કડીના ધારાસભ્યના ખિસ્સામાંથી મોબાઈલ ઝુંટવી ભાગતાં ત્રણ ટાબરીયાં ઝડપાયા
કડીના ધારાસભ્ય કરશનભાઇ સોલંકી ના ખિસ્સામાંથી મોબાઈલ સેરવી ભાગતાં ત્રણ ટાબરીયા ને ધારસભ્યે પકડી પાડી પોલીસ હવાલે કર્યા હતા.કડી પોલીસે સાંજ સુધીમાં પકડાયેલા ટાબરીયા વિરુદ્ધ કોઈ ગુન્હો દાખલ કર્યો નથી. કડી શહેરમાં કેટલાક સમયથી મોબાઈલ ચોરી થવાની ઘટનામાં નોંધપાત્ર વધારો જોવા મળ્યો છે.મોબાઈલ ચોરો લોકોને વાતચીતમાં રાખી ખિસ્સામાંથી મોબાઈલ સેરવી લેતા હોય છે.
કડીના ધારાસભ્ય કરશનભાઇ સોલંકી શહેરની ભાગ્યોદય સર્કલ પાસે કોઈ કામસર ઉભા હતા ત્યારે તેમની બાજુમાં આવેલ ત્રણ ટાબરીયા પૈકી એક જણે તેમના ખિસ્સામાંથી મોબાઈલ સેરવી લીધો હતો પરંતુ ધારસભ્યને તરત જ ઘટનાની જાણ થયી જતા તેમણે મોબાઈલ ચોરી ને ભાગતાં ટાબરીયાને ઝડપી લીધા હતા અને કડી પોલીસ ને હવાલે કર્યા હતા. કડી પોલીસે સાંજ સુધી મોબાઈલ ચોરી ભાગતાં શખ્સો સામે કોઈ ગુન્હો દાખલ કર્યો નહોતો.
શહેરમાં મોબાઈલ ચોરતી નાના ટાબરીયા ની ટોળકી સક્રિય
કડી શહેરમાં છાછવારે મોબાઈલ ચોરાઈ જવાની ઘટના ઘટતી જોવા મળે છે.અંગત સૂત્રો પાસેથી મળતી માહિતી પ્રમાણે થોડા સમય થી નાના ટાબરીયા ની એક ટોળકી મોબાઈલ ચોરી કરી રહી છે જેનો એક સભ્ય થોડા દિવસ પહેલા પોલીસ ના હાથે ચડી ગયો હતો અને તેણે મોબાઈલ ચોરી કબૂલી પણ હોવાનું માનવામાં આવે છે.
