“ગોકુલમ્” નામના લાઈવ વેબિનાર સિરીઝમાં 5 માં વેબીનારનું આયોજન

ગ્લોબલ કન્ફેડરેશન ઓફ કાઉ બેઝ્ડ ઈન્ડસ્ટ્રી (જી.સી.સી.આઇ.) દ્વારા “ગોકુલમ્” નામના લાઈવ વેબિનાર સિરીઝમાં 5 માં વેબીનારનું આયોજન.

ભારતનાં ગૌક્રેટ અને વૈદિક પ્લાસ્ટરનાં ઈનોવેટર ડૉ. શિવ દર્શન મલિક માર્ગદર્શન આપશે.

વિશ્વમાં પ્રથમ વખત ગ્લોબલ કન્ફેડરેશન ઓફ કાઉ બેઝ્ડ ઈન્ડસ્ટ્રી (જી.સી.સી.આઇ.) ગૌ સંવર્ધન પર આધારિત એક કાર્યક્રમ અને ગૌ આધારિત જીવન અને અર્થવ્યવસ્થાને સમર્પિત વ્યક્તિત્વ સાથેના સંવાદોની શ્રેણી તરીકે લાઈવ વેબિનાર ‘ગોકુલમ’ સિરીઝનું આયોજન થયું છે. આ વેબિનાર સિરીઝ ગૌ સંવર્ધન, ગૌ રક્ષણ , ગૌ આધારિત અર્થ વયસ્થાના પુન:નિર્માણ પર ધ્યાન કેન્દ્રિત કરે છે. આ મહત્ત્વપૂર્ણ વેબિનાર હેઠળ, ગૌ સંવર્ધન અને ગૌ આધારિત જીવન અને અર્થવ્યવસ્થા પર નિષ્ણાંત, રાષ્ટ્રીય, આંતર રાષ્ટ્રીય વક્તાઓ માર્ગદર્શન આપે છે.
“ગોકુલમ્- 5” માં ભારતનાં ગૌક્રેટ અને વૈદિક પ્લાસ્ટરનાં ઈનોવેટર ડૉ. શિવ દર્શન મલિક ‘ગાયના છાણના પ્લાસ્ટર અને ગૌક્રેટનો ઉપયોગ કરીને ઇકો ફ્રેન્ડલી ઘરો કઈ રીતે બનાવવા’ એ વિષય પર માર્ગદર્શન આપશે. ડૉ. મલિકે ઇકો-ફ્રેન્ડલી બિલ્ડિંગ પ્રોડક્ટ્સ- વેદિક પ્લાસ્ટર, ગૌક્રેટ ઇંટો અને ગાયના છાણ, લીમડાના પાંદડા, માટી, ક્લસ્ટર બીન્સ, ચૂનાના પત્થર અને અન્ય કુદરતી સામગ્રીનો ઉપયોગ કરીને કુદરતી પેઇન્ટની શોધ કરી છે. આ ઉત્પાદનો કાર્બન-નેગેટિવ છે અને આસપાસના તાપમાનને 7 ડિગ્રી સેલ્સિયસ ઘટાડવાની અપાર ક્ષમતા ધરાવે છે. ડો. મલિક દ્વારા બનાવેલ પ્લાસ્ટર ઇન્સ્યુલેટર તરીકે કામ કરે છે અને શિયાળાના મહિનાઓમાં ઘરને ગરમ રાખે છે જ્યારે ઉનાળાના મહિનાઓમાં ઠંડુ રહે છે. પીએચ.ડી કરનાર ડો. શિવ મલિક 1995 માં મહર્ષિ દયાનંદ યુનિવર્સિટીમાંથી રસાયણશાસ્ત્રમાં, મૂળ રોહતકના મદીના ગામના છે. તેમનો ધ્યેય એક મોટા હેતુ માટે કામ કરવાનો હતો જે મોટા પાયે નોંધપાત્ર અસર લાવે. 1997માં, તેઓ આઈઆઈટી-દિલ્હી, યુનાઈટેડ નેશન્સ ડેવલપમેન્ટ પ્રોગ્રામ (યુએનડીપી) અને વિશ્વ બેંકમાં સલાહકાર તરીકે જોડાયા. ત્યાં તેમણે પર્યાવરણ અને ટકાઉપણું સંબંધિત અનેક પ્રોજેક્ટ્સ પર કામ કર્યું. આ સમય દરમિયાન, તેમને અમેરિકા અને ઈંગ્લેન્ડની મુલાકાત લેવાની તક પણ મળી જ્યાં તેમણે ટકાઉ ઘરો બનાવવાની રીતોનો અભ્યાસ કર્યો. ડો. મલિક ઘણા વર્ષથી ગાયના છાણમાંથી ઈકો-ફ્રેન્ડલી બિલ્ડીંગ પ્રોડક્ટ્સ બનાવી રહ્યા છે. ડૉ. એ.પી.જે. અબ્દુલ કલામે તેમના કાર્યોની પ્રશંસા કરી અને તેમને 2004માં રાષ્ટ્રપતિ ભવનમાં બોલાવ્યા હતા. વર્ષ 2019 માં, ડૉ. મલિકને રાષ્ટ્રપતિ રામ નાથ કોબિંદ દ્વારા તેમના ગ્રાઉન્ડબ્રેકિંગ કાર્ય માટે હરિયાણા કૃષિ રતનથી નવાજવામાં આવ્યા છે. ડૉ. મલિક પાસે ચાર ગાય, એક ભેંસ અને બે વાછરડાં છે. તેમનો પ્લાસ્ટર અને ઈંટોના ઉત્પાદન માટે રાજસ્થાનના બિકાનેરમાં પ્લાન્ટ છે.
બલ કન્ફેડરેશન ઓફ કાઉ બેઝ્ડ ઈન્ડસ્ટ્રી (જી.સી.સી.આઇ.) દ્વારા “ગોકુલમ્ – 5” ડૉ. શિવ દર્શન મલિક સાથેનો વેબિનાર તા. 8 ઓગસ્ટ મંગળવારનાં રોજ સવારે ૧૧ કલાકે જી.સી.સી.આઇ. ના યુટ્યુબ ચેનલ અને ફેસબુક પેજ પર ઓનલાઇન કરવામાં આવશે. સૌ ને આ ગૌ માતાના પુણ્યકાર્યમાં સહભાગી થવા વિનંતી છે. ગૌ શાળા અને ગૌ પાલકોનાં જ્ઞાનમાં વધારો કરવા આ આયોજન જી.સી.સી.આઇ. દ્વારા કરવામાં આવ્યું છે, આ પ્રકારના આયોજનનાં કારણે ગૌ શાળા સ્વાવલંબી બનશે અને તેના કારણે ગૌ આધારિત અર્થ વ્યવસ્થા પુનઃ નિર્માણ થશે.
વેબિનારનું માર્ગદર્શન રાષ્ટ્રીય કામધેનુ આયોગના પૂર્વ અધ્યક્ષ ,પૂર્વ કેન્દ્રીય મંત્રી અને જી.સી. સી. આઈ ના સંસ્થાપક ડૉ. વલ્લભભાઈ કથીરિયા કરશે. વેબિનારનું સંચાલન શ્રીમતી શતાબ્દી પાંડે કરશે.
વિશેષ માહિતી માટે મિતલ ખેતાણી (મો.9824221999), પુરીશ કુમાર (મો.8853584715), અમિતાભ ભટનાગર (મો.8074238017) નો સંપર્ક કરવા યાદી માં જણાવ્યું છે.

રિપોર્ટ નટવરલાલ જે ભાતિયા

➡ ગુજરાતના તમામ જિલ્લા તેમજ તાલુકાઓમાં ઉત્સાહી રિપોર્ટર, ઇન્ફોર્મર, જિલ્લા બ્યુરો તેમજ માર્કેટિંગ મેનેજરની જાહેરાત વિભાગમાં જરૂરત છે.

વધુ વિગત માટે સંપર્ક :-

➡ વ્યવસ્થાપક (લોકાર્પણ)
વૉટ્સઅપ : 84889 90300