થયું છે તેમ જાહેર કરેલ. જેથી રઝાકભાઈ રસુલભાઈના મોટાભાઈ રફીકભાઈ રસુલભાઈએ આ અંગે ડભોઈ પોલીસ સ્ટેશનમાં ફરીયાદ નોંધાવી છે. જેથી અકસ્માત સર્જી સ્થળ ઉપરથી ફરાર થઇ જનાર ફોર વ્હીલર ગાડીના ચાલકને શોધના ચક્રો ડભોઇ પોલીસે ગતિમાન કર્યા છે.
રિપોર્ટ :- ચિરાગ (રાજુ ઘેટી)

➡ ગુજરાતના તમામ જિલ્લા તેમજ તાલુકાઓમાં ઉત્સાહી રિપોર્ટર, ઇન્ફોર્મર, જિલ્લા બ્યુરો તેમજ માર્કેટિંગ મેનેજરની જાહેરાત વિભાગમાં જરૂરત છે.

વધુ વિગત માટે સંપર્ક :-

➡ અનિષભાઈ ગૌદાણા
વૉટ્સઅપ : 84889 90300
કોલ : 70163 91330

➡️ રસિકભાઈ વેગડા
કોલ : 94265 55756