પાટણ: 26મી જાન્યુઆરીના રોજ સિદ્ધપુર ખાતે યોજાશે જિલ્લા કક્ષાનો ધ્વજવંદન સમારોહ યોજાશે

પાટણ જિલ્લાના જિલ્લાકક્ષાનો ધ્વજવંદન સમારોહ આ વર્ષે સિદ્ધપુર મુકામે યોજવા જઈ રહ્યો છે. જેની જિલ્લા વહીવટીતંત્ર દ્વારા પુરજોશમાં તૈયારીઓ કરવામાં આવી રહી છે. 26મી જાન્યુઆરી પ્રજાસત્તાક દિવસે આરોગ્યમંત્રી ઋષીકેશભાઈ પટેલનાં હસ્તે ધ્વજવંદન થવાનું છે ત્યારે આજરોજ કાર્યક્રમની તૈયારીઓને જિલ્લા વહીવટી તંત્ર દ્વારા આખરી ઓપ આપવામાં આવ્યો હતો.

26 મી જાન્યુઆરીના મહાપર્વની ઉજવણીના પ્રસંગે ધ્વજવંદન, હર્ષ ધ્વની, રાષ્ટ્રગાન, માર્ચ પાસ્ટ, સાંસ્કૃતિક કાર્યક્રમો સહિતના કાર્યક્રમો યોજાશે. આ કાર્યક્રમની તમામ તૈયારીઓ જિલ્લા વહીવટી તંત્ર દ્વારા પૂર્ણ કરી દેવામાં આવી છે. જેનું આજે પાટણ જિલ્લા કલેક્ટરની ઉપસ્થિતિમાં રિહર્સલ કરવામાં આવ્યું હતું.

આજે યોજાયેલા રિહર્સલમાં નિવાસી અધિક કલેક્ટર બી.એસ.પટેલ, જિલ્લાના ઉચ્ચ અધિકારીઓ અને કર્મચારીઓ, તથા ભાગ લેનાર સ્પર્ધકો ઉપસ્થિત રહ્યા હતા. પાટણ જિલ્લા વહીવટીતંત્ર પાટણવાસીઓને પ્રજાસત્તાક દિવસની ઉજવણીમાં સહભાગી બનવા માટે આમંત્રણ પાઠવે છે.

રિપોર્ટ : અનિલ રામાનુજ રાધનપુર

➡ ગુજરાતના તમામ જિલ્લા તેમજ તાલુકાઓમાં ઉત્સાહી રિપોર્ટર, ઇન્ફોર્મર, જિલ્લા બ્યુરો તેમજ માર્કેટિંગ મેનેજરની જાહેરાત વિભાગમાં જરૂરત છે.

વધુ વિગત માટે સંપર્ક :-

➡ વ્યવસ્થાપક (લોકાર્પણ)
વૉટ્સઅપ : 84889 90300