વડાપ્રધાન નરેન્દ્રભાઈ મોદીના શાસનકાળ ને સાત વર્ષ પૂર્ણ થતાં ભાજપ દ્વારા ડભોઈ ખાતે બ્લડ ડોનેટ કેમ્પનું આયોજન કરવામાં આવ્યું

ભારતના વડાપ્રધાન નરેન્દ્રભાઇ મોદીએ સાત વર્ષ ના સમયગાળામાં વિકાસ, પ્રગતિ અને પરિવર્તનના ઘણા બધા શિખરો સર કર્યા છે .પરંતુ છેલ્લા સવા વર્ષથી આ કોરોના વાઇરસની મહામારીમાં જે તકલીફો ઊભી થઈ છે તે ભવિષ્યમાં ઊભી ન થાય તે માટે ભારતીય જનતા પક્ષ દ્વારા એક સપ્તાહ માટે’ સેવા હી સંગઠન’ ના નામે વિવિધ કાર્યક્રમો યોજવા ના હેતુથી ડભોઇ વિધાનસભાના મતવિસ્તારમાં એટલે કે ડભોઇ નગર અને કાયાવરોહણ ખાતે ડભોઈના ધારાસભ્ય શૈલેષભાઈ મહેતાના માર્ગદર્શન હેઠળ ભારતીય યુવા મોરચા દ્વારા બ્લડ ડોનેટ નો કેમ્પ સંપન્ન કરવામાં આવ્યો હતો. જેમાં યુવા વર્ગના લોકો ખૂબ જ મોટી સંખ્યામાં જોડાયા હતા.
ભારતીય જનતા પાર્ટી દ્વારા આ ‘ સેવા હી સંગઠન’ના નામે વિવિધ કાર્યક્રમો જેવા કે અનાજની કીટનું વિતરણ, સેનેટાઈઝરનુ વિતરણ, માસ્કનું વિતરણ જેવા અલગ અલગ કાર્યક્રમો વડોદરા જિલ્લામાં લગભગ ૧૦ જેટલી જગ્યાએ યોજવામાં આવ્યા હતા. જે અંતર્ગત ડભોઇ વિધાનસભાના ધારાસભ્ય શૈલેષભાઈ મહેતાના માર્ગદર્શન હેઠળ ભારતીય જનતા પક્ષના યુવા મોરચાના આગેવાનો દ્વારા ડભોઇ નગરમાં તેમજ કાયાવરોહણ ખાતે ઈન્દુ બ્લડ બેંકના સહયોગથી આ બ્લડ કેમ્પનું આયોજન કરવામાં આવ્યું હતું. જેમાં ડભોઇ ૪૦ યુનીટ જેટલું બ્લડ તેમજ કાયાવરોહણ ખતે 25 થી વધુ બ્લડ યુનિટ એકઠું કરવામાં આવ્યું હતું. ડભોઇ નગર અને તાલુકાના યુવાન વર્ગ ના લોકો ખૂબ જ મોટી સંખ્યામાં જોડાયા હતા.
આ કાર્યક્રમ ડભોઇ ના ધારાસભ્ય શૈલેષભાઈ મહેતાના માર્ગદર્શન હેઠળ ભારતીય જનતા પક્ષના યુવા મોરચા દ્વારા સંપન્ન કરવામાં આવ્યો હતો .જેમાં ભારતીય જનતા પક્ષના પ્રદેશ મંત્રી(જીલ્લા પ્રભારી) શ્રીમતી જાનવી બેન વ્યાસ, વડોદરા જિલ્લા પંચાયતના પ્રમુખ અશોકભાઈ પટેલ, વડોદરા જિલ્લા પંચાયતના શિક્ષણ સમિતિના ચેરમેન અશ્વિનભાઇ પટેલ (વકીલ), જિલ્લા યુવા મોરચાના પ્રમુખ દર્શિતભાઈ, પ્રદેશ યુવા મોરચાના મહામંત્રી કૌશલભાઇ દવે, ભારતીય જનતા પાર્ટી ડભોઇ શહેર પ્રમુખ ડૉ. સંદિપભાઈ શાહ, મહામંત્રી ડો. બી.જે. બ્રહ્મભટ્ટ નગરપાલિકાના કારોબારી ચેરમેન વિશાલ શાહ, ડભોઇ નગરપાલિકાના પ્રમુખ કાજલબેન દુલાણી, ડભોઇ નગરપાલિકાના સદસ્યો, ભારતીય જનતા પાર્ટીના કાર્યકરો અને ભારતીય યુવા મોરચાના કાર્યકર્તાઓ ઉપસ્થિત રહ્યા હતા.